ساجده بكل جوارحي :

هذي ولادتي القيصريه الثانيه بعد ولاده طبيعيه يعني ولدت بكري طبيعي وبعده قيصري وبعده طبيعي وهذي قيصري ثنتين طبيعي وثنتين قيصري بالتناوب مابينهم الحمدلله. لي والده ١٦ يوم والده طبعا بسبب المضاعفات اللي جتني بعد العمليه وتوقف قولوني والتهابه مااخذت ولا شي من الاعشاب واللهومات وهالشي مقلقني جدا خايفه من الخرااب وحتى الاكل منعت من كثيير اكل بس اكل دجاج مسلوق بدون ملح مع عيش اسمر غدا وعشاء والفطور تمر مع مويه او قشرقهوه مخفف او كمون وينسون وبس حاسه اكلي سئ ولا لهومات مدري كيف وضعي بيصير طمنوني الرضاعه قاعده احاول ارضعها واقااوم بس حليبي قليل وصدري وحلماتي ملتهبه وذبحني البرد والتعرق تكفون هل طبيعي طول الليل ارشح من العرق وانا بردانه وصدري مثل الصخرمضايقني تكفون طمنوني وش اسوي جرح العمليه يالمني ورحمي للان يعورني وما اخذ مسكنات وقفتها الدكتوره وظهري بينكسر ما اقدر اوقف طول الوقت يامنسدحه ياجالسه نفسي امشي واتحرك بس ما اقدرمن التعب والاجهاد والدم خفيف مره كل يومين شوي ولونه تكرمون على سوااد ورائحته كريحه جدا هل طبيعي تكفون طمنوني احساسي اني لو تروشت كل يوم او تحركت طبيعي بتفتح العمليه احسني مقيده وخايفه من اي مجهود هل طبيعي تنظيف العمليه وش افضل طريقه انا امس مسحه طبيه واحط ميبو بطني كبير ومترهل على العمليه ولونه غامق ويحكني جدا جدا وش الحل وهل ينفه اربط بطني ولا بدري وش افضل مشد بنتي تشرب شوي من صدري وتنام وما اصحها الا اذا هي صحيت وطبعا في الليل انواع الصياح والبكاء من المغص وسرها طاح من فتره بس لازال يطلع دم اذا بكت وش الحل من عندها فكره عن الاكل المسموح لمرضى القولون العصبي وينفع للنفاس ياليت تفيدني ومايجيب امساك وهل الجرجير زين للقولون والنفاس ولا لا الاكتئااااااااب كارهه نفسي وزوجي وبنتي وكل اللي بالبيت افرح تنام بنتي عشان اصك الباب واقعد بروحي وما اشوف احد ولاني حابه اناظر بوجه زوجي مدري احسني كارهته وحاسه انه يخوني ولا هو فاقدني بهالفتره ولا احسه يتمنى رجعتي لغرفه نومنا متى بالضبط بعد كم يوم من الولاده اكون طبيعيه واتحرك عادي واعيش حياتي عادي وهل الجلوس في الارض وقت الاكل مضرعلى العمليه والجلوس بطريقه التربيعه يعني متربعه وقت الرضاعه مضرللي والده قيصري افيدوني تكفون عندي نقص بفايتمين ونقص شديد حديد بس استحاله اكل حبوب بسبب القولون والامساك والشمندروالزبيب ماتنفع للقولون والشكوى لله اخواتي بهالشهر الفضيل اللي ترد علي الله يسعدها وينولها ماتتمنى ادري كثرت اسئله لاكن غصب عني وهذا وانا كثير اشييا طنشتها ماسالت عنها لا تنسوني من دعواتكم بهالشهر الفضيل لاني بامس الحاجه للدعاء ربي يسعدكم

هذي ولادتي القيصريه الثانيه بعد ولاده طبيعيه يعني ولدت بكري طبيعي وبعده قيصري وبعده طبيعي وهذي...

ساجده بكل جوارحي :

حصوصتي ياااااااااارب يسعدك ويوفقك ماقصرتي ياقلبي جعله بموازين اعمالك ويااااارب يعدي هالايام على خييير يااااارب ولاتنسوني من دعواتكم هالايام الفضيله.

حصوصتي ياااااااااارب يسعدك ويوفقك ماقصرتي ياقلبي جعله بموازين اعمالك ويااااارب يعدي هالايام على...