مرحبا ياحلوات شلونكم شلون الصغار ؟
بنات عندي مشكله ماتخص بنتي الصغيره تخص بنتي التوام
انا سجلتها روضه المهم بنتي طلعت متنمره والله لا انا ولا ابوها فينا هالطبع ولا حتى نعيب على اشكال الناس والوانهم احاول اغير طبعها ماتبي فشلتني وشي ثاني فيها لسانها طويل الله يصلحها فشلتني في هلي واهل زوجي 🤦🏻♀️
يعني تسال امي ليش شعرج اورنج 😑
او تسال جدتها ام زوجي ليش ماتمشين جدتها كبيره وجاتها جلطه من كم سنه
وغيرها مواضيع كثير مابي اعددها انا صراحه احس بكره الطلعات بسبتها ☹️☹️
ابي حل صراحه فضحتنا في الناس
مرحبا ياحلوات شلونكم شلون الصغار ؟
بنات عندي مشكله ماتخص بنتي الصغيره تخص بنتي التوام
انا...
وبنتك لسى صغيره ماتفهم واكيد ماراح احد ياخذ بخاطره منها واذا كبرت وبدت تفهم علميها وفهميها تحترم الي اكبر منها ولاتتنمر على خلقة الله ..
انا اطفالي من عمر اربع سنوات يعني اذا بدو يفهمو اقول لهم حرام الواحد يستهزأ بخلقة احد لان الي خلقه وخلقك الله
ولو يتنمرو على طفل اقول استغفرو ترا تصيرو مثله قولو الحمدلله الذي عافانا مما ابتلاه وصارو من حالهم اذا شافو شي مو حلو بشخص على طول يقولو الحمدلله الذي عافانا حتى اختهم الصغيره عمرها ثلاث سنوات اذا ضحكت ع طفل ثاني بسرعه يهاوشوها ويقولو قولي الحمدلله الذي عافانا وصار مايتنمرو الحمدلله
حتى فيه شي ضحكني وحزني بنفس الوقت ع ولدي 😂
كان عمره سبع سنوات وكان يتأتأ وضحك عليه ولد عمه قاله شفيك علقت 😅 قاله ولدي لاتضحك علي ترا الله يخليك زيي قول الحمدلله الذي عافانا ولد عمه طنش وكمل ضحك عليه
والله العضيم ولدي جاني بعدها بكم يوم قال يمه ولد عمي يتأتأ زيي 😂 الحمدلله الذي عافانا وانا الحمدلله بطلت اعلق زي اول 😂 قلت قل الحمدلله الذي عافنا ولاتضحك عليه ترا ترجع لك التعليقه 😂