مساء الخير جميعا


غبت كم يوم اعذروني ماعندي نت ..

نقلنا للبيت الجديد في ليلة مافيها ضو قمر ...

تفجأت بصبح الأربعاء زوجي جايب شركة شحن .. قمت على اصوات الرجال وطلعت من الغرفة وإلا الصالة مليانة كراتين !!!
صار عطي الله قايل للشغالة كرتني كل أبو شيء .. ( زين اللي ما كرتنتني )
وجايب الشركة تحمل .. ومفضين الدواليب حتى .. وهم يشيلون والشغالة تكرتن باقي الأغراض في المطبخ والغرف !!

طيب عطني خبر يا اخونا في الله !! وإلا معتبرني ام الجيران !!!!
جبت كراتين وصرت أضف من الدولاب وأرمي فيها ... مافيه وقت يقول عجلي علينا واطلعي من الغرفة نشيل الأثاث !!
أنا خابرة ان عليه شطحات بس مثل هالشطحة حسيتها قوية ... قوية

تصدقون يشيلون مامعهم خبر تقل قايل لهم اللي يشيل شيء هو له !!!
اللي يصلح واللي ما يصلح شالوه !! زين اللي ما شالوني والعيال !!
حتى نعال ولدي وعباة الشغالة !! انتقلنا لبيتنا وولدي حافي تقل ولد طراروة ... والشغالة طلعت بلا عباة ..
وأنا مزكمة وصداع وولدي مزكم ويكحكح ..وحالتنا يرثى لها .. استغل مرضي الظاهر :(
كلش بسرعة وعلى نفس واحد اللي يشوفنا يقول هاربين ( مطلوبين حيين أو ميتين ) !!!!!!!!!!!

حاليا عندي نت بس مو في كل مكان .. لازم ألزق في المودم ههههههههههههه
آآآآآخ الله لا يرميني بضعف

شارمنق ،، الله سلامه عليك،،
لا تقولي رايحه مجمع الشرررررق اهلي ساكنين ورا المجمع قبل شهر كنت هناااك،،
من ناوويه تاخذين؟ من اي محل،،
،،

يسعد مساكم يالنواعم
كارنيتا حبيبتي التفكير السلبي اهو اللي زايد عليك بالنغزات والآلام لان هالمرة مو رابطة فالشيطان يوسوسلك اتركي عنك الوساوس وتعوذي من ابليس وان شالله ما تشوفين الا كل خير يارب ومافيها شي اذا راجعتي وسألتي عن هالموضوع علشان يرتاح قليبك والله ييسر لك امورك .
ام رنو الله يشافي ويعافيك ياقلبي .
اما بالنسب لضغط الدم فارتفاعه وانخفاضه ماله علاقة بجنس الجنين حبوبات انا في بناتي كلهم ضغطي ينزل مو بس اللي فيها ولد ضغطها ينزل
النوفي السرير اينن رووعة وايد عجبتني فكرته بسيط وملموم ينحط بزاوية وما ياخذ مكان بشوف اذا فيه منه بالمحلات عندنا واذا مافيه بفصله عند النجار جزاك الله خير
قوت اول سونار اهو الصحيح بس والباقي يجدمونك ويأخرونك حسب قياسات البطن والراس والاطفال يفرقون في اطفال راسهم يكون اشوي اكبر من عمرهم او بطنهم او العكس وبهالطريقة يعطون تواريخ ملخبطة للدكتور وللام في السونار
خليك على اول سونار لان يحدد النطفة متى تلقحت ويكون اضبط شي ان شالله وحتى دكتورتي قالت لي نفس هالكلام
تشارمنق رورو الحمدلله انك تطمنتي على نفسك ويارب الفال لولادتك بصحة وسلامة

بنات انا معاي مرض بالقولون اسمه التهاب القولون التقرحي اهو مرض مزمن ياني بعد ما ولدت اخر بناتي يعني بالضبط من اربع سنوات ونص بالنفاس ناس تقول عين وناس تقول نفسية المهم ان هالمرض مزمن يعني معاي العمر كله واخذ له علاج ما يوقف حتى اثناء الحمل ومستمرة حاليا عليه ومع هالمرض المفروض تتي لاصحاب المرض انتكاة كل سنتين تقريبا وتبدا اعراض المرض التعيسة نزيف مع اسهال شديد تكرمون لدرجة ان المصارين تحسونها تتقطع والعوار في البطن مثل الطلوق لا يحتمل الحمدلله على كل حال او تصير انتكاسة المرضى حسب حالتهم النفسية يعني وحدة تكون وراها امتحانات او مرت بازمة نفسية شديدة ... وفاة ، حادث ، حزن ، غضب نفس الطريقة والاعراض
الحين انا لي اسبوعين بادي معاي الاسهال بكل شدييييد الله المستعان وعلاج هالمرض بعد الانتكاسة ولمن ما تعود ادويته تفيد علاجه بالكورتيزون وماودي اخذه ابد اكرهه يسبب لي بلاوي الله لا يوريكم ادعولي يالغاليات الله يخفف عني هالمرض لو بس لين فترة الحمل تعديعلى خير لان مو زين الانتكاسة مع الحمل :( وبعد كان ودي اقولكم اسمي لان سارة اسم بنتي .. اسمي عايشة

مساء الخير رورو الحمدلله إنو كل شيء تمام
فرحتلك

قوت
عملت اشعة قبل 3 اسابيع واليوم رحت اخدت نتيجة الاشعة حقت السونار عند الدكتور كده الحكومي السونار له موعد
ان شالله حاعملها في خاص الاسبوع الجاي اكون دخلت الاسبوع 19 يكون واضح ان شالله