السلام عليكم الله يسر لكل وحدة حملت ويرزق الي ما حملوا ياقادر يا كريم .....لونلي أنا مابعرف ادا مفتكراني كيف حالك شو أخبارك كتير حابة أطمن عليك ...هاد الموقع اخيرا فتح معي زمان كنت افتح تطلعلي اعلانات تجارية ما اقدر اشيلها .....الله الموفق يارب

شكرا الك لونلي،بخصوص ايميل الدكتور باسم ابو حميدان الكارت تبعو منا معي ،انا حاطتها مع ملفي الطبي و أنا مو ببيتي هلأ بس معي رقم تلفونو هو بيرد كل الوقت ممكن تتصلي بيه عالواتس اب و الله انا لما رجعت لبلدي كل اشي كان يصير معي كنت بتصل خارج اوقات العمل عالواتس اب و بيرد علي اذا بدك ببعتلك ياه

وعليكم السلام ورحمة الله وبركاته
هلا والله حبيبتي مدربة
طبعا متذكراك كيف بدي انساك كيف بناتك ان شاء الله مناح وانت كيفك
طمنيني عنك
انا حبيبتي اخباري على حطة ايدك
ما بعرف اذا عرفت انه زوجي تزوج واجاله ولد
وانا حاليا ما عملت شي لسة من سنتين
ومفكرة هالسنة اعملها العملية راح بتكون رقم 10 ان شاء الله ,,
وهاي هية اخباري
مو كتيرة صح هههههه

biba2016
هلا حبيبتي
شكرا كتير على الرد اول شي طمنيني عنك كيف صرت ان شاء الله خف الدم
وتعالجت من الالتهاب ؟
انا لقيت موقعه وراسلته
واخدت منه استشارة
بس استغربت من شغلة بحكيلي انه راح يعمللي تنظير رحمي وبطني مع بعض
اول مرة بسمع فيها انا انه ال2 مع بعض
انت عملت التنظير قبل ما تبلشي علاجك ؟؟؟

حبيبتي عادي المناظر من فوق وتحت انا سويته
انا عضوة قديمة ومتابعة بصمت دعواتكم لي
لونلي الله يسهل عليج ويكرم من واسع فضله ع فكرة تجمع الاردن ادخله علشانج لاني اعرفج من ايام التجمعات لسابقة منى غادة في ظل الوعد وانا مجنونة ووايد بنات
الله يعوضج خير ولاتزعلين علشان زوجج عرس بالعكس وعسى ان تكرهوا شيئًا هو خير لكم بإذن الله العوض قريب والله يكرمج وكل من تتمنى الحمل