تعليقا على موضوع نعلم اهل الزوج .. انا لمن احمل اعطيهم خبر عادي .. لكن هم ماشاء الله عليهم ثنتين منهم والله مادريت عن حملهم من الاساس الا اشوف بالسناب اثنين بيبي جديد مع اولاد العيلة😂😂😂فلمن سالت قالو ايوا ذا مولود فلانه والثاني بنت علانة.. مااعرف هل هو علشان انا بغربه ولا ايش .. الجلطه ثلاثية الابعاد انه اللي اعطتني المعلومة سألتني زوجك ماقلك ؟ ماشاء الله عليه ماقصر جاء وزار الثنتين واهداهم بس احنا قلنا اكيد الهدية مو ذوقك .. عاد مدري هي تمدح ولاتسب .. ويوم رحت اسال الصندوق الاسود زوجي .. قال ماجات مناسبه اعلمك 😡😡😡😡
انا مااشره على اهله ولا ألومهم لكن هو الله بس يهديه ويسخره لي ويفضفض مكنونات صدره لي

مامات احد يدخل شكله مافيه احد بهالتجمع الا انا 😂😂😂اخاف اسهر واسولف مع نفسي تجون بكرة تلاقون هالتجمع قفل

خلوني احكيكم عن ولاداتي .. تستاهلون محد قلكم تتركوني لحالي هنا 😂😂😂
في بكري الحمدلله رحت ادوده راسي .. علشاني اتشبعت من المثبتات وكان حمل بعد تقريبا ثمانيه سنين الحمدلله خلصت شهري ورحت لموعدي .. سووا لي توسيع بعدين طلق صناعي واخذت ابرة الظهر واثر على تنفس البيبي .. اتخيلوا انا مخدرة وفجاءة والممرضات يجرون حولي اللي تدفني على جنب واللي تخبط بطني واللي تحط لي كمامة الاكسجين وماما قدامي تبكي منهارة تقول واه مات البيبي .. وذا كله على دخلة زوجي البارد لغرفتي .. كنت مقهورة منه اتصلت عليه اقوله تعال ولادة وماجاء الا بالاخير .. المهم الممرضات يخبطوني بكل مكان ويقلبوني وانا اقول حولوني عملية لايموت البيبي ابغاه ذا حمل عزيزززز وانا مافيني طاقة مخدرة .. والحمدلله يارب سهلها ربي وجبت ولدي الله يحميه من كل شر ويفرحني فيه يارب وكل من قالت امين

اما في ولادتي الثانيه .. طبعا محد توقع اني احمل لكن علشان الهرمونات الحمل لسه بجسمي سبحان الكريم الذي اذا اعطى ابهر فسبحان الله صار وحملت ببنتي .. طبعا كانت ولادتي وقت اجازة والكل مسافر .. نفس الشي اخذت مثبتات لانه كان عندي بوادر ولادة بالسابع .. فلمن قربت اخلص شهري رحت علشان نقصت موية البيبي وقالوا ولادة وطلق صناعي وتحريض واللزي منوو .. طلبت ابرة ظهر مع الم الطلق .. وكان زوجي الوحيد الموجود معايا فطبعا طلع برى للمرضات وقالهم مانبي ابرة ظهر وهددهم محد يجيب لي خبر .. انا صرت اصرخ جيبوا لي ابرتين ظهر وحدة ماراح تشيل الالم 😂😂.. والممرضات يقولوا دحين نجيب الابرة انتي بس اتنفسي ويخدروني بالكمامة .. اتعذبت في الولادة الثانيه حسيت بألم ماحسيته بولادتي الاولى .. وصريخي مستمر .. دخل الدكتور عندي .. وزوجي يقوله يالله نصلي جماعه ويحلف عليه 😂😂.. الدكتور يقوله اي صلاة زوجتك حتولد .. قاله لالا ماعليك هي من اليوم كذا تصرخ ... اه بس لو كان وقتها جنبي اظن اني كنت ح امسك رقبته واخنقه😂😂🙈.. وبس صرت اصرخ عالدكتور شقني والحمدلله يارب سوا شق وولدت بنتي الله يحميها جميلة الجميلات ويفرحني فيها يارب ويخليها لي ويحميها من كل شر قادر ياكريم وكل من قالت آمين ويرزق كل وحدة تتمنى الحمل يارب

المضحك في الموضوع .. يوم كنت بكريه ورحت اولد الكل درى حتى صاحبات اخواتي وزميلاتهم وجارات الوالده😂😂.. وانا طبعا رحت اولد وانا صايمة علشان قالوا احتمال عمليه .. يوم ولدت صرت ميته جوع .. وافتكر انه فيه احد ارسل اكل .. جارات الوالده الله يسعدهم رسلوا اكل لاهلي .. يقولون نعرف اللي مع الوالده ينسون يأكلون .. وطبعا علشانه حمل متاخر وعزيز .. كانوا معاي اهلي كلهم الله يخليهم لي وجو اهل زوجي كمان .. فاللي صار حطوا الاكل والكل اكل جعله العافيه يارب .. ومحد افتكر يشيلي شيء من الاكل .. مافيه الا شوكولاتات وبسكوتات .. انا اول وحدة تولد .. فالوالدة مضيعه الله يطول بعمرها .. وحدة من الجارات يارب يسعدها رسلت متاخر ثلاجة حليب دافي .. يوووه يابنات حسيتها اغلى هدية ياانا دفيت مع ذا الحليب وشفت العافيه .. عاد جابوا بعدين اكل لي .. يقولوا يسكتوني كنت مره مفجوعه ادور اكل وفضحتهم 😂😂😂