madawi77 :

مساء الخير كيفكم اليوم ؟ بنات عندي موضوع ودي نتناقش فيه لانه مهم ويبي له صبر و عواقبه خطيرة و هو صحة الحامل اشوف نفسي واللي حولي من تحمل الوحده وهي تعبانه ويستمر التعب الي أعوام ويمكن تزوج ولدها وهي للحين تعاااااني من الم صار لها وهي كانت حامل فيه !!والله ما ابالغ وادري ان الحمل وهن على وهن وانه شيء عظيم و كل حمل يعتبر معجزه لكن احنا كثير نهمل نفسنا و كن الحمل عذر فالشهور الاولى صح الوحام متعب ويمكن يمر اليوم كامل بدون اكل لكن ليش ما نعوض بفتميات او مكملات غذائيه و الفتره الثانيه تعبر المرحلة الذهبيه فالحمل المفروض نركز على الاكل الصحي المشي لو نص ساعه نسوي تحاليل حديد كالسيوم نهتم فيها لو فيه نقص نعوضه قبل الولاده يعني اشوف بعض البنات تقول دمي 9و الثانيه تقول ٨ و كل وحده تقول النقص عندي اكثر بفخر وكأنه شيء زين ؟!! لا استمرت على الحديد و لا فكرت تخلي الدكتوره تزيد لها الجرعه يمكن مايعرفون مخاطره !!لكن بحكم اني جربت هالشي وندمتتتتتتت نقص الحديد يسبب نزيف بعد الولاده محد يحس بخطورته الا اللي جربته و اسوء شعور تشوفين خمس دكاترة فوق رأسك وكل اللي موجود بالقسم عندك و النزيف مو راضي يوقف ما امداني افرح بالولادة الطبيعه و اشوف النونو بخير 💔 الحمدلله على كل حال اللي أبيكم ما تنسونه صحتك مسؤوليتك لا تعتمدين اعتماد كلي ع الدكتوره بالاخير هي بشر ممكن تنسى تجيها وهي تعبانه تنسى تكتب لك علاج او تحليل مهم إنتي اطلعي واقري وابحثي عن كل معلومه تفيدك اسعي كل السعي لصحتك لا تنظرين احد يساعدك او يذكرك فيها الله يوم القيامه راح يسألك إنتي ماراح يسأل زوجك ولا دكتورتك و تأكدي اذا جاك هشاشته عظام من نقص الكالسيوم ثاني شخص يتضرر بعدك هو جنينك راح تولدي وانتي تعبانه مالك خلقه القومه عليك بالحسره واسألي كل وحده جربت نقص فتامين دال كيف تدهورت صحتها و طول فتره العلاج من غير تساقط الأسنان ومخاطر كثيره الله يبعدها عني و عنكم الحين بعد المقدمة ☝🏻☝🏻☝🏻☝🏻ذَا كله مقدمه الله يعينكم علي 🙈😂 علمينا شيء إيجابي و صحي من حملتي صرتي حريصه عليه ؟؟؟؟! شيء سلبي و عاده سيئه او تجربه نقص فتامين او نسيتي تحليل مهم في حمل سابق و ترك اثر عليك ؟؟؟؟؟!

مساء الخير كيفكم اليوم ؟ بنات عندي موضوع ودي نتناقش فيه لانه مهم ويبي له صبر و عواقبه خطيرة و هو...

ميمي104 :

قريت موضوع اخطاء السونار 😰😰 احس مافيني صبر برجع أعيد السونار بس بدور دكتورة كويسة

قريت موضوع اخطاء السونار 😰😰 احس مافيني صبر برجع أعيد السونار بس بدور دكتورة كويسة

Tahani999 :

بنات ودي افضفض بكم نقطه بنفسي ..استغرب اذا سمعت خبر حمل وحده سواء دريت بالشهر الثاني او الثالث مايمر فترة قصير الا وهي والده طبعا مرت بالشهور كلها وانا ماحسيت لكن اذا حملت الوحده تحس نفسها رح تكون حامل قرن كامل اتوقع القلق الي يصاحب الحمل هو الي يحسسني بهذا الشيءلدرجة الفترة الماضيه مرتين اروح لعياده كل مره يقولون لي انتي لسا بالاسبوع السابع رغم اني بناء على حسبتي بماان حمل انابيب فالمفروض دخلت التاسع بعمر الجنين ووزنه لكن هن يعتمدن على حسبة الدوره😞 مااخفي عليكم من حملت وان بقلق احاول اخففه لكن اتوقع رح يزيد بالايام الجايه اخاف يحصل لي مثل ماحصل بحملي قبل سنة فقدت توأم كانو اصحاء بولاده مبكره انفتح الرحم فجأه ليلتها كنت اعاني مم ضغط في فتحة الشرج الله يكرمكم توقعت البواسير قلت من بكره بجيب كريم له والصباح نزلت السداده وبدا المخاض كانو يرفسون وهم ينزلون من بطني.. كل ماتذكر ذيك الايام اقول الحمدلله على كل حال حصل لي ذلك قبل عودتنا للسعوديه بسبب الفاجعه زوجي الغاء الحجوزات واضطريت اجلس نقاهه شهر قبل السفر اطفالي كانو جميلين ملائكه بنت وولد والله يابنات كانو ساطعين من بياضهم وجمالهم حظناهم وقبلناهم للمره الاخيره الحمدلله على كل حال لاجل ذلك رح نعمل المستحيل مع توفيق الله وعونه في الحفاض علي البيبي حتى اخر شهر ..عندي موعد بعد اسبوع ونص من الان لمناقشه موضوع الربط مع المستشفى الحكومي مع انهم يبدو انهم مايلجأون للربط الا بالحالات الحرجه وهذا الي مانريده رح نقدم التقارير وتوصيات الاطباء الي بامريكا على اهمية الربط ونشوف ردهم اذا اصرو رح نعملها بحول الله بخاص والله يكتب لنا الخير ويسهل علينا ويتمم علي حملي بخير

بنات ودي افضفض بكم نقطه بنفسي ..استغرب اذا سمعت خبر حمل وحده سواء دريت بالشهر الثاني او الثالث...

Doha.otb :

ياربي بعض الناس فيهم لقافه صدق صدق يحيرون الواحد كانهم هما الي بيربون الاطفال ويصرفون عليهم لاتقولين لااحد الالما يشوفو بطنك ويسالونك ولو قالولك شي قولي الحمدلله رزق من ربي وانا راضيه وزوجي راضي لاتقولين بالغلط محد له دخل بذي الامور الخاصه . حسبي الله ونعم الوكيل انقهر من الناس الي كذا . وحصني نفسك واستودعي الله عيالك وبيتك والله الحافظ .

ياربي بعض الناس فيهم لقافه صدق صدق يحيرون الواحد كانهم هما الي بيربون الاطفال ويصرفون عليهم...

فوزfs :

اول شي مبروك الحمل. النلس ماعليك منهم اخرهمك هم والله ماخلوا للي تجيب وراء بعض ولاخلوا للي متاخره بالحمل مافي شي يعجبهم اهم شي احمدربي على هالنعمه للي كرمك ربي فيها وحصني نفسك وجنينك وذريتك كل يوم مايجيك الاالسلامه توكلي على الله وهو يكفيك شرخلقه

اول شي مبروك الحمل. النلس ماعليك منهم اخرهمك هم والله ماخلوا للي تجيب وراء بعض ولاخلوا للي متاخره...