نجود77 :

مساء الخير كيفكم بنات ايش رايكم بما ان كلنا حملنا صار من الرابع وطالع ليه مانطرح المستشفيات اللي ممكن نولد فيها ومميزاتها اغلب تجارب المستشفيات قديييمه واكيد الحين الكادر تغير ياليت كل وحده تدخل تكتب هي من وين ووين ناويه تولد باي مستشفى وليه اختارته انا ببدا بنفسي انا من الشرقيه وفي بالي الى الآن اولد بمستشفى اسطون كنت والد فيه ببنتي قبل 9 سنوات واعجبني بس لسه كل يوم لي راي لان اخر ولاده من فتره طويله فماادري اذا تغير وضع المستشفىخلونا نستفيد من بعض ماعليكم امر

مساء الخير كيفكم بنات ايش رايكم بما ان كلنا حملنا صار من الرابع وطالع ليه مانطرح المستشفيات اللي...

حآجه ثآنيه :

انا اهلي فالشرقيه وبنتي ولدتها هناك فالمانع صح نظافه وغرفه خاصه وفي غرف في اي بي طبعا كل شي بسعره بس صراحه تبت توووووبه وكرهته كررره استغلالييييين تعبوني فالولاده مرررررره كل همهم ادخل عمليه وبس ماكان في اي تعاون وقت ولادتي وعندي قابله وحده مصريه وفلبينيه المصريه احباط احباط كل شوي تقيس وتعفس وجهها وتقولي مافتح الله يعينك كل هذا الالم ومافتح يعني تبي تحبطني وتهز راسها بهذلتني لين زوجي عصب وصار يصرخ عليهم وطلب استشاريه وجابولي معها دكتورتين والاستشاريه عصبت عليهم مره تقول الرحم فاتح والبيبي المس راسه كيف تقولون عمليه وولدتني طبيعي بعد مابهذلنوي حسبي الله عليهم واول ماجبت بنتي جا دكتور اطفال يقولي بنتك مريضه اطرافها قصيره واجلس ابكي وحالتي حاله ويروح زوجي يجيب دكتور من برا المستشفى نعرفه استشاري فالتخصصي وكشف عليها قال البنت سليمه مافيها شي مدري كانوا يبون يحطونها حضانه كم يوم ولا ايش سالفتهم😭 ووقت الطلعه زوجي لقى فالفاتوره اشياء ماسويناها ولا طلبناها مع المراجعه نزل ٣٠٠٠ كلها اشياء ماطلبناها الزبده كرهته كرهته كرهته مع انه اخر مره رحتله مجددين المبنى بعد وصراحه اشوف الشرقيه مره مافيها مستشفيات كويسه لو بأولد عند اهلي باروح للعسكري طبعا بس ودي اولد فالعسكري اللي عند زوجي احس انهم مررررره افضل جربت راجعت هنا وهناك لاحظت فرق فالمعامله واهتمام الدكتور بالحاله اشوف كثير يمدحون مانع الخبر صار هو البديل للسعد ووحده من صحباتي تقول انه راحت بروكير وتقول اغلب ممرضات السعد صاروا هناك اسطون اللي صار جاما مااعرف احد جربه ولاده

انا اهلي فالشرقيه وبنتي ولدتها هناك فالمانع صح نظافه وغرفه خاصه وفي غرف في اي بي طبعا كل شي...