tulip_uae :

ما شاء الله عليج بس لاتعيدينها خطر مثل ماقالوا البنات لو صار مضاعفات وقت الولاده لاسمح الله

ما شاء الله عليج بس لاتعيدينها خطر مثل ماقالوا البنات لو صار مضاعفات وقت الولاده لاسمح الله

يوشـــااا :

متهوره ام درر لاتعودينها مره ثانيه ☹️💔

متهوره ام درر لاتعودينها مره ثانيه ☹️💔

tulip_uae :

دام القروب هادي بكتب اخر قصه ولاده الله يسلمك انا موعد ولادتي كان ٨/١٠/٢٠١٤ وكان بيصادف بعد عيد الحج ب ٤ ايام بس يوم ١/١٠ كنت اكلم صديقتي على الواتس اب الساعه ٩ الصبح وهي حامل معاي بنفس الشهر وقالت انها ربت اليوم 😍 انا من قريت انها ربت يتني تقلصات 😳 وانا اقول لا لا مستحيل ولاده بعده باقي لي اسبوع وقعدت احسب التقلصات كانت كل نص ساعه وتاكدت انها ولاده 🙈 طبعا التقلص كان بارد جدا ومستمر على النص ساعه وعقب تحول كل ربع ساعه وانا امشي بالصاله واشرب من دله الاعشاب واكل هالتمر المهم طولت وصارت ٩ بالليل والمغص مكانه على ربع ساعه و١٠ دقايق وبارد قلت لزوجي انت نام علشان عادي بعد كم ساعه اقومك ولاده وقربت الساعه ١ وصار الالم كل ٥ دقايق بس بعد بارد مب حار قومت زوجي ووصلنا المستشفى على الساعه ٢ ومن وصلنا طار الويع وماقمت احس بشي وجاء وقت الفحص وانا كلي امل ان بتقولي خلاص ولاده 🤣 كنت حاطه ببالي بتتكرر قصه ولادتي ببنتي 🙈 بس هنا الصدمه 😫😳 قالت لي مب مفتوح غير ٢.٥ سم 😱 انصدمت صدمه عمري هههههه صح الالم بارد بس عاد اكثر من ١٧ ساعه الم طلق واخر شي تقولي بس ٢.٥ 😫 وسالتني بيتي كم يبعد عن المستشفى قلت لها نص ساعه فقالت لا وايد بعيد اخاف يصير ولاده وانتي بتتعبين سايره راده فقالت بخليج تتنومين هنا بقسم قبل الولاده انا قلت لها زين افضل لي وقلت لزوجي يرجع البيت لانه ما بيفيدني بشي وشكلي مطوله واحاتي عيالي بالبيت ووراهم مدرسه فوصيته عليهم المهم انا دخلت غرفه قبل الولاده ومن دخلت الالم قام يصير حامي ومحد معاي بالغرفه 😢 حزتها اشتقت لامي 💔 كانت تمسح لي ظهري وتقرا علي هالمره ماعندي غير ربي ❤️ المهم كان الالم كل ٥ دقايق وحامي وكنت ماخذه وضعيه السجود وايدي متمسكه بطرف السرير وايدي الثانيه امسح فيها ظهري ووقت الولاده تذكرت كلام حرمه اخوي تقولي مب كل مره امج بتكون معاج فانتبهي لاتعصبين على احد ولا بيقلبون عليج الممرضات وبيعاملونج معامله زفته وانتي بروحج ماعندج احد 😰 حزتها مسكت نفسي وقعدت اردد يارب ارحمني يارب يسر لي يارب سهلي وصار الساعه ٣:٣٠ وحسيت اني ابا ادفع وادق هالجرس ومحد ايني 💔 كنت شوي وبصيح ليش محد اي حقي خلاص احس البيبي بيطلع وفجاه تي ممرضه وتقولي بتسوي لي تخليل دم 😳 نعم الحين وانا مب رايمه اصلب عمري وينكم قبل اقول لها خلاص ولاده ابي ادفع وهي مصره الا تاخذ تحليل دم 😒 ام ايدي واحس بتقلص واسحب ايدي اقول لها اصبري خفت لاتنكسر الابره بايدي وانا اتالم وعقب تحملت وقلت لها يالله بسرعه بولد وتركض تنادي الدكتوره ومن فحصتني انفجعت 😱 قالت هذي خلاص ولاده بسرعه بسرعه ويركضون يسحبون سريري لغرفه الولاده وانا ماسكه نفسي مب قادره وهم يقولون لي لاتدفعي امسكي نفسج وانا اقول لهم ما اقدر 😢 من دخلت غرفه صرخت صرخه حسيت بتشقق صار لي تحت وما رمت اكتم صرختي 🙈 عقبها طنشتهم وصرت ادفع وهم يركضون صبري صبري وانا بخاطري بموت بسبتكم وانتوا صبري صبري وزين لحقوا بسرعه قبل ماتطلع بنتي 😅 والحمد لله ولدت بالسلامه الساعه ٥ الفجر ووقت الخياطه قالت لي صارت لك تمزق كبير والتمزق طالع لفوق 😰 قالت لي بنسوي لك قسطره نخاف التمزق وصل قناه البول 😱 والحمد لله بعد القسطره طلعت سليمه وماوصل التمزق لقناه البول 🙈 الله يهديهم تركوني رغم اني كنت ادق لهم الجرس اكثر من نص ساعه والممرضه اللي اقول لها ابي اسوي بوش وهي مطنشه لو ماتاخروا علي ما كان صار لي هالتمزق كنت اقول بخاطري لو امي موحوده كانت على الاقل نادتهم 💔 بس الحمد لله كل شي مكتوب ومقدر وعقب جابوا لي بنتي فديتها كانت هاديه ونايمه وتبتسم والممرضات تخبلوا عليها من شافوا فيها غمازه وكل وحده تنادي الثانيه 😂😅 صح كان اول طلقي طويل وبارد وفاتح بس ٢.٥ بس عقب يوم بدا الطلق الحامي ماكملت ساعتين وفتح ولاده ما شاء الله بس كنت فرحانه بعمري اني تحملت الالم وانا بروحي بدون ما اعصب على احد هههههه حسيت انجاز

دام القروب هادي بكتب اخر قصه ولاده الله يسلمك انا موعد ولادتي كان ٨/١٠/٢٠١٤ وكان بيصادف بعد...

"Aleen" :

ماتشوفين شر ياتوليب يالله ياتوليب اندمجة مع قصة ولادتك حتى نفسي وقف مع الاحداث الله يرزقنا الولاده الميسره السهله ويسخر لنا الممرضات الحنونات

ماتشوفين شر ياتوليب يالله ياتوليب اندمجة مع قصة ولادتك حتى نفسي وقف مع الاحداث الله يرزقنا...