مساءالخير بنات ابشركم رحت المستشفى في الصباح وبدون تصريح وقبل شوي رجعت
اخباري ماهي حلوه 💔
اول شي رحت عياده وسوت سونار الدكتوره وقالت لي نزلك دم او في الم؟ قلتلها لا
قالت متى قلتي اخر دوره قلتلها ٢/٧ قالت متاكده ! قلتلها ايوه قالت دورتك منتظمه قلتلها ايوه قالت متى اكتشفتي الحمل قلتلها نفس يوم موعد الدوره الثانيه قالت لي طيب الحمل طبيعي لكن عمر الحمل خمس اسابيع ويوم وعندك خيارين يا انه اكتشفتي الحمل بدري وحملك متأخر يا انه حملك متوقف ع هالعمر وربي ماكتب يكتمل 😞
قالت راجعيني بعد اسبوعين ثلاثه نشوف اذا كبر معناته حملتي متأخر واذا نفس الشي خلاص ماكتب ربي
خرجت من عندها الدنيا مظلمه ف عيني حتى لا انتظرت تحاليل ولا شي خليتها قلت لزوجي والله توديني مستشفى ثانيه وربي مااجلس ع كلامها ورحت مستشفى ثاني وطلبت بس سونار ودخلت اول ماحط السونار سالني فيه دم فيه الم قلت لا المفاجأه كانت انه شايفه نفس الشي ف شاشة السونار سالت الدكتور فيه نبض؟ قال لا مافي نبض بس كيس
انصدمت وقمت خرجت من الغرفه وخليت زوجي يدخل عنده
قاله عمر الحمل ٦ اسابيع وداخله ف السابع وكيس بس مافي نبض خلاص هذا اجهاض قاله طيب هي تحس بحركه قال هذا هوا قصده غازات
يابنات انا اللي اعرفه ان النبض بعد الاسبوع السابع كيف حكم انه اجهاض 😢
وماتطمنت ومو متطمنه احس فيه شي غلط او ممكن يكون حمل متاخر افتكرت ان الخط حق التحليل كان خفيف مررره لمن حللت
المهم خليت زوجس يشتري تحليل بول وبحلل بكره الصباح لو الخط خفيف يعني متوقف وهرمون الحمل ضعف واذا الخط غامق يعني حملي سليم ومتاخر
وكذا كذا برجع بعد اسبوعين
اه يابنات احس قلبي يوجعني 💔🥺
لكن اللي فيه الخير ربي يكتبه راضيه بقضاء الله وقدره
مساءالخير بنات ابشركم رحت المستشفى في الصباح وبدون تصريح وقبل شوي رجعت
اخباري ماهي حلوه 💔
اول شي...
ربي كتب يااني اكون اخر وحده او اكون بنحذف من القائمه نهائي
يارب اللي كاتبه لي كله خير من عندك وانا راضيه بقدرك يارب ثبت حملي واتممه بصحه وعافيه ولا تكسر فرحتي فيه يارب
الله يتمم لكم جميعاً ع خير 💜