رب لا تذرني فردا وانت خير الوارثين

السلام عليكم بنات
كيفكم وشو اخباركم
سلامي لكل بنت بالتجمع هون وحدة وحدة
يعز عليي اني قول اني مبطله قادرة فوت المنتدى نهائي مع ضيق الوقت ومع الظروف
مرت عليي 7 سنوات كنت يوميا لازم فوت المنتدى
وكان جزء من يومي ومن روحي و لاقي فيه نفسي في نهاية اي يوم لما اجلس عليه
وكنت ما سدق انو ممكن يجي يوم ما اقدرادخله
لكن سبحان الله ظروف الانسان بتختلف
ما زلتم في القلب جميعا
قسم تاخر الحمل اغلى قسم على قلبي
واغلى تجمع واطيب اخوات تجمع انابيب الاردن
ما رح انسى هي الايام الي عشتها فيه
وفي قلبي دعاء انو ربي يفرحني بكل بنت بهالتجمع
حتى لو باعدت بينا الايام
يا ريت تجو تخبرونا انكم صرتو امهات باذن الله
لا تيئسو مهما طال الوقت و مهما تكررت العمليات
فلا بد للفرج انو يشرق باذن الله
واهم شي احسان الظن بالله
ان شاء الله بحاول ضل على تواصل بالتجمع
وباذن الله برجع خصص وقت للمنتدى
واي سؤال في مجال العقم والانابيب او العمليات في الاردن ما تترددو حبيباتي

حبيبتي عاقلة
الله يخليك ويسعدك ويحفظلك اولادك وتفرحي فيهم ان شاء الله
متل ما قلت ظروف الانسان بتتغير والحمد لله انه ظروفك تغيرت للاحسن , دائما ان شاء الله ,,
انت دائما في البال حتى لو طولت علينا بس بنعرف انك ما راح تقطعيني
لانك بعمرك قصرت مع حدا منا
الله يوفقك ويهنيك يا رب

بنات كيفكم
يا ريت الكل يشارك معي وينصحني ويحكيلي اي شي لانه بجد مش قادرة اتحمل
التفكير قتلني
بنات بتتزكروا لما حكتلكم انه عندي ظروف خاصة وراح اقطع المنتدى
الموضوع بكل بساطة انه زوجي عمبدور على عروس وبدو ينزل الشهر الجاي يكتب الكتاب اذا تيسرت اموره
انا مو غضبانة منه ولا زعلانة منه , لانه بطل يقدر يتحمل بدو طفل وبدو يصير اب وانا راح بفرحله كتير .. زوجي عمره 43 سنة والنا 10 سنين متزوجين واخدني وهوة عارف انه انا نسبة حملي ضعيفة ومع ذلك تمسك فيني وما قصر معي خلال فترة علاجي نهائيا ..
هلا انا اذا طلبت الطلاق بعتبر انه تخليت عنه وهوة ما راضي يطلق لانه بحكيلي انت الهوا اللي بتنفسه وانا بدي اتزوج بس عشان الولد ولو رب العاالمين اعطاك بس ولد والله العظيم ما بفكر اني اتزوج..
زوجي متدين وبخاف الله الحمد لله , وبعرف انه نيته صافية وعشان الاولاد راح يكون زواجه ,,
بس بنات بجد حاسة حالي انتهيت كل شي حلمت فيه طار في الهوا , وحاسة اني راح اعيش بلا معنى ,,
الحمد لله رب العالمين انا ايماني بالله كبير وبعرف انه كله خير الي بس الزوجة وشعورها ..
الفراغ الكبير اللي في قلبي وخاصة اني في غربة ..
احكولي اي شي يساعدني او يقوي معنوياتي
انا والله ما بتمناله الا الخير وبدي اشوفه يصير اب يااارب مني او من غيري
لانه بالفعل انسان بمعنى الكلمة وما قصر معي باي شي ..
وانا نيتي حسنة وبعمري ما تمنيت الضرر لحدا فكيف رفيق عمري .
وزعلانة من نظرة اللي حوالي لانه للاسف نفسياتهم تعبانة وراح اسمع كتير كلام بجرح انا متاكدة من هالشي وحاسة اني راح انهار اذا سمعت شي بدايئني وانا ما بدي هيك بدي تكون نفسيتي عالية ومعنوياته اعلى لاعرف ارد منيح..
بانتظاركم حبيباتي ولا تنسوني ,,


بحبكم في الله ,,

الله يرز كم بذريه الصالحه حبيبتي اصبرمفتاح الفرج ولي الله كاتبه راح يصير مهما سويناوفعلنا الدعي ان الله يسر امورك وصلي صلاه استخاره وستشيري احد مقرب منك وشوفي لاتكرهوشي لاعل يكون خير لكم والله يقويك ويعينك ويكتبلك الي فيه الخير وين مايكون خيتي