جزاكم الله كل خير يا احب اتغير وصديقة الجميع .
معليش حبيبتي احب اتغير نكدت عليك فرحتك بالتجمع هذا بس البارح كنت حاسة ان مابيني وبين الجنون الا شعره .
بعد شوي ولدي حجزنا له عند دكتور ثاني علشان نتاكد .
ربي اني مسني الضر وانت ارحم الراحمين .

احب التغير جزاك الله خير ورزقنا وياك الدريه الطيبه المباركه وجميع بنات التجمع

ألف شكر للحبيبة والعزيزة على قلبي احب اتغير على هالمقدمة والمدخل الحلو والشيق لبيتنا الجديد وعساك عالقوة دايما وانتي بحضنك أحلى تووووووووووووووم يارب

حبيبتي حساااسة

أدري ان صعب عليك بعد هالأمل ويه كورس الكلوميد انه تنزل الدورة


ادري ان مهما قلت وحكيت بتظل حالتك النفسية صعبة


بس تذكري (إن مع العسر يسرا)

(إن مع العسر يسرا)

تفاءلوا بالخير تجدوه حبيبتي

وصدقيني الأشهر القادمة راح تكون أحلى إن شاءالله

وربي بيحقق كل أمانيك بإذن واحد أحد


ياااااااااااااااااااااااااااااااارب لا تخيب رجا أختي وحبيبتي حساااسة

وأقر عينها وعين زوجها بالذرية الصالحة آمين رب العالمين

حبيبتي همووسة


ما يشوف شر وليدك وإن شاءالله مافيه إلا العافية

بس انتي تعوذي من ابليس وإن شاءالله يطمنوك عليه قريب

بالنسبة للدورة والحمااال

اسمعي حبيبتي

بقولك قصتي اليوم ومتأكدة انك بتسجدي لله شاكرة له

اليوم والله رجعت من المدرسة أبكي

ومباشرة توضيت وسجدت لربي

اختي قالت يا شمعة خييير وش فيك؟؟

قلت لها أحمد ربي ان رزقني بدعاااء....بنت حلوة وزي القمر وأهم شي انها سليمة

قالت وش الموضوع؟؟؟

طبعا ما قلت لكم إن نقلوني للمدرسة إلي طلبت لها نقل

مدرسة بنات مو أولاد مثل ماكنت أدرس لمدة 5 سنين

وصوب بيت ابوي بالضبط

ويادوب هالايام قاعدين نتعرف على بعض احنه المدرسات

قلت لهم عندي بنت وحدة ومو زمااان من أسلبت

وكل وحدة قامت تتكلم كم عندها من عيااال

إلا وحدة تتكلم ان ما عندها شغااالة

وتقول انا بنتي (..........) وقالت اسمها بس يبي لها شغالتين يشيلون ويحطون فيها

قلت لها كم عمر بنتك الله يخليها قالت 8 سنوات

زين انا استغربت بس ما سألت

قالت أدري انك بتسألي ليش يبي لها 2 يشيلونها ويحطونها

تقول بنتي معاها شلل دماغي وللحين ما تتكلم ولا كلمة

شكلها طبيعي مو مثل إلي معاهم توحد

بس تقول ما تتفاعل ابدا

ما تتكلم ابدا

مشت متأخر

حتى الأكل كانت معتمدة على الحليب

ما بدت تاكل إلا لما كملت 4 سنوات

تقول مو معاها من الولادة

كانت طبيعية جاها عقب

والله أعلم انه عين وصابتها

وعندها 3 اولاد ماشاءالله طبيعيين

ما عدا بنتها

وهي تتكلم وهي تبكي

تقول ربي يمكن كاتب هالشي عشاااان تروح ذنوبي ويكتب لي الأجر والثواب

بس من وين لي الصبر وأنا أشوفها بهالحالة

تقول كل شغاالة أييبها والله انها تشرد من هالوضع

تقول وش بإيدي

ماعندها غير هالبنت و 3 أولاد

تقول يوم عرفت اني حامل ببنت

والله حتى يوم زواجها وغلي بتلبس فيه الفستان الأبيض تخيلته

بس ربك كرييم

حاولنا طبعا نواسيها

بس بعد إلي يده في الماي مو مثل إلي يده بالنار


هذي قصة

وإليك القصة التالية