اه ي شوشو ذكرتيني بكل شيء قلقانه منه
بقولك بعض من الاشياء اللي موترتني امكن يهون عليكي قلقك
اولا انا ولادتي ايام الاختبارت النهائية حقتي وحقتي زوجي انا في امريكا ،، ووقتها في السعودية حيكون عندكم اختبارات نهائية بمعنى ولا احد يقدر يجيني وانا صعب اضغط على امي واقلها تجي لان بابا كبير في السن وامي هي اللي شايلته في كل شيء ولو طلبت حماتي صعب لو جاتني اطلب منها تغير للبيبي او تسوي لي شيء استحي منها هذا الشيء الشيء الثاني لما بناتها كانوا يولدوا كانت تقول " مو اول بنت تولد كلنا ولدنا وقمنا وممنوع احد من بناتها ينفس عندها " وزوجي حاط في باله انه يجيبها بالله ذي كيف اتصرف معها ..
وقت ولادتي صحباتي حيكونوا مشغولين في اختباراتهم واختبارات اطفالهم مين اللي حيكون جنبي يساعدني ،، واثقة ربك ما ينسى احد ..
انا بكرية حتكون اول تجربة يعني غشيمة
المستشفى اللي بولد فيها شايلة هم الفريق الطبي يحتاج تدخل الجنس الذكري وانا نفسيا ما اقدر اتقبل ..
لما اولد مين اللي راح يساعدني في تنظيف البيبي مع العلم ان زوجي يجهل كل امور البيبي بس يعرف شيء واحد " يصحي البيبي من نومه "
لو جا وقت ولادتي وزوجي في قاعة الاختبار اكيد مقفل جواله في دي الحالة مضطرة اتصل ع الاسعاف واروح لوحدي وحيدة بدون شريك ولا رفيق للولادة 😢😢
بعد الولادة حاطة في بالي ارجع السعودية ومو سهل ترتيب الشنط حتى لو زوجي رتبها ما يحب يشيل اغراض كثير يعني ممكن يقولي تكفيكي شنطة يديك وانا امكن ارجع السعودية بعد اسبوع او اسبوعين من ولادتي
شايلة هم الطيارة وشايلة هم الاختبار اللي حيفوتني بسبب الولادة
مشان هيك ي عسل ما لنا الا الدعاء " يا ميسر يسر ونرمي حمولتنا على الله وربك ان شاء الله معانا "
اسفة لو طولت وخلي مبدأك كُن مع الله ولا تبالي ..
اه ي شوشو ذكرتيني بكل شيء قلقانه منه
بقولك بعض من الاشياء اللي موترتني امكن يهون عليكي قلقك...
وصرت اكل كالسيوم
وحديد
والكالسيوم فيها نسبه فوليك بسيطه
على مااعتقد
ف انتي اذا تاكلي حديد وكالسيوم
تقرائي اذا فيها نسبه فوليك
ف مايحتاج تاكلي الفوليك لحالو