السلام عليكم ورحمة الله وبركاتهاومشاركاتي في الالم واحد ...
كان نفسي اخبركم اخبار حلوه لكن الحمدلله على كل حال
انا اذا بتعرفو انو اخر عمليه لي قبل سنه مع د.عصمت القضاه هو دكتور ممتاز ومريح وقمت بترجيع 3اجنه ولكن لم يثبت الحمل وفشلت الحمدلله
خلال هاذا الشهر كررت العمليه للمره الراااااابعه انا سليمه الحمدلله ماشاءالله زوجي اخر تحليل العدد طبيعي التشوهات نزلت من 96 الى 82 حكو معي طبيعي الحركه طبيعي ولكن الحركه الاماميه صفر بسبب اللزوجه علما ماكان عندنا مشكله سواء العدد طاب من العدد طلعت تشوهات راحت التشوهات الان اللزوجه علاجها ترك الدخان وهي تروح لوحده وحكالي الدكتور انو مافي مانع للحمل عقم غير مفسر ماقتنعت بالنقطه
طبعا حبيت اغير عن د.عصمت ذهبت للدكتور نجيب ليوس بعد استخاره بينه وبين مشفى فرح
رغم انو يحكو مختبر الامل مش كثير ممتاز توكلت على عبالي العمليه ب مركز الدكتور بس طلعت ب الامل اكره هالمشفى
توكلنا على الله عملو معي مليون تحليل عشرين فيتامين يوووووه اغلب الي جمعتو طار قبل مابلش بالعمليه
حسيتهم ماديا بصوره انو نهتم مابعرف بس اشياء فاضيه واسمعو حكايتي للاخر
حكيت مو مشكله اهم شي النتيجه وعملت تحليل اجسام نقص فيتامين هرمونات فقر دم مخزون تخثر ووووووو
وزوجي حلل وادويه كثير وجرعات كثيره المهم تعبت
برنامج طويل ولكن يوم العمليه سحبو بويضات اقل من9 رغم انو قبل يسحبو اكثر وانا ماعملت لاتحاليل ولا ادويه وتخبيص
قلت مو مشكله اهم شي التخصيب طبعا نظامهم متعب لازم بعد السحب ارجع للعياده حتى يخبروني ب العدد المسحوب ماشوف هالنقطه تستاهل انتظار بالزحمه كان ب تلفون وخلص خاصه انو تلج ومطر وتعب
المهم قالو نعملك ترجيع ع اليوم الرابع لانو الجمعه اجازه قلت مو مشكله يوم الترجيع
جتني الصدمممممممممممممه الغير متوقعه من كل هالتعب والابر والتحاليل والعلاجات وكمان عملو لي خدش لبطانه الرحم وكان الم ودم بسيط
انو فقط الي استمر معهم جنين واحد فقط نسبه النجاح ف هالحال حكى معي د.نجيب 20 بالميه
قلت مو مشكله الله اكرم وقادر انو يثبته لو واحد مايهمني كم العدد اهم شي يثبت مابخفيكم يأس وكمان عرفت انو راح تفشل تعب عصبنا انا وزوجي لان كنت متفائلة ب هالعنايه الكبيره والصرف المادي وطلباتهم ماتخلص
رجعت ماحسيت ب شي ارتحت 3 أيام قلت اعمل الي علي وصليت قاعده وكرتزون 6حبات وتحاميل4مرات وابر سيوله ومثبت ومثبت اخر و3 ادويه بعد
وكل هالعلاجات بس ربنا ماراد .....طبعا انا باليوم الثامن حسيت اعراض دوره قلت اترك الابر تعبت انهرت خلاص وحللت منزلي طلع خطين واضح قلت اثر ابر بكرا احلل هرمون رحت حللت طلعت4.61 باليوم التاسع قالت دكتوره الي عملت عندها ارجعي حللي لسا بكير بس مارديت عليها لان خلص سلبي لو في شي باليوم التاسع كان على الاقل 8 او7
المهم بعدها ب4ايام نزلت الدوره وعملت منزلي باليوم 15من الابره التفجيريه وطلع سالب وانو فعلا الخط الي ظهر قبل كان اليوم 13من الابره يعني تاثير الابره مايروح الا بعد 15 يوم
بس هاذي حكايتي مش عارفه اتكلم الحمدلله الي أعرفه انو لو كررتها برجع ل د.عصمت القضاه لان هم سبب والله لو كاتب بيرزقنا بيرزقنا بصراحه اهم شي الراحه ودكتور عمت مريح وياخذ ويعطي وبشوش
دكتور نجيب عجول بس مشغول كل شغلي مع الممرضات هو بيفحص ويطلع ويطمني على الماشي كثير مستعجل يادوب حكيت معه بالترجيع ويوم الترجيع عمله بدون تلفزيون الجهاز بالعاده عصمت يحط تلفزيون ويطمني
الحمدلله على كل حال
السلام عليكم ورحمة الله وبركاتهاومشاركاتي في الالم واحد ...
كان نفسي اخبركم اخبار حلوه لكن...
الحمدلله الذي اتم حملك على خير.
باذن الله يكملو نموهم وتقرحي بهن وتتم فرحتك يا رب.
كانو لسى بداية الثامن يعني؟
ع.٢٦ س. تكيس مبايض. فحص زوج طبيعي. ٢ حمل طبيعي (ولاده مبكره في الشهر الثامن). كلا المولودين توفيا بعد الولاده. حاليا لا ازال في التجربه الاولى للحقن المجهري مع د. نجيب ليّوس