ام حبيبة
الله يعظم أجرك .. ياشين إنخفاض الضغط .. أنا في كل حمالي اللي مر علي
ينخفظ لدرجة ان رأسي يلف بس وأدوخ حتى وراسي على المخدة ..
يعني طول الثلاثة الأشهر الاولى وأنا ما أقوم من مكاني من الدوخة ..
إذا قمت أخواتي يمسكوني عشان ما أطيح .
بس الحمد لله حملي هذا أخفهم .. أقوم وما أحس بدوخة بس لأمانة ما أمشي كثير
بس من الغرفة للمطبخ للصالة كذا ..
لو أمشي زيادة أحس يبدأ راسي يوجعني وأدوخ ..
تصدقين ألهم الملح لهوم واشرب عليه ماء عشان يرفع ضغطي .

ميار ..

بنورك ياقلبي ..
الله يعينك ..
دام متنسية بغرفتك لا تدخلينها لين ترتفعين شوي ويروح عنك الوحم
أذكر في حملي الثاني تنسيت ببيت اهلي ههههههه
وبس حاطة يدي على خشمي وأقول ويييع بيتكم ريحته شينة فيه موكيت خايس
يقولون ما نشم وأنا أقول إلا دوروا أكيد فيه موكيت مكبوب عليه شيء وخاس
وندور ندور .. وأنا توي مادريت اني حامل .. ثم لاحظت اني أنا بس اللي أشمه
وفي كل غرفة .. واكتشفت بعدها اني حامل ودريت ان العيب بخشمي ..
صرت إذا رحت لهم آخر الإسبوع أقعد أصيح في السيارة إييييه
زمان يافن هههههه
صرنا إذا جيتهم نقعد بالملحق اللي برى تقل جنبية ههههههههه
الله على ذيك الأيام جعل امي وأبيي في الجنة .

ام فطوم ..

قولي للدكتورة انك حامل .. وهي تعطيك شيء يناسبك..
وقدر الإمكان إذا قادرة تتحملين لين تخلصين على الأقل الثلاثة الأشهر
الاولى زين
لكن إذا مضطرة خذي ..
أنا بصراحة في حملي هذا أخذت جلسات بخار ومضاد ..
وشراب للكحة والبلغم تكرمين وماكنت أدري اني حامل ..
بس بعد ما دريت سألت طبيبة النساء والولادة .. قالت لا ان شاء الله
مايكون إلا الخير الأدوية اللي أخذتيها خفيفة ..
ثم تعبت باللوز قالت الدكتورة لازم مضاد عشان الصديد بيضرك ..
وأعطتني أموكسيل وأعطتني شراب للبلغم ..
تصدقين خلصت 3 قوارير في هالشهرين !!
الله يستر علي .. خايفة بس الدكتورة طمنتني ..
أهم شيء تقولين للدكتورة انك حامل .

النافورة ..
ياقلبي عليك الله يهونها عليك ويسهل امورك..
ليتك جارتي كان تعاونا



ام حبيبة ..

ههههههههه حتى أنت ..
أنا قايلة لزوجي ماراح أأثث إلا إذا خلصت نفاسي وريحت 3 أشهر
بعدها أبدأ أمخمخ على الأثاث ..
وهو يبي يزنقني بتأثيث غرف العيال .. بس أنا معيه ..
تعب ماراح أقدر ..

الله يخفف على الجميع

انا عاد باديني احتقان بحلقي وامي تقول تداركيه قبل لايزيد وتجيك حراره وخطر ذاك الوقت وش السواة معه