بنات ابي اسألكم فيه نظام ادوية نفاس مجرب وينظف
انا جربت زمان نظام فيافي وندمت
والولاده اللي بعدها اشتريت من وحده تبيع بس اتعبني قالوني
والولاده الاخيره جربت نظام الاخت قشر قهوه ومره ظبطني بس يبي له شغل

وعليكم السلام ورحمة الله وبركاته
يسعدلي هالصباح🌹
اسأليني انا عن نظام النفاس🙃 أكرررره الروتين بشكل مو طبيعي بنفس الوقت ما اطلع الا وانا 👍🏻


ونظامي نظام عجايز☺بصراحة عاجبني لاني ما احب تخبّص الاعشاب اسمع نصايح العجايز بقوّه وتعلّمت منهن الكثير


اول شي لازم عندي تمر معجون فيها رشاد وسمن وحبة البركة
علبتي تحت مخدتي😆فيها عنزروت وعندي فنجان خاص لي لان ريحته قويه وتلزق بالفنجان كل مافضيت اكلت من التمر وتقهويت عنزروت
العنزروت فضيييييييييييييييييييييع للرحم
نجي للشاي صراحة اللي يسوونه اشربه قرفة بابونج يانسون ماعندي مشكلة
بس اكثر شي يانسون وحلبة طبعاً تحلية سكر نبات
اذا تعبت سواء صداع زكمة اي شي ع طول قهوه مع مره لان المره مضاد حيوي ولانني فترة الاربعين ارضّع طبيعي اضمن ان اللي يجي البيبي مو ضاره


اول اسبوع اتوضى بماء وملح خشن والاسبوع الثاني اضيف معهن مره مطحونة وماعمري استخدمت مرهم المستشفى ولا عمرها التهبت علي الحمدلله


لبسي دايم ثقيل وما اتروش اول اسبوع اكتفي بالمسح وتغيير ملابسي كلها
ومايحتاج اوصي ع الاكل واللبس والبارد والحلى


العنزروت لحد ما انظف بس بالبداية تطلع بلاوي اخر الايام اركز عاد ع شرب قشر قهوة
واربع ولادات الحمدلله ماعمري شكيت لا من غازات ولا هوا ولا امساك

كاجو هلا حياك ياعسل
كثير يمدحو التمر المعجون كيف اسويه

ليز خل اي تمر موجود بس شيلي النوى وتكوني مذوّبه سمن وتعجنيه زي العجين وتحطين الرشاد وحبة البركة وتكملي العجن اذا مو متوفر سمن عادي اعجني التمر على بعض ويفضل مايكون تمر ناشف يعني رطب صراحة ماعرف اسمائهن اسمع امي تقولهن ماحفظتهن

ماشاء الله تبارك الله
الله لايحرمنا من وجودك بالتجمع
افدتينا ❤