صاحبة السعادة بقولك اكشن ولادتي ببكري تضحكون مني
صدق البكريه بتكون على وجهها ماتدري وش بيصير لها
انا الاكشن بدا معي الساعه ٩ الصبح كان اليوم المقرر للولادة نزل معي دم شوي وماادري وش اسوي
دقيت على اختي الكبيرة قالت دامه دم روحي
رحت على الساعه عشر كذا قالو ا فاتح ٢ سم بس دام معك دم بنومك بدا معي طلق خفيف وقمت امشي مع الاسياب
كان وقتها مافي جوالات ولافي فيه اي وسيلة اتصال مع اختي وزوجي
الا عن طريق التلفون يدقون على الكشك يقولون لسا مافي ولاده🤧
الزبده كان الطلق يروح ويجي وقمت امتر الاسياب تمتير
جت الساعه اربع ويبدا الجد احتمى الطلق وجت الدكتوره وقاست لقته ٤ سم قالت يالله كشك
نزلت للكشك وبدا الرعب اسمع الصراخ والصياح والولوله
نوموني وحطوا التخطيط وانا كل ماجت الطلقه تمسكت بحديد السرير مااصيح ولا شي ياقلبي ياانا بس
وبجنبي وحده الله يسامحها جننتني بصراخها ياااايمه ياااااايمه 😩 انا افكر واقول هاذي مرحله مابعد وصلتها اللي يخليها تصرخ زي كذا
وانا ياعمري ماغير اتصبر واتمسك بالسرير لين تخف الطلقه ثم اذن المغرب
جتني الممرضه كذا بس بتشوف وكان ببالها يوم تشوفني مالي صوت ان لسى بدري علي
يوم قاست وهي تصرخ .... ولاده .. ولاده خلاص تسعه سانتي .. قلت وش .. يعني بولد ... قالت انتي نفر واجد كويس ماشاء الله
قلت والله جنبي كم وصلت .. قالت هذا نفر مافي كويس بس اربعه سم 🤦♀️🤪😩
وتروح تنادي الدكتوره ويبدا معي الدفع انا مدري وش احسبه تبرز ... واصيح اقول بتبرز قالت ذا بيبي ياالله يالله وادفع كم مره وتشرف بنتي ويحطونها على بطني وكنت ماادري وش جنس الجنين اصلا .. كان الحكومي مايعلمون ومجهزه ابيض وسكري ..
المهم اللي بجنبي ولدت بعدي بساعتين وتعسرت ولادتها وتدخل الدكتور وشفطوا ولدها لان مامعها حيل تدفع من قو الصياح
طبعا دقت اختي على الكشك وبشروها وبشرت زوجي واهلي والحمدلله
بس فعلا البكر على وجهها وتجربه جديده .. الله يكون بعون المسلمات
صاحبة السعادة بقولك اكشن ولادتي ببكري تضحكون مني
صدق البكريه بتكون على وجهها ماتدري وش بيصير...
وصراحه من الذوق اننا نخلي النفاس ترتاح بدون زيارات الا اذا خف جرحها وصارت بالعشرينات وهذا نظامي مع قريباتي اللي تولد الاحظ ان مالها خلق ضيوف فصرت اكلم النفاس اوارسل لها رساله تهنئه وازورها بعد ٢٠يوم لاني جربت مع قريباتي ازورهم بدري الاحظ مالهم خلق وتعبانات فليه نغثهم الوحده يالله في نفسها نزود عليها بزيارات لاوبعضهم تدخل ومتسبحه بعلبة عطر