لونلي عمرة مباركة ومقبولة ان شاء الله هيك احسن بتعملي العمرة وبعدين العملية لانه بعد العملية ماراح تقدري تعمليها لانك بأذن الله بتكوني حامل

اقحوان الشمال اذا ربي ما رايد هالحمل يكمل فاكيد مارح يكمل واكيد خير الك ربي يعوضك بالقريب العاجل بتؤام ذكور سليمين معافيين مع انو كتير تمنينا انو حملك يتم بس الخيرة فيما اختاره الله انا لله وانا اليه راجعون ولا حول ولا قوة الا بالله اللهم أجرها في مصيبتها واخلفها خير منها

ورد الصبار ها طمني حبيبتي ان شاء الله امور التبويض ماشية تمام والدكتور حدد السحب ولا لسا بقولو عنا اللي بيتوحم على حلو بجيب بنوتة حلوة والفال الك ان شاء الله بس بتؤام صبي وبنت

سموووووووووورة الهي ربي بيسيرلك العملية ويتمملك على خير وييسرلك امورك ...
اقحوان الشمال ...الحمدلله على كل حال ...قدر الله وماشاء فعل ...الله يرزقك الحمل السليم المعافى ويرزقك باولاد وبنات حلويين يملو عليكي البيت ياقلبي ...الله يصبرك يارب وان شاء الله مابطول انتظارك
اما بالنسبة لاخباري بنات انا من مبارح عم ينزل علي دم ...واليوم كتير صار متل الدورة الغزيرة وعندي دوخة وتعب واحباط ...اتصلت بالدكتور مشان عندو زحمة كتير قلي لاتيجي لانو هاد شي طبيعي العامل نفسي لانو ماعملتي العملية وهاد بيجي نتيجة احباط ...هلأ انا باليوم 18 من الدورة ومع احترامي الشديد للدكتور ما اقتنعت بكلامو ....المهم طلعت انا وزوجي مشوار بالسيارة واستغليت الفرصة وقلتلو انو اذا ظبطتت الهجرة بيكون حظنا حلو وبعمل الزراعة برا بس اذا ماظبطتت شو الوضع ...قلي من الاخر هون مستحيل نعملها الطب وضعو النفسي صعب هون ههههههههه خلينا نعيش كأنو عرسان ومابدنا نفكر بموضوع الحمل نهائيا لانو عم نتوتر وخاصة انتي بتوتريني بزيادة ...بصراحة كتير ادايقت وانقهرت منو ...هوة معو حق بس ادايقت ...انا بغربة والعمر عم يمضى بالاخر اذا ماحملت هوة ممكن يتزوج ولو بعد 15 سنة وقتها انا بتنتهي حياتي وحيدة بالغربة ما الي حدا ....افكار كتير بتدور براسي ولا فكرة مريحة قلبي الله يصبرنا جميعا

لونلي ورد الصبار ام محمد ومهند وتالا وكل الصبايا حبيباتي الله يسعدكم يا رب ويفرح قلبكم والله يسهل علينا وعليكم
تاااااااااااالا يا تالا يا مجنونه:mad: بلالك هالافكار الجهنميه ووكلي امرك لرب العالمين واتركي الوسواس ومتل ما قالك زوجك عيشو حياتكم عادي بس لبين ما تستقرو بمكان والله بفرجها وبهونها لا تعقدي الامور وخلكي مرتاحه نفسيا حتي تقدري تعطي اكتر وكل شي كاتبله ربنا منيييييح الله يكتبلك الحمل يا رب بدون تعب بس قولي يا الله