بنات انا جديدة معكم توني مسجلة
ولادتي ان شاءالله في ١٥ \ ٦ هجري
والله يا بنات فيني هم كبر الدنيا من حملت وانا نفسيتي تعبانه تكفون طبطبوا علي بكلمة بدعوة بأي شيء لأني صدق محتاجه
امي واخواتي ال٣ تغيروا علي يوم حملت ! انا اكبرهم و٢ متزوجات غيري وتوحمت وحم شديد لدرجة عشت بس على حليب السعودية وعندي طفل عمره ٥ سنوات جلست اقاوم في بيتي لين نزلت ٩ كيلو وانهديت فرحت عند اهلي لاني ارجع اكثر من ٩ مرات في اليوم ويغمى علي وزوجي دوامه مره ليل ومره نهار
امي تشوفني استفرغ وولدي يسندني وهي ولا همها ؟ اضعف واطيح عند المغسلة وهي تقرا كتاب !! لين اقوم من نفسي قلت عادي
على اني والله شايله نفسي وولدي هادي وشايل نفسه وشوي صارت زعلانه وتدعي علي بدون سبب وبعدها زعلوا اخواتي وتعرفون الي اطيح من الهزال واروح للطوارئ مع اخوي وعادي الدكتور كان يقول اذا معد عرفت الي حولها لازم تنويم واهلي موب مهتمين ... قلت ميخالف ايام وتعدي
زعلانين ما ادري من ايش فلما شفت الوضع كذا حسيت غلط اني اجلس عندهم رجعت لبيتي وانا ما يعلم بوضعي وضعفي الا رب العباد وتخيلوا ولا احد يسأل عني بنات حرفيا اندمرت وهم ابد موب مهتمين ولا يسألون وانا ساكنه لحالي في محافظة برا المدينة الي هم فيها وبيني وبينهم ساعتين ونص وعارفين دوام زوجي بس موب مهتمين
خلص الوحم والحمدلله رحمة الله وسيعة ووالله ما عاتبت ولا قلت شيء رجعت لطبيعتي وانا ابر اخواتي واخواني فيهم كلهم الا الاقي الناس زعلانه علي وودهم ما يسلمون علي
اسأل وش فيهم انا قايله شيء انا مسويه شيء ! محد معطيني وجه الا يقابلوني بوجه شين وبس
للأمانه تعبت نفسيا من الانقلاب الفجأة الي سووه ومتأكده اني مليون بالمية ما سويت شيء موب قلة شر بس لاني ما كنت في حال اتكلم او حتى ازعل احد
بنات انا جديدة معكم توني مسجلة
ولادتي ان شاءالله في ١٥ \ ٦ هجري
والله يا بنات فيني هم كبر...
الله يهدي بالك ويريح قلبك ويسخر لك الارض ومن عليها
نصيحتي لك نفسك ثم نفسك لايهمك احد انتي حامل فكري بنفسك واللي ببطنك فكري بولدك بزوجك اسعدي نفسك واللي يستاهلون وبس ناس ماوقفوا جنبك وقت الشده كنسليهم من حياتك مايستحقون تفكرين فيهم مجرد تفكير
طبعًا امك ضروري تسألين عنها وتطمنين عليها بس خلاص لاتنتظرين منها شيء❤️
يكفي ربك معك وش تبغين بعد؟
الله يسعد قلبك ويريحه
نصيحتي لك نفسك ثم نفسك لايهمك احد انتي حامل فكري بنفسك واللي ببطنك فكري بولدك بزوجك اسعدي نفسك واللي يستاهلون وبس ناس ماوقفوا جنبك وقت الشده كنسليهم من حياتك مايستحقون تفكرين فيهم مجرد تفكير
طبعًا امك ضروري تسألين عنها وتطمنين عليها بس خلاص لاتنتظرين منها شيء❤️
يكفي ربك معك وش تبغين بعد؟
الله يسعد قلبك ويريحه