ريماتاليا حبيبتي بالنسبة انو تندمي على ترجيح جنس الجنين ما تفكري هيك
هي اقدار من الله والله بالنهاية يا كاتبلك تحملي وتجيبي ولد يا لا يعني شي مو بايدنا اصلا
وشي مشي وراح
لا تتذكري وانسيكي وان شاء الله ربي بعوضك بالجنس اللي بدك ياه من غير تحديد
بعرف وحدة عندها 5 بنات بحمل طبيعي وحددت الجنس و حملت بولد وسبحان الله توفا ببطنها بالشهر التامن
يعني الله مو كاتبلها سبحان الله
يعني مهما اجتهد الانسان بتبقا اقدار من الله
فلا تزعلي حالك على شي راح حتى لو لاموكي الدكاترة بنبقا نحن بشر نخطئ و بنصيب
الصفحة الأخيرة
شوفي مستشفى فرح معروف بيعمل عمليات كتير بالسنة و كتير بيعملو تحديد جنس
يعني كتير مريضات كانو معي وقت عملياتي اللي عندهم محددين جنس
بس متل ما قالت ريماتاليا بيضعف الجنين لما يعملو تحديد جنس
دكتور عصمت ما سمعت عنده وحدة حددت يعني ما مر عليي عرفتي
بس هو كان يحكي انو تحديد الجنس ما بيعملها لوحدة ما عندها اطفال
ممكن يعملها لوحدة عندها بنتين واكتر
وبالنسبة لاختيار جنس الجنين
بتم عن طريق فحص الجنين بعد تلقيح البويضة بالحيوان المنوي
يعني ممكن يطلعو كلهم بنات ويخيروكي يتم الترجيع او ما يتم
وممكن يطلع اولاد و بنات و ترجعي الجنس اللي بدك ياه
بس فكرة انو يختارو النطاف الذكرية هي غير موجودة بالحقن المجهري
بجوز قصدك التلقيح الصناعي
هداك شي تاني تماما
عبارة عن فصل الحيوانات المنوية الذكرية عن الانثوية بالطرد المركزي
بكون نسبة النطاف الذكرية 80 بالمية تقريبا ازا مو اقل
وبعدها حقنها بابرة للرحم
طبعا فرصة الحمل بالتلقيح الصناعي تقريبا 15 بالمية
ومو مضمون الجنس فيها
لانه بعرف وحدة عملت تلقيح صناعي بهي الطريقة وحملت ببنت
وايا سؤال ما تترددي