صباح النور ام بلقيس
كيف الكروشه مع الدوام ان شاءالله مرتاحه

مراحب
ام جمانه .. اهلا وسهلا الحمد لله وان شاء الله ما ينقطع ابدا.. بادكم جميلة جدا ما شاء الله وصور الحديقة تفتح النفس
عسل .. ننتظرك اليوم تتطمنينا .. عندي موعد اليوم بس ما راح اسوي سونار .. ان شاء الله
زنبقة .. ربي يفرج همومنا جميعا .. وترجعوا بلدكم سالمين غانمين .. وكل بعيد عن اهله..
فراوله .. لاحظت كثير يشتكوا من مواعيد مستشفيات برا .. المشكلة السمعة هنا غييييييير !!
ندى عبد الله .. طمنينا عنك ،، ان شاء الله حصلت دكتورة .
كيدي .. ربي يرزقك الذرية الصالحة البارة المعافاة .. ويصلح حالك مع زوجك ..
ام شهوده .. انا وخلاص .. ادعوا مع دعاؤكم بتسخير الدكتورات والممرضات ان ربي يرزقكم الصبر ويسهل ويهون عليكم .. بقولكم معلومة مهمة ان الصراخ يستنفذ جهدك وطاقتك اثناء الولادة .. الله يهون علينا وعليكم وكل البنات ..
استقنائيهـ ... ههههههه مأساة .. انا بنتي قبل فترة خذت الفازلين علبة كبيرة جديدة وفتحتها وعلى شعرها وملابسها والأثاث والحمام وانتم بكرامة باختصار كل شي .. شعرها ما نظف الا يمكن بعد ست او سبع تحميمات .. بشامبو كبار مو حق الاطفال.. الله يصلحهم ويهديهم ..

صباح الورد 💐
اخباركم يا حلوات
مررررة هالايام انا مشغولة بالاختبارات 
بسقولكم سالفتي امس عندي اختبار الصبح وانا لي اسبوع الجهه اليمين من اسناني تعورني فجأة لدرجة اصحى من النوم من شدة الالم واختي تقولي روحي اكشفي لا تشتد عليك بعز الاختبارات وكنت صابرة الى امس بعد اختباري خليت ابوي ينزليني بمسوصف ودخلت على طبيبة الاسنان خبرتها عن الامي شافت اسناني قالت انه ضرس العقل مسوس ولازم نقلعه وانا ما كنت حابه هالشي بس اقنعتني انه ماراح يضر خاصة انو انا تعديت الاشهر الاثلاث الاولى وانه لايمكن تصبرين لبعد الولادة وخاصة اني هالحمل كنت حريصة ما استخدم مسكنات بالاخير عطتني مخدر حوامل وقالت بتحسين بشد خفيف انا كنت اصلا مشدودة واحس قلبي بيطلع من جسمي من التوتر فجأه خلال اقل من خمس دقايق قالت خلصتي ما صدقت متوقعة يوجع مرررة قلت لها خلاص اكيد قالت شوفي الضرس لو تبغينه خوذي ما توقعت ان المسألة سهله هالقد الحمد لله كنت شايلة هم الاسبوع الجاي لانه ضغط اختباراتي فيه وبس حبيت تشاركوني التجربه لاني اول مرة احوس باسناني في الحمل على اني للحين اشك انه هذا الضرس الوحيد اللي يجي منه الالم بس تخيلت نفسي طول الحمل اقلع بهالضروس لحد التاسع ههههههههههه
الله يبعد عني وعنكم كل تعب ويسهل علينا جميعا ❤️🌹

ريتاج .. ما شاء الله الله يبلغك ويقر عينك فيهم .. ويشفيك من الكحة ..
انوار .. استثنائيه .. ام جمانه .. وكل من تبي .. ربي يرزقكم بيوت الملك ويجعلها بيوت سعادة ..

ام ماجد .. اعتمدي الدورة .. ما في اخبار عن زوجك؟ الله يفرج عنه ..
فراولة .. بالنسبة لعلاج القولون ما اعرف بس يمدحون العسل على الريق اذا حملك يليم وما في مشاكل خذي ..
ام بلقيس .. صباح الخير ..