بكرا عمليتي يارب ساعدني خايفه بنمشي من السعوديه ع الفجر الله يعين بتكون الساعه 9صباح وب الاستقلال الدكتور حكالي افضل عنده فيه هالشهر 16حاله حمل يارب يسرلي يارب دعووووووووووواتكم //// توووكلت على اللهبكرا عمليتي يارب ساعدني خايفه بنمشي من السعوديه ع الفجر الله يعين بتكون الساعه 9صباح وب...
بدي احكيلكم شي يا بنات للي بتعاني من عدم اكتراث زوجها لموضوع الاطفال وبتحس حالها هي اللي بتقاتل بس ولما تفشل الفشل غالبا على راسها انا عانيت مع زوجي بهي الشغله رغم انو السبب منو وقتها بس كان عندو رفض تام للانابيب و اقتناع تام انو رح يصير حمل طبيعي من غير عمليات رغم انو ما يعمل باي اسباب للموضوع واديه تقاتلنا على هالموضوع اديه صارت مشاكل عليه والله كل عملية اشحدها شحدة منو بس يبلش فيها وباخر عملية بالذات والله يا بنات صارت معنا مشكله كبيرة بيني و بينه دعا عليي ما شوف الولاد ودعا عليي ما تنجح العملية واثر على نفسيتي كتير انا مريت باوقات قبل حملي خلال عملياتي كلها مريت فيها باكتئاب شديد و تفكير لدرجة حس نفسي ارتاح من التفكير لو شوي والله والله لو بجمع البكا اللي بكيتو بهال سنوات انو لينزل مطر على الاردن كلها منو والي مذكرات كاتبتها باوقات حزن شديد مريت فيها كاتبه مشاعر كتير لا تدل الا على انسانة منهارة تقريبا خاصة متل ما حكيتلكم لما دعا عليي بعمليتي الخامسة واللي نجحت سبحان الله لانو الله مو ظلام للعبيد اجمالا برغم كل الحزن اللي مريت فيه ما يئست بنظر لكتابتي السابقه كاتبه فيها احلام حلمتها والله العظيم والله العظيم انو حصل 75 بالمية منها وكانو ما رسمتو بعقلي الباطن من حسن ظن بالله انها رح تصير صارت لا تيئسو يا بنات ولو زوجك حسيتي غير مكترث لموضوع الاطفال والله انو مو صح غالب الرجال ما بيرضا يعترف بحزنو اتجاه هاد الموضوع سواءا السبب منو او منك وعقلو الباطن بيرفض الاتجاه للاسباب لانو هاد اعتراف بالشوق لهالموضوع لكن مجرد لما تحملي مجرد تولدي مجرد يصير الطفل موجود رح تكتشفي انو كان كلو تمثيل فرحتو بحملك هي اكبر دليل وقتها فلا تزعلو حالكم على هالشي اسعو بالاسباب مهما كانت حتى لو الوقت طويل لما يستجيب للعملية او للعلاج انا بكل مرة بكلللللللللللللل مرة سنة كاملة لما يقتنع نرجع نعيدها وبضغط كبير مني اتذكرو بس ما علينا نحن غير نعمل بالاسباب الرب موجود ورح يزرقك غصب عن كل الخلق لانو اكرم منو مافي واتذكرو بالصبر والحب رح يضيئ عمركم طفل هو ابنك او بنتك تمحي فيه ايام الحرمان والانتظار و العمليات كلهابدي احكيلكم شي يا بنات للي بتعاني من عدم اكتراث زوجها لموضوع الاطفال وبتحس حالها هي اللي بتقاتل...
ردينه انتي عندك بنت ماشاءالله زين ادري تبي طفل بس افضل من غيرك ربي يرزقك عاجلا غير انا نفسي بس اسمع كلمة مبرووك حاملردينه انتي عندك بنت ماشاءالله زين ادري تبي طفل بس افضل من غيرك ربي يرزقك عاجلا غير انا نفسي بس...
تاني شي حبيبتي انا ما كتير ارتحت للدكتور واتخنقت انا وزوجي عشانه لكن هوصمم عليه وقال انو هو ارتح له وتفائل فيه
حسيت الدكتور بيمشي على البرنامج وبس مافي اي اجتهاد من عنده ولا زيادة يعني انا رحت لعنده مشان اعمل المحاولة الخامسة وقلتله عندي فشل اربع محاولات ورحت قبل بشهر من موعد العملية وقلتله اذا في اي شي اعمله قبل العملية انا جاهزة لكن هو ولا طلب مني شي تصوري حتى فحص وتصوير عشان يشوف المبايض والرحم ما عملي الا بيوم جاتني الدورة عشان يكتبلي المنشطات (يمكن لاني قلت له انا سليمة والسبب زوجي ) حتى الفوليك اللي بياخدوه كل البنات ما كتبليه والاسبرين لبعد الترجيع مع اني بعرف البنات بياخدوه قبل التنشيط وبعد الترجيع كتبلي تحاميل سايكلو جست والاسبرين وبروجيلتون .ولا قال في شي مسموح او ممنوع حتى موعد للتحليل ما عطاني قلي انتظري 12 يوم وحللي
وبتعرفي احنا بدنا اي شي ممكن يزيد فرص نجاح العملية الحمد لله على كل حال
وبالنسبة للمشفى فهي مشفى الاستقلال وهي مشفى كتير منيحة والممرضات كتير لطيفات والمختبر عندهم كتير منيح بس الحمد لله قدر الله وما شاء فعل وقشلت عمليتي
على كل حال هو دكتور كويس وبيعطيكي مجال انك تسالي وبيرد على كل اسئالتك وفي بنات نجحت عملياتهم عنده
ان شاء الله هالعملية بتكون خير عليكي وربي يبيكتبلك فيها الحمل بتوءام تاميين معافيين
مشفى الاستقلال كتير رائع وان شاء الله بتشوفي الخير فيه
ربي يخليلك بناتك ويرزقك اخوة توءام صبيان عن قريب ويكون حمل طبيعي باذن الله
ربي قادر انو يفرحنا ويرزقنا الذرية الصالحة الي تنسينا اللي عم نشوفه ونسمعه ونحسه