ماشالله عليكم ماسكين خط في السوالف سالفه فبطن سالفه الله يسعدكم😂
انا هاليومين من كثر ما احس الوقت طويل طحت باليتيوب مسلسل ورا مسلسل ومدري وش جاني تسلطت عالمسلسلات المصريه احس البيبي اول مايطلع بيتكلم مصري😀😂
ماشالله مبروك للي عرفو نوع الجنين انطلقو للسوق واستمتعو بالتجهيز وقضو وقتكم فيه انا بس انتظر هاللحظه الي اعرف فيها النوع عشان ابدا 😍
وماسكه معي ابدا بعربة وكارسيت من ماماز اند باباز دايم يلفتون نظري كل ما امر عليهم 😍
ماشالله عليكم ماسكين خط في السوالف سالفه فبطن سالفه الله يسعدكم😂
انا هاليومين من كثر ما احس الوقت...
البنت انتي تتكلمين معها
عاد صح بنات ع طاري العنصريه والقبليه
انا عندي هالعقده من بنات خواتي. وعيالهم فلانه خويتي لكن مو اصيله او شلون تمشي مع فلان حضري والا بدوي ومن هالسوالف
انتبهت ان اللي يكونون بالمداوس الحكوميه عندهم هالسوالف وحتى يكون عندهم مظاهر باللبس لازم غالي
والله ولد اختي صف رابع اً خامس يبكي ع امه يبي شنطته او لفة كتبه من هارودز لندن يقول محد ياخذ الا من لندن ☹️♥️
لهالشي اول شي قررته عيالي يدخلون مدارس خاصه .. يكون بصفهم الاجنبي والعربي والقطري والخليجي ... فعلا الحمد لله ولدي الكبير اقرب اصدقاءه بالصف سعودي ومصري واردني وسوداني ... هذي اول نقطة نجاح سويتها له
ثاني شغله كلهم داخلين مدرسه خاصه ع حسابهم يعني كلهم مستواهم المعيشي فوق الممتاز لان تكاليف المدرسه بالسنه توصل ٣٥ الف للطفل ... واهم كل واحد له اخت واخ بالمدرسه ... لكن الحمد لله ماعندهم مظاهر باللبس والسفر ومادري شنو
مع انه اللهم لك الحمد عندي الامكانيه اخلي ولدي يلبس البراندات العالميه لكن كلش ما احب الطفل يتعود ..
حاليا اللهم لك الحمد احس عيالي يعيشون طفولتهم الطبيعيه ما انخرطو بسوالف هالوقت حتى جوالات عطيتهم بو ليت نوكيا اللي ب ٩٠ ريال وراضين فيييه
لاني ما احب الالكترونيات كلش ... والحمد لله امهات اصدقائهم تعرفت عليهم واطلع معاهم كل ويك اند وكلهم يأيدوني ومثلي ماعطو عيالهم ايفون
انا مصدومه من عيال خواتي وبناتهم من اول ابتدائي عندهم ايفونات والله مايصيييييير
يارب تقويني ع تربيتهم فعلا صعبه التربيه