ما الومك والله تعب وثقل الله يهونها علينا يارب

بسألكن ياجميلات اللحين اتبع حساب الدوره او السونار لأني عمليه والرابعه والسونار مأخرني عن موعد دورتي اسبوعين وقمت اوسوس 😥😥

انا ماعندي خبره صراحه بالخاص واولد بحكومي

لكن نجوى مره مانصحك فيها سمعتها جدا جدا جدا سيئه و كثير حالات حرجه تصير من تحت يدها قريب سمعت و من زمان اسمع كثير ..

استخيري اكثر من مره و الله يكتب لك الخير
انا اغلب مدح قرايبي على الالماني لكن مين بالضبط ماعرف والله ، والمواساه يمدحون

لكن الدار ماقد سمعت احد يمدحها وكل اللي اسمعه عنها انه ماندري كيف للان ماقفلوها

والله يكتب لكم الخير كلكم يارب و يسخر لكم كل من يتولى امركم و يجعل ولادتكم سهله ويسيره ♥️

معي حكايه طويله احكيها لكم ايش اللي حصلي في اول يوم لي في مستشفى الولاده اللي بولد فيه طبعا حكومي المستشفى جديد ومهتمين فيه من ناحية الشكل ويقولو الولاده فيه كويسه..بس رحت اليوم وتعبت تعب يابنات من الساعه 9 الصباح لين الساعه 3 واحنا من دكتور لدكتور ..اتخيلو دكتور يشوف راسه ويقرر تحاليل..بعدين نروح عند التحاليل بعدين عند دكتورة الفحص المهبلي بعدين عند دكتورة الاشعه..غير الانتظار رغم انه كان معايا موعد وحاجزين ..انا رحت عشان القلصات وكلمت الدكتوره من البدايه اني رافضه الفحص المهبلي لاني عارفه يابنات ان الفحص يحرض الولاده وحاسه ان الذي فيني التهابات مسالك..ورغم هذا حولوني ورفضت الفحص الاقي يقولون لي خلاص روحي خذي موعد ثاني للاشعه العاديه..هذا حصل على الساعه 2 ونص تقريبا..ساعتها مسكت اعصابي بالعافيه اقلهم الدكتور غلطان انا كلمته ما ابغى فحص مهبلي ابغى اشعه عاديه اطمن وانا منتظره من الصباح ماهو معقوله تسوو كذه..الدكتوره لاحظت حالتي ودخلتني ومعاها متدربه جلست على بطني نص ساعه تسوي السونار وتشرح للمتدربه .. وطبعا الفحوصات اليوم نصها وبكره اكمل الباقي طبعا ..وفوق هذا كله ادخل انتظار الحريم قدامي واحده معاها بنتها يمكن عمرها 4 سنوات في شعرها قمل كثير وجالسه تاخذ القمل وترميهم على جنب في الارض😭😭😭😭وتدخل ام ثانيه معاها 2 عيال عفسو الدنيا عفيييييس وياخذو من يد بناتي اغراضهم ووسخو الدنيا وامهم ولاتحرك ساكن..يابنات جالي بكااااااااا رحت ارتاح لقيتلي وجع قلب وقرف..ولحظه ازيدكم من الشعر بيت😭😭😭وانا طالعه ومعصبه وقرفااااانه يجي واحد يتغزل ويرمي كلام😭😭😭يا الله يابنات يوم مش طبيعي ..الله لاوفقه شايف كرشتي قدام وحالتي حاله ويدوب اسحب نفسي ويقوم يتغزل ايش من بني ادم هذا ايش الدم الذي بيجري في عروقه مايخاف الله...خلاص ارتفع ضغطي بالزياده وشوي وابكي وعصبت على بناتي وزوجي وحالتي حاله..ومن العصريه لحد الان لساتني هدأت شويه وقدرت اكتبلكم حكايتي..حرمت اروح ثاني مره وبرجع لدكتورتي بالخاص والمستشفى بروحلهم وقت الولاده
اتخيلو اوري الدكتور ادويتي واستغرب كأنه اول مره يشوفها ويقلب فيها وهي فيتامينات عاديه واقله فيني تقلصات يقولي القولون ..اقلكم يوم استغفر الله العظييييم 😭😭
ذكريات حبيبتي تقولي الدكتوره الراس تحت الحمدلله بس مش في الحوض لساته مرتفع ..رغم اني قريت انه المفروض يكون نزل الحوض
صح نسيت اقلكم بعد هذا التعب كله رفضو يجيبو لي اي شي او اي نتيجة تحليل الا بعد اسبوعين يعني ولا استفدت شي
امانه يابنات كيف بستحمل التقلصات اسبوعين ..الان مضطره ارجع لدكتورتي وتشوفلي ايش الحكايه..شفتو الغبن

ام كرشه
مشاء الله مبروووووووك البنوته الله يتمم على خير يارب وتشوفينه بحضنك بصحه وعافيه يارب


ميدو
الله يشفيك ياحبيبتي ويلبسك لباس الصحه والعافيه يارب ماعليه ان شاء الله انها هانت


فديت تراب امي
صراحه يوم لاتحسدين عليه
طيب انتي دخلتي الثامن ولا اذا دخلتيه احس طبيعي التقلصات
انا الحين بنص السابع وبدت معي اعراض جديده علي مثل يمسكني مغص دوره من تحت واحيانا يشد لكن بالشهور الاخيره كل شي متوقع الله يرزقنا تمام الحمل يارب وحنا واجنتنا بصحه وعافيه يارب