ان في هاذ العمليه مريت بعدة دكاتره .
الأول في سمير عباس في جده رحت عنده عشان اسوي اطفال الأنابيب لاكن قال لا بأسويلك صناعي بما انك ماقد سويتيه..
واعطاني منشطات وابر وقال اجيه اليوم ال11 من الدوره واسوي اشعه ..بس زوجي الله يهديه لما عرف انو في الطائف يسووا التلقيح الصناعي قال ماله داعي نروح لجده عند محمدعيد..قال خلينا نكمل هنا في الطائف بما انهم يسووها هنا مايحتاج نروح جده ..ولما وياليتني ماسمعت كلامه ..فقررت اروح العدواني ورحت سويت كشف عند الدكتوره وفاء..لما عرفت اني بأسوي صناعي قالت راح احولك على الإستشاري هنا دكتور سوداني اسمه يحيى الشيخ..ولما رحت عنده وقلت له من البدايه انا ابغى اسوي تلقيح صناعي ..وكلما اقوله شي قال تخريف ..حتى ان الدكتوره وفاء اللي حولتني عنده وصفت لي علاج للبلغم قالت عشان عنق الرحم من الكوليميد يسوي ماده لزجه تصعب على الحيوانات المنويه المرور..ولما قلت له قال تخريف..قلت يمكن استشاري وهو فاهم ..المهم قال تعالي يوم 9 من الدوره نشوف البويضه ..ولما جيته المره الثانيه قال خلاص يوم 11 من الدوره تاخذي إبرة التفجير وبعد 36 ساعه يصير جماع قلت له بس انا ابغى اسوي تلقيح صناعي..قاعد يطالع فينا كأنه متكاسل ما وده يصلح العمليه طيبا ليش حولتنا الدكتوره وفاء عندك إلا عشان العمليه ولو ما ابغى اسوي عمليه كان رحت عند اي دكتوره ..ولا كملت عند وفاء المهم قام يتصل على المختبر و كلمهم شوي قال مايتوفر عندنا الماده اللي تنحط على السائل المنوي للزوج ..وقال شوفوا لكم دكتور ثاني تكملوا عنده ..يعني إحنا قايلين له من البدايه بس لعب على الناس ..المهم رحت بعدين مستشفى الأمين وما اعرف دكاتره هناك قامت وحده دلتني على دكتور إستشاري اسمه خالد شرف الدين الله لا يوفقه ..ويوم قلنا له قال اسوي اشعه قلت اليوم سويت اشعه ..قال لازم اتأكد ..وقال لازم تاخذي منشطات زياده ..واخذت وقال تعالي بعديومين اشوف البويضه ويمكن سويت 4 اشعات عنده..قالي المره الأولى البويضه 22
ولما جينا اليوم الثاني وسويت اشعه قال البويضه 21؟؟؟؟يعني البويضه على كلامه تصغر ماتكبر ..المهم قلت خليني اكمل ماعاد في وقت ..11 من الدوره اعطاني إبرة التفجير واليوم اللي بعدها يوم 12 سوى اشعه .ويوم 13 سوى العلميه,,وكله كوم ويوم العمليه كوم..قال تروح بكره لمختبر الرواد تعطيهم العينه يعني ماهندهم مختبر ؟؟والرواد يبعد تقريبا 10 دقايق عن الأمين ..ولما رحنا للرواد قال تعالوا الساعه خمس جيبوا العينه ..وجبناها وما طلهنا من عندهم إلا بعد المغرب..وانا اقول وقت البويضه حيعدي وقاعده على اعصابي..ولما خلصت العينه قال دكتور المختبر ..لازم تسووا الحقن قبل ساعه ..ورحنا بسرعه على المستشفى عند الدكتور .ولقينا عنده مريض وكلمت الممرضه قالت انتي فلانه قلت ايوه قالت استني شويه ..قلت كلمي الدكتور وقولي له بسرعه عشان العينه تخرب بعد ساعه..طنشت واحنا مستنين الدكتور والوقت يمر قمت قلت لزوجي انت السبب مستشفيات الطائف فاشله حدهم متابعة حمل وولاده اما الحاجات هاذي ماتصلح هنا ..المهم..قام زوجي عصب ودق على الدكتور الباب بقوه والدكتور مطنش يعني وهو عارف ان عنده عمليه ..وقاعد يسولف مع المريضه ..وانا قربت ابكى والله لعب بالأعصاب من جد ..وعدى تقريبا نصف ساعه..واخيرا طلع الدكتور وقام يصيح على زوجي ويقول ليش تدق الباب وعندي مريض ..قال زوجي انا جايب العينه من اول وقال الدكتور لا يعدي عليها ساعه..قلت له طيب انت ليش ماخليت الممرضه تطلعني على طول اول ماجيت وهيوما يحتاج نستنى عشان نكسب الوقت..قال للمرضه طلعيها ..قلت عدى نصف ساعه تقريبا قال عادي متخافيش انا دكتور وعافر بعمل ايه ..طلعوني في الدور الثاني وجهزوني وتقول الممرضه الثانيه بسرعه عشان العينه يعني الممرض عارف انوا لازم يتم الحقن بسرعه وهو ولا على باله ..وقعدت استني الدكتور تقريبا ربع ساعه وبغيت ابطل الحقن ..واخير جا ويجي عندي يقول ليش تتغطي كذا انتي بردانه ..ويقول انتي عندك مشكله في الجماع انتي وزوجك يعني اسأله وقحه ما قالها قدام زوجي المهم سكت وحسيت نفسي خلاص ماعاد فيني اعصاب ..وكله كوم والحقن كوم اكيد قريتوا كيف قام يجرحني بالأداه لما دخلها ولما بغى يسحبها ويخرجها كان يكلم في الجوال ويسحب وصرخت . وقامت الممرضه خرجتها بشويش ..وقال تقعدي بس ربع ساعه..وماصدقت خرجت من الغرفه ..وقال تعالي بعدين اسويلك اشعه ..قلت والله ماعاد اروح عندك لو ايش قمت الإستهتار ..حسبي الله عليه ..ونزل دم مني كثير..لما رجعت البيت ورحت بعدين عند الدكتوره سوزان في العدواني في نفس اليوم وكلمتها عن اللي سواه الدكتور وقالت اكيد جرحك بالأداه اللي دخلها لأن الحقن غير مؤلم؟؟والأن اخذت المثبت والإسبرين وبستني لأسبوعين واشوف ..الله يكتب الحمل في هاذه الساعه المباركه من يوم الجمعه وكل اخواتي في التجمع ..آآآمين..

الله يرزقكم ويرزقني وكل البنات الذريه الصالحه المعافاه قريب

انا رحت للدكتوره في العدواني وقلت لها تسوي التلقيح وحولتني على الإستشاري يعني رجال ..بعدين لما رحت الأمين نفس الشي سالت الموظفه هناك عن اللي يسووا عمليه وقالت الدكتور خالد ..ايش اسوي غصب عني ..وما اعرف دكتوره تسوي تلقيح ..وان اول مره اسوي هاذي العمليه وتوقعت تقوم الممرضه بالحقن .. يعني للضروره احكام ...ولو بيدي ما خليت لا دكتوره ولا دكتور يكشفوا عليا ..الله يغفر لنا بس ..إذ احتاج اعيدها بروح جده احسن لي في طبيبات يسووا هالعمليه ..
الله يرزقني وياك اختي الهروب الكبير واختي ام مستقبلابالحمل المعافى في هالشهر ,,آآآآآمين..

سلام بنات المدينه ايش رايكم في التلقيح الصناعي عند عطيات الي جربت او تعرف احد جربها ياليت تقولي وطمني وياليت تقول كم كلفها مع الكشف والمنشطات وكل شي