بدي احكيلكم شي يا بنات للي بتعاني من عدم اكتراث زوجها لموضوع الاطفال وبتحس حالها هي اللي بتقاتل بس
ولما تفشل الفشل غالبا على راسها
انا عانيت مع زوجي بهي الشغله
رغم انو السبب منو وقتها
بس كان عندو رفض تام للانابيب و اقتناع تام انو رح يصير حمل طبيعي من غير عمليات
رغم انو ما يعمل باي اسباب للموضوع
واديه تقاتلنا على هالموضوع
اديه صارت مشاكل عليه
والله كل عملية اشحدها شحدة منو بس يبلش فيها
وباخر عملية بالذات والله يا بنات صارت معنا مشكله كبيرة بيني و بينه
دعا عليي ما شوف الولاد
ودعا عليي ما تنجح العملية
واثر على نفسيتي كتير
انا مريت باوقات قبل حملي خلال عملياتي كلها
مريت فيها باكتئاب شديد و تفكير لدرجة حس نفسي ارتاح من التفكير لو شوي
والله والله لو بجمع البكا اللي بكيتو بهال سنوات
انو لينزل مطر على الاردن كلها منو
والي مذكرات كاتبتها باوقات حزن شديد مريت فيها
كاتبه مشاعر كتير
لا تدل الا على انسانة منهارة تقريبا
خاصة متل ما حكيتلكم لما دعا عليي بعمليتي الخامسة
واللي نجحت سبحان الله
لانو الله مو ظلام للعبيد
اجمالا برغم كل الحزن اللي مريت فيه ما يئست
بنظر لكتابتي السابقه كاتبه فيها احلام حلمتها
والله العظيم والله العظيم انو حصل 75 بالمية منها
وكانو ما رسمتو بعقلي الباطن من حسن ظن بالله انها رح تصير
صارت

لا تيئسو يا بنات
ولو زوجك حسيتي غير مكترث لموضوع الاطفال
والله انو مو صح
غالب الرجال ما بيرضا يعترف بحزنو اتجاه هاد الموضوع
سواءا السبب منو او منك
وعقلو الباطن بيرفض الاتجاه للاسباب لانو هاد اعتراف بالشوق لهالموضوع
لكن مجرد لما تحملي
مجرد تولدي
مجرد يصير الطفل موجود
رح تكتشفي انو كان كلو تمثيل
فرحتو بحملك هي اكبر دليل وقتها
فلا تزعلو حالكم على هالشي
اسعو بالاسباب مهما كانت
حتى لو الوقت طويل لما يستجيب للعملية او للعلاج
انا بكل مرة
بكلللللللللللللل مرة
سنة كاملة لما يقتنع نرجع نعيدها
وبضغط كبير مني
اتذكرو بس ما علينا نحن غير نعمل بالاسباب
الرب موجود ورح يزرقك غصب عن كل الخلق لانو اكرم منو مافي

واتذكرو
بالصبر والحب رح يضيئ عمركم طفل هو ابنك او بنتك
تمحي فيه ايام الحرمان والانتظار و العمليات كلها

ردينة حبيبتي اللي بتعملي صح طبعا
وهو من باب العمل بالاسباب
ازا دخلتي على مواضيعي
حاطة فيها عن وحدة كتبو عنها بالجريدة
رزقها الله بعد 23 عملية
رزقها بال 24 !!!!!
يا ترى هل هي نفسها كانت تتوقع انها توصل لهالعدد ؟؟؟
اكيد لا
اللي وصلها لهالعدد هو امومتها
ورغم كل هالعدد الله رزقها
ان شاء الله ما يبلينا جميعا نوصل هيك
لكن اللي بدي وصلك ياه
ما بتعرفي باي عملية هي رزقك
وسدقيني لما الله يرزقك رح تنسي هي العمليات كلها
وتبتسمي عليها
لانها برغم اثرها القوي على الانسان لكنها خلتك اكيد اقوى و بتفكير اخر اكيد
اللي كانت معي يوم عمليتي
ذكرتها بموضوعي
عملت 10 عمليات بسنتين!!!
عندها بنت هي فقط
بالعملية 10 الله رزقها معي
جابت توام اولاد
عانت كتييييييييييير بحملها و ولدتهم بالسابع و عانت بالخداج
لكن الله كريم وما خيبها
ما دام عندك قدرة تعملي العملية
اعمليها وعيديها لحد ما تخلص كل الفرص قدامك
وباكدلك ان شاء الله بحسن الظن بالله
انو رح يرزقك باذن الله عاجل غير اجل

اختي انا مجنونة جزاك الله خير وفرج همك
والله كلامك ريحني ان شاء الله ربي يسهل لنا وان شاء الله بعيدها وربي كريم
اختي بالنسبة لزوجك أكيد ما كان يقصد بس في حالة غضب
انا زوجي يحب الأطفال أكثر مني وكل عملية أشوف في عيونه حزن كبير
أحيانا يرفض العملية رحمة بي يقول تعبتي من المنشاطات خاصة بعد الضغط الحمد لله قدر الله
ربي أكرمني ورزقني ببنتي نورت حياتنا ويارب يرزقك كل بنات التجمع. يارب

ردينه انتي عندك بنت ماشاءالله زين ادري تبي
طفل بس افضل من غيرك ربي يرزقك عاجلا غير انا نفسي بس اسمع كلمة مبرووك حامل

انا عاقله ///
الله يعينا فعلن كلامك واقعي