عبق الأندلس :

بالنسبة لي ما أفكر مجرد تفكير آخذ اللقاح، وأتمنى إن الحملات الرافضة له في تويتر تجيب نتيجة وما يخلونه إجباري! ربي خلقنا بصحتنا ومناعتنا الحمد لله، ليش ندخل في أجسامنا لقاح تجريبي غير معتمد نجهل آثاره البعيدة ومكوناته؟ مصنعي اللقاحات ما أخذوها ولا فرضوها على شعوبهم بس عندنا! عاد لو الناس استسلمت وخضعت بيتطور الموضوع أكثر، ونصير فئران تجارب للقاحات الغرب، وما راح يوقف الموضوع عند جرعتين بيصير سنوي، وبيوصل حتى للأطفال، وبصراحة محاولة تبرئة اللقاح والإجبار عليه وربط حتى حق الوظيفة والتعليم فيه تخليني أنفر منه أكثر، وش هاللقاح اللي يصلح لكل الناس بلا استثناء؟ ماء هو؟ وش هاللقاح اللي ما اعتمدوه للأطفال، بس فجأة قالوا يصلح للحوامل؟ يعني مب آمن لطفل عمره ١١ بس النتفة اللي ببطني آمن عليه؟ متى أمداهم يسوون الدراسات أصلًا 😠؟! حتى المرضع سمعت قصتين عن طفلين يرضعون من أمهاتهم صار عندهم طفح جلدي والتهاب لما تلقحوا أمهاتهم، واحد منهم عمره ٥ شهور تطور وضعه ومات الله يجعله شفيع. المهم إني أدعي ربي يصرفه عنا عاجلًا غير آجل، وحسبنا الله ونعم الوكيل.

بالنسبة لي ما أفكر مجرد تفكير آخذ اللقاح، وأتمنى إن الحملات الرافضة له في تويتر تجيب نتيجة وما...