يووه شكلي بنام ماراح الحق ع الاكشن
اقراها اذا صحيت على خير
تأخرت بالنوم اليوم مررا ☹️
تمسون على خير ♥️

ببدأ قصتي بالشهر الثاني من الحمل لانه لها علاقه بولادتي


مره كنا طالعين مع اهلي بنلعب اليهال


وانا قاعده على كرسي واراقب عيالي يلعبون ما احس الا بهذيج الدوخه ويغمى علي


الله ستر علي وكانت معاي شغالتي مسكتني وحليلها بس لانها كتكوته وانا ما شاء الله طويله ماقدرت علي فضربت ظهري بالكرسي


والحمد لله الله ستر وما صار لي شي بس الم بالظهر


وعقب بالشهر السابع كنت سايره زياره لبيت خالتي وقعدنا نمشي بالحوي


مشكله الحوي كله حصى وما انتبهت لحفره قدامي وما حسيت الا وانا مفتركه ريولي اليمين وحسبت بالم فضيع لدرجه قعدت ابكي بمكاني ربع ساعه مب قادره امشي من الالم


ومن بعد هالحادثه ماقدرت ابدا انام على ظهري احس كانه احد بيكسر ظهري واذا بالغلط انسدحت ما اروم انقلب على جنب ولازم حد يساعدني علشان اقوم 💔


وسرت المستشفى اشكي الحال ومحد معبرني للاسف


المهم وجاء موعد الولاده


تاخرت على موعدي ٤ ايام ومافي اي بوادر ولاده
وانا امشي بالحوي ---> وحده ما اتوب هههههه


المهم كان عصر يوم ١٣/١ قاعده امشي والا اسمع صوت شي ينفجر ببطني 😖


والماي نزل بكميه كبيره خوفتني الصراحه


انا امشي واشوف الماي وراي مسوي خط 🙈


بولادتي الاولى نزلت لي كميه بسيطه ووقفت بس هالمره حسيت كل الماي اللي داخل بطني نزل


وركضت الحمام البي لي قطن لان مزول الماي ما وقف وانسدحت على السرير اتريا زوجي يوصل


وبعد المغرب طيران للمستشفى وقالوا لي لازم تتنومين نراقب الجنين


وهناك قلت لهم دخيلكم الماي ينزل والقطنه ماتسد وثيابي كلها ماي 🙈


عطوني بامبرز مال كبار السن قالوا لي حطيه تحتك 😅


المهم بعد مالبسته حسيت بضيق البامبرز نفس النايلون ويسبب لي حكه


قلت لزوجي شوفني ان شريت بامبرز نايلون مره ثانيه لعيالك يا ويلك ههههه رحمة اليهال اللي يلبسون هالنوع من البامبرز


المهم تميت عندهم لليوم الثاني ماقدرت انام جسمي يعرق واتقلب يمين ويسار احس بالحر مع انه شهر ١ اقو لهم بختنق حر شغلوا المكيف 😫


على الصبح يتني الدكتوره تقول مافي غير طلق صناعي وبالعاده ينتظرون ٢٤ ساعه بس تقولي ما ابي اخليك تطولين وتولدين اخر الليل بتتعبين


قلت لها توكلي وعطيني الطلق


المهم اول تحميله كانت الظهر ولا جابت فايده


وثاني تحميله كات العصر وانا قاعده اتريا هالطلق يشرف


قبل ما يبدا الطلق عطوني ابره شرجيه علشان ينظف البطن قبل الولاده


عاد انا ماقدرت اميز بين طلق الولاده ومغص القولون


كل شوي اقول لاهلي طلق طلق عقب اقول لهم لا انذار خاطىء ههههههه


لين صارت الساعه ٦ المغرب وبدا الجد


امي وحليلها كانت موجوده وقعدت تقرا علي وتمسح ظهري وريلي قاعد يسولف مع امي يونسها شوي


وشوي اقول لامي ابي الحمام وحليلها دخلت معاي الحمام لانه شافتني مب قادره اوقف


اللي رفع صغطي من دخلت الحمام والممرضات عند الباب يقولون لي اطلعي 😳😒


انا هنا الشياطين ركبت راسي وصبت اقول لهم لا والله سببتوا لي مغص وتقولون لي لاتسيرين الحمام 👊🏻


وامي وحليلها تقولي هدي اعصابج


واقول لامي ماتشوفينهم انا بحال وهم بحال


عقب ماهديت طلعت من الحمام ههههه والمشكله كانت بجهاز التخطيط مال الجنين


انا قلت لكم انه ما اقدر انام على ظهري لازم على جنب ويوم يحطون التخطيط يقولون لي لازم تنامين على ظهرج لان الجهاز يفصل كم مره


انا بروحي اعاني مغص طلق والقولون ومن غير الام الظهر قلت لهم مابي الجهاز ياتركبونه لي جي يا تشلونه هههههه فصلت معاي وقتها قمت اعاند 🤣


اشرح لهم اني ما اقدر انام على ظهري عندي اصابه وانا كاني اكلم الجدار 👊🏻


المهم على الساعه ٩ قالت الدكتوره يالله ولاده خلاص فتح 😍


وركض ينقلوني غرفه الولاده


عاد انا دخلوني غرفه يالله متر بمتر وقالوا يالله بدلي ثيابك


وانا ارتجف بكبري وانهرت مارمت اوقف وامي وحليلها هي اللي بدلت لي ثيابي وانا مب قاده اوقف ابد طاقتي انهارت لاني مارقدت عدل الليله اللي قبلها


النكته بالموضوع ان يوم انهرت كان السيراميك بااااارد قعدت اهلوس واقول لامي انا مابطلع من هنا بربي هنا المكان بارد 🤣


والممرضات برع يدقون الباب يبوني اخلص وانا اقول لهم ما بطلع 🤣


اظن لو امي محد كنت عادي اسويها واولد هناك 🙈


المهم امي ساعدتني اوقف ومشيت لغرفه الولاده
امي شافت حالي قالت لهم بدخل معاها انا امها
بس قالوا لا انتي مب امها وتمي برع 😳


المهم بغرفه الولاده قالوا يالله نامي على ظهرج علشان تسوين بوش


انا من حاولت تخبلت ماقدرت اقول لهم ما اقدر يعور وتميت راقده على جنب


تصدقون نص الالم خف عني وانا نايمه على جنب وماطعت انام على ظهري


الممرضات ماقدروا يقنعوني اخر شي نادوا امي تكلمني هههههه الحين اقتنعتوا انها امي 😒


امي تقولي حاولي يابنتي تحملي الالم
اقول لها والله يامي ما اقدر ما اقدر مب بايدي كل ما انقلب لظهري احس حد بيكسره لي


شوي وحسيت بضغط البيبي تحت وان لازم اسوي بوش


لو تشوفوني حزتها اعتدلت على ظهري وتحملت الالم وسويت بوش اقوى ماعندي بس الراس مب راضي يطلع


قعدت اقول لهم سوا لي قص وهم مطنشيني حسيت جسمي يتشقق تحت الله يهديهم معاندين


والحمد لله عقب دقايق من الصبر ولدت بالسلامه


وعقب الممرضه تسالني تبين اجيب لج البيبي قلت لها لا ابي انام تعبانه اذا يبتيه بيطيح من ايدي 🙈😅


تم جسمي ينتفض ساعه كامله والممرضه تقولي ابند المكيف وانا اقول لها لا خليه ابي انام ههههه


المهم وقت الخياطه تقولي الدكتوره ان الممرضات كانوا يحسبوني بكر واتدلع 👊🏻 اقول لها انا تعبانه من ظهري واخبرهم وهم مطنشيني


المهم ولادتي كانت بتكون سهله لولا الم الظهر اللي كنت اعاني منه


فانتبهوا لاعماركم وقت الحمل ولاتسون نفسي تمشون بمكان فيه حفر 😂


والحمد لله من بدت الام الطلق لين وقت الولاده كلها ٤ ساعات


اللي خرب علي كان عصبيتي الزايده واعصب على اي شي هههههه


لولا امي كنت اظن قلبت المستشفى عليهم ههههه

ههههههه خلاص توبه

المره اليايه الكرسي يسبقني 🤣

وحليلج سيري ريحي

سكل اغلب الامهات شفتهم عكس شفتي انا 😂

انام بالليل واقوم بالنهار

اللي بيقرا قصتي تراه انا انسانه هاديه ونادر اعصب على احد بالعاده اسكت واصبر

بس اعصب علىعيالي ولا بتعاملي مع الناس هاديه


بولدي هذا ما اعرف شو صار فيني انقلبت لانسان ثاني 🙈


وولدي طلع سبحان الله نفسيه ومزاج ويعصب بسرعه لو حد تفلسف عليه 😅


اقول لامي شخصيه ولدي اثرت فيني الظاهر ولا هذا مب طبعي 🙈