نسيت اقول لكم انا الزنانه الي عندي ماتسكت الا بصدري سوا كانت جيعانه او شبعانه اهم شي ذاك الشي في فمها عشان تسكت عاد تخيلو وضعي لو طلعت مستشفئ ولا مشوار 😭
ارييييد حلا 😵

باشن بنتي نفس الشي والله ما تسكت إلا صدري بحلجها
تخيلي وايد اوقات تكون شبعانة وتخيلي بحلجها وتمص الحليب من صوب وتتفله من صوب ثاني
ألاقي حضني غرقان حليب إنزين يا بنت الناس انا ارعى ليل مع نهار عشان أسويه لج وانتي بمزاجج تضيعينه
بذمتكم مو فسقة

والله بناتنا مدلعين نفسهم مزبوط على حساب رشاقتنا.
ترا نفس الحركه سوتها بنتي قبل يومين وحسيت بضياع مجهودي 😂

هههههههههههههههه
الله يسعدكم والله ضحكتوني انا اميرتي مثل بناتكم ترا مع انها عالصناعي وصدري نادرا بس تخلص الرضعه وتقوم تبكي لين اعطيها وتنام عليه حنونات بناتنا يبغون ينامون على صدورنا وتقهرني فحركة ترضع الحليب من هنا وتطلعه من هنا وهي رضعه واحده باليوم بالقوه اجيبها ابغاها تستفيد فتطلعها يا ربي يصلحهم ويهديهم ويحفظهم لنا

امين يارب العالمين.

طيب بسئلكم عن نظام النوم كيف البرنسيسات معاكم.

انا تنام 2 بعد نص الليل وتصحئ الفجر تاخذ رضعه وبعدها تنام ل 11 وتصحئ وبعد كذا نوم خفيف علئ فترات متقطعه بحدود النص ساعه اللين تجي الساعه 2 وتنام