(نسكافي) :

السلام عليكم مره ثانيه بما ان البيت فاضي والمزيون راح الصلاه فقلت اجي احكي لكم ويش صار لي عالسريع وشموسه ياقلبي امس في المستشفى اصطدت شبكه وقريت رسالتك وودي ارد بس الشبكه ما ساعدتني المهم يوم الثلاثاء رحت موعد عادي. الظهر ولما شافتني الدكتوره بغت تاكلني قالت انا مو من الثلاثاء اللي فات كتبت لك طلق صناعي قلت ايه بس انا باقي لي كان ١١ يوم يعني بدري قالت اباسوي لك تحريض ثاني قلت يالله وشافت قالت مفتوح ٣ سم يالله تنويم قلت لها طيب ابا اروح البيت واتجهز وبالليل اذا نامت امي وعيالي جيت قالت وقعي على قبول الطلق ووقعت ورحت البيت شربت خلطة اليانسون واكلت تمر وعسل. ومشيت شوي بالسطح ونظفت جسمي كله وتروشت وجهزت نفسي وعالساعه ١ بالليل يوم تاكدت ان اهل العيال وامي نامو طلعت انا وزوجي بشويش. واروح طواريء. كشفت قالت ٢ سم اطلعي تنويم لحد الساعه ٧ الصبح تشوفك الدكتوره. يالله وانا كل همي ابي وقت اطول بعد الابره عشان ما تصحى امي الا انا ولدت. واستنى. وعندي مغصات متفرقه. والصبح جات دكتوره. كشفت قالت عنق الرحم سميك ولازم تحميله تطري عنق الرحم. وبعد ست ساعات نشوف اذا صار سهل اعطيناك طلق في الوريد واذا ما تسهل زدنا تحميله. قلت طيب وحطت لي التحميله. الساعه ٨ وبدأ معي مغص قوي يروح ويجي. الى حد الساعه ٢ الظهر بدأت احس بضغط اسفل واناديهم وهم يقولون بدري. لسا قلت بكيفكم انا فيني ضغط تحت واذا ولدت هنا لا تزعلون قامت خافت ونادت الدكتوره ويوم كشفت قالت. ايه ولاده اربع سانتي ودوها غرفة الولاده واروح والضغط يزيد والممرضه اللهم لك الحمد زي العسل وامسك ايدها اقولها لا تروحين. قالت لا ما اروح انا باولدك وخفت قلت كيف ممرضه تولدني بس والله انها اطلق من مليون دكتوره. تكشف بنعومه وهدوء ما تعور وجهاز الطلق ما يعطي ان فيه طلق قامت كشفت قالت ايه الراس امسكه قريب يالله اول ما تحسي بالم دفي واذا راح اتنفسي والحمد لله اتسهلت بدون طلق صناعي وعقبال الكل يارب عاد النكد اني كنت باطلع امس وسوولي فلم هندي وطلعو لي بكى الحمل كلله. بس بعدين اقوللكم لاني تعبت جددددددا

السلام عليكم مره ثانيه بما ان البيت فاضي والمزيون راح الصلاه فقلت اجي احكي لكم ويش صار لي...