الجامعي ايوه حكومي وفي قسم خاص بس ما اعرف طريقتهم كيف
المراجعات اخصائين تحت اشراف الاستشاريات الاستشاريات تاخد الحالات الصعبة لانها تاخد الملفات وتفرزها وتشوف اللي حالتها تحتاج هيا تشرف بنفسها عليها او لا واذا حالات عادية تحولها على الاخصائي
بس عيبهم يطفشو مافي سونار بالغرفة السونار بموعد ومايعملو سونار كثير غير اول الحمل ونصه واخره بس مايكثرو و التحاليل مرة واحدة اول الحمل ولو اشتكيت من شي يكتبو تحاليل وكل شي عندهم مسجل في كمبيوتر يعني صعب تسحبي الملف والنتايج حقت التحاليل وتروحي مستشفى تانية مافي اوراق الملف بالحالة كلو مسجل في النظام
انا ولدي خالد كل مراجعاتو وحاليلو الوراثية عملتها عندهم عشان كنت بس ابغا اتطمن اذا اللي فيه وراثي او لا بس الحمدلله اتطمنت مافي وراثي وكمان عملو تحليل اذا ممكن اجيب طفل تاني بنفس الحالة والحمدلله ارتحت طلعت النتايج سليمة
امس اخدو منو عينة جديدة لانهم قالولي في تحليل ماينعمل غير عندهم ولا مستشفى بحدة تعملو ياخدو العينة ويرسلوها على امريكا تحليل كروموسومات مفصل ودقيق و ياخد شهرين لحد ماتطلع النتيجة ان شالله خير يارب

وقت الولادة يا نوفي يهتمو فيكي مايسيبوكي ولا دقيقة مافي اهمال ويسالوكي اذا تسمحي لدكتور يدخل يولدك او لا و اغلب اللي يولدو اخصائين بس عندهم طولة بال ومايستعجلو مرة وغرفة الولادة لوحدي مو اكشاك جنب بعض
صراحة مستشفى ممتاز و نظيف جدا واطاقم التمريض عندهم من احسن ما يكون كمان

رشة
يسعدك ربي وانا كمان مبسوطة فيكي

فين نبض الامومة اتاثرت بطريقة كلامي هههههههه ضحكتني اليوم الصباح

انت قلتي اول انهم مايعلمون الجنس ولد ولابنت لانه حكومي
استغربت كيف طريقتهم يقبلون على طول مو تعقيد زي عندنا !!
بس جامعينا تطور صاروا يعلمون اخر مرة جلست ساعة توريني اعضائه ووجه وكل شيء فيه
وهالمرة مدري عنهم

والله يا نوفي انا فتحت ملفي بواسطة
ايامها اختي كانت امتياز تمريض بالمستشفى و طبعا كانت تعرف الدكاترة هناك والاخصائين ولازم اجيب ورقة فتح ملف من استشارية وجابتلي جزاها الله خير ويوم جيت افتح الملف عشان كان اخر السنة قالو مافي فتح ملفات وبالقوة يرسلونا من شخص لشخص لحد ماواقفو في الاخير
وحاليا لما رحت عشان ابغا ابدا معاهم قالولي لازم توقيع من الاستشارية على تنشيط الملف لانه ملفي له 6 سنين واستنيتها لحد ماوقعت عالموافقة

كانو زمان يقولو ايش جنس الجنين حتى قلت لاخصائية الاشعة قالتلي بعدين منعو عشان بتصير مشاكل في ولدي قالولي كم مرة