عبق الأندلس :

السلام عليكم ورحمة الله وبركاااته صباح الخيرات💓 كيف حالكم؟ اشتقت لكم والله 🥺 شكرًا لكل من فقد تواجدي وسأل عني، انشغلت الفترة الماضية، حتى كنت بالعادة ما أفوت ولا رد بالتجمع بس صرت أدخله على السريع وأطلع ما يمدي أعلق، الحمد لله أخيرًا روّقت وأقدر أكتب لكم قصة حياتي 😂 قبل أسبوع تقريبًا تميت ٣ شهور الحمد لله، وعلى طول بس عديت هالمرحلة طيران لأهلي اشتقت لهم :" صار فيه مشكلة بالمطار وعلقنا فيه ٧ ساعات!!! المشكلة كانوا كل شوي يأجلون رحلتنا ساعتين فنقول ما يمدي نطلع من المطار ونرجع ( مشوار ) فكان الانتظار بالمطار متعب شوي وأنا كنت مواصلة ما نمت و أتمنى بس سرير 🛏 أتمدد عليه وأرتاح:"" عاد الحمد لله طرنا وهبطنا بسلام وقرت عيني بأهلي أخيرًا، ثم بعد يومين سافرت لأهل زوجي، والحين أحس إني استقريت شوي وارتحت والحمد لله. بإذن الله اليوم أبحث عن دكتورة ممتازة في المدينة اللي أنا متواجدة فيها، وبداية رمضان أروح لها عشان تصرف لي الحديد والكالسيوم وأشوف جنس الجنين < جدًّا متحمسة بس ودي أسوي حفلة بسيطة لكشف الجنس يعني ما ودي يكون بطريقة تقليدية، ومحتارة شلون ومتى؟ وهل أكون عارفة ولا أفاجئ نفسي؟ أنا أتمنى أسويها لأهلي خاصة أخواني الصغار لكن المشكلة ما راح أشوفهم إلا بعد العيد تقريبًا، وش يصبرني؟ 😅 اممم وش بعد عندي؟ <بأعوض عن الغياب😁 إيه صح انتبهوا لجلساتكم! أنا متعودة إذا تحمست بالحكي أنسى من نفسي وأجلس جلسات غريبة، يعني أكون لافة جسمي بطريقة غلط على اللي أسولف معه، المهم رحت زيارة لصديقتي العروس وعدت ساعة وأنا جالسة غلط لين بديت أحس بألم! قلت لها بأتمدد على كنبك اسمحي لي ما أتحمل القعدة 😰 كنت مستحية منها عروس وبيت جديد، وقامت تهاوشني ليش تستحين مني؟ شوي قلت بأتحرك إلا زاد الألم بشكل مو طبيعي صرت أرجف من قوته ( شد في جنبي مع ظهري ) وخفت على الجنين مب على نفسي "( وخرشت العروس المسكينة، راحت تجيب لي لحاف وتخليني أنسدح لين الحمد لله استرخيت مضبوط وراح الألم ما طوّل بس أخذت درس لا ينسى، وسلامتكم 💕

السلام عليكم ورحمة الله وبركاااته صباح الخيرات💓 كيف حالكم؟ اشتقت لكم والله 🥺 شكرًا لكل من فقد...