السلام عليكم
يابنات صار معايا شي اليوم
نمت الساعه 3 الفجر وصحيت 10 الصباح ودخلت الحمام
شفت نقطتين افراز بني مرررررا انفجعت يارب ارحمني
وانا بحملي البس مناديل كيرفري عشان الافرازات الطبيعيه ماتوسخ الداخلي
واضطر اغير كل شويه ف الفوط اليوميه مريحتني
لكن اليوم اول مرا ينزل مني افراز بني بس قليل مرااا نقطتين بس خفت
وكلمت زوجي ولما جاء من العمل رحنا العصر للمستشفى
بس المفاجأه انو الدكتوره بأجازهـ ومافي الا دكتور
وزوجي قالي صعبه تدخلي لاني جبت معايا الفوطه اليوميه الي عليها افراز
قلت يمكن اللون طبيعي وانا يتهيألي وحبيت استشير الدكتوره
ف حسيت صعبه اوريها للدكتور المهم رحت مستشفى ثاني وقلتلها عن وضعي
قالت بصرفلك ديفاستون تاكليها مرتين باليوم
و الجو سبرين رح اوقفو
وقلت يادكتوره يعني عادي تصرفلي الحبوب المثبته
من دون مااسمع النبض !!!
قالت ايوا عادي مآرح يضر
بس حبيت اسوي سونار قلت يمكن اسمع النبض وارتاح
وعلى حسابي الشخصي لي 6 ااسابيع و 3 ايام
واه من لقافتي ندمت اني سويت سونار
لان لما سويت السونار برضو الجنين مو باين بس الكيس
اليوم تاريخ 6 / 12 والمفروض سوناري بتاريخ 20 / 12 هـ
وقالت وضعك طبيعي بعد اسبوعين عيدي السونار ان شاء الله يبين
بس خلاص قررت ااجل موعد سونار الجاي بخليها 26 / 12 هــ
الله يعين ويسهل وتعدي الايام على خيررررر
على فكره اول سونار سويتو كان بتاريخ 28 / 11 والثاني 6 / 12 ولسى مو مبين الجنين
يعني بينهم 9 ايام
دعواتكم لي
السلام عليكم
يابنات صار معايا شي اليوم
نمت الساعه 3 الفجر وصحيت 10 الصباح ودخلت الحمام
شفت...
بخصوص الصبغه ابدآ مانصحك انتي حامل ولازم تهتمي من هالناحيه
كلها كيماويات ولاسمح الله ممكن تضر
وفي حريم يصبغو ولايضرهم وحريم العكس ممكن ينضرو بشكل اكبر
يعني مو كل الحريم مثل بعض مرا قرات رد وحده تنصح عضوه انها ماتصبغ
وقالت قريبتها ولدت و ولدها جاء فيه ثقب بالقلب وهي بفتره حملها كانت تصبغ شعرها
وقالولها ممكن الصبغه سبب بهالشي