reematalia :

بدي احكيلكم انه الحمد لله الحمد لله الحمد لله هلا انا حامل طبعا سبحان الله السنه لما نزلت على الاردن نهائي ماكنت افكر في ترجيع الاجنه كنت عامله عمليه المراره جديد وبعدها نزلت اجازتي ولا في بالي اني بدي ارجع اجنه او اعمل عمليه جديده الي صاحبه اسمها منال الله يجزيها الخير صارت تقنع فيني انه جربي المجمد ويوم ما اجتني الدوره مابعرف كيف قلت لزوجي يالله احجز عند الدكتور حتى زوجي انصدم انه لسه انت ما الك 10 ايام عامله المراره حكيتله بس بروح عند الدكتور وبعدها بقرر فت عند الدكتور ويلا كان بحكي تلفون وحده بتبشره انها حامل مابعرف اشي من جواتي خلاني انبسط واتفائل حكيتله دكتور انا ضايل عندي اجنه مجمده بتنصحني ارجع مجمد ويلا اعمل عمليه جديده (طبعا لو قال عمليه جديده ماكان عملت لانه مافي فلوس:) قلي طبعا انت متل اختي وبنصحك بلمجمد ليش ما نرجعه حكيتله طيب دكتور بس على شرط بدي اعمل الارجاع بتخدير كامل مابدي اكون صاحيه لانه مابدي اشد واكون على اعصابي قلي اصلا انت احسن الك التخدير لانه حفظني بعجب عليهم يوم الترجيع وسبحان الله طلعت من عنده اشتريت دوا فيمارا كانه اسمه وبلشت فيه من تاني يوم وصرت كل يوم اروح عند الدكتور عارف ونراقب البويضه نزلت ويلا لا وقلي هاي المره حغير في العلاج مابدي اعطكي ابره تفجيريه طبعا رحت نقلت اجنتي من مستفى الامل ووديتهم عا مستشفى العربي كتير حبيت المستشفى النيرسات عسل وعملت الارجاع واول ماصحيت صحيت اضحك ومبسوطه وجابولي مخده حطوها تحتي شوي ولما صحصحت فطروني وبعدها رحت الحمام وبعدها طلعوني لما شافني زوجي استغرب مش انت مرتي الي بتكوني على اعصابك يوم الارجاع طالعاله مبسوطه ومرتاحه وبعدها سافرت على السعوديه بليوم التامن بليوم العاشر كان لازم ارجع لدوامي صحيت لقيت متل التمشيحات وقع قلبي بس قلت قومي توضي وصلي هاي مو دوره واتصلت عالدكتور حكالي عادي وقلي حللي بعد يومين وانا قلبي قويته وحللت بعد 3 ايام والحمد لله طلعت حامل وبعدها رجعت حللت بيومين والنسبه كانت مضاعفه الحمد لله طمعت قلت يارب توينز :) بس يوم مارحت اشوف الكيس كان بيبي واحد الحمد لله والشكر واليوم انا بخلص الاسبوع التاسع ادعولي الله يتمملي على خير طبعا تجربتي كانت مع دكتور عارف الخالدي - مابدي امدح بهاد الدكتور بس دكتور كلمه رائع قليله عليه يعني حتى لما ماحملت عنده كنت احكي عنه رائع بكفي انه بيعطي كل وقته للمريض

بدي احكيلكم انه الحمد لله الحمد لله الحمد لله هلا انا حامل طبعا سبحان الله السنه لما نزلت على...