الطخمى والله ما اذكر عن ايش كنا نهرج بس بقول لك اشياء تنفعك جدا باذن الله من واقع تجربه وخبره 😁 اول شي عشان ماتتعبين بعد العمليه من الغازات لازم يكون بطنك اصلا مافيه انتفاخ قبل لانه لو فيه بيزيد بعد العمليه ويتعبك مره قبل العمليه بيومين جهزي التالي حزا وكمون بابريق واشربي منه انا اخذه قبل اسبوع لانه يشيل الشمم والانتفاخ جيبي حبوب الفحم للغازات احتياط وحطي كسره صغيييييره صبره بقاروره مويه لو لاقدر الله ماخرجت الغازات تاخذين منه جغمه يطلعه باذن الله وحده كانت معاي وسوت عمليه بعدي كان معه الياف بالرحم وبعد العمليه تعبت من الغازات ياقلبي عليه وكل شوي تجيه ممرضه تعطيه حبه للغازات عشان تطلع ورفضت تاكل شي لين تخلص وانا اقول له يابنت الحلال طيعي شوري جغمه من مويه الصبره بس لاتكثرين وهي متخوفه يوم تعبت مره قالت هاتي واصب له شووي بالفنجال والحمدلله مااخذت ساعه الا هي طيبه عاد انتي خوذيه احتياط انا ببنتي من يوم صحيت من البنج قلت لوحده مرافقه مع اخته تناولني شنطتي وتعطين القاروره واخذت جغمه وارتحت الحمدلله وهي تقول توك صاحيه غلط قلت انا ادرى منك 😂 كثرت هرج 😁😁😁😁😁 خوذي بعد تحاميل فولتارين ممتازه جدا خاصه اذا اذا جيتي تتحركين وتمشين تسكن الالم انا استعمله اول ثلاث ايام وبعده ماعاد احتاجه الحمدلله تحركي من اول ماتقدرين لا تكسلين او تقولين يوجع كذا تتإخرين بالشفاء اخر شي اذكره تعرفين مناديل سانيتا القويه الرول الي بصعوبه تتقطع فيه انواع ساده وانواع معطره خوذي لفه ساده وحطي لك خواجوا مطحون ومره مطحونه وخوذي كل منديل وحطي به شوي ولفي المنديل مربع وحطيه بكيس او علبه وكلما دخلتي للحمام تغيرين الفوطه قعدي المنديل بالفوطه واللبسيه باذن الله مايجيك شمم ولا ياثر عليك شي ويخفف المغص ايضا يمكن يجيك مغص قوي بعد الولاده مو غازات لا تقلصات وطلوق خوذي حزا اطحنيه وحطيه بعلبه ممتاز مخدر طبيعي للتقلصات هذا الي اذكر وان ذكرت شي غيره سردته لك وربي يجعله بميزان حسنات اميمتي
اعرفي أكثر على عالم حواء: https://www.hawaaworld.com/%E2%99%A6%EF%B8%8F%F0%9F%92%AC%D8%A7%D9%84%D8%AA%D8%AC%D9%85%D8%B9_gt_gt_%D8%A7%D9%84%D8%AE%D8%A7%D9%85%D8%B335%D9%88%D8%A7%D9%84%D8%AB%D9%84%D8%A7%D8%AB%D9%88%D9%86lt_lt_%D9%84%D8%A7%D8%AD%D9%84%D9%89_%D9%85%D9%88%D8%A7%D9%84%D9%8A%D8%AF_%F0%9F%91%A6%F0%9F%8F%BB(%D9%85%D8%A7%D8%B1%D8%B3_%D8%A7%D8%A8%D8%B1%D9%8A%D9%84_)%F0%9F%A7%92%F0%9F%8F%BB2019%F0%9F%92%AC%E2%99%A6%EF%B8%8F-4807236/post/97616630/#post97616630
الطخمى والله ما اذكر عن ايش كنا نهرج بس بقول لك اشياء تنفعك جدا باذن الله من واقع تجربه وخبره 😁...
جربي سمن الغنم افضل من الماعز بكثير