بنات ترا النسب تختلف من مستشفى لمستشفى


اكتبي المعدلات اللي هم حاسبينها عليها

اللهم أمين الله يشفي أزواجنا يارب
طيب أذا أرتفع هل فيه علاج يخفضه ولالا
ربي يعطيك الصحه والعافيه

سيلا البيضاء انا سمعت الدكتوره يقول لو تبون انزله نزلته بس مارح تطلع حيونات منويه قال لانه ماله فايده يقول بلعكس هو يرتفع لانه جالس يحفز الخصيه تنتج ويرتفع يبيها تشتغل وماسمعنا كلامه ونزلناه بالابر وفعلا نزل بس ماطلعت حيونات منويه لانه اساسا الخصيه فيها فشل انتاج والله كريم

السلام عليكم ورحمة الله وبركاته
انا ام رند طبعا قد كتبت لكم انه فقط مجرد اسم من باب التفاؤل من قبل اتزوج الله يرزقني ب رند واخوانها عاجلا غير اجل انا واخواتي هنا
الله يفرحنا ويغير اقدرانا للاحسن في هذا الشهر الكريم ويشفي ازواجنا طبعا اكتشفت الصفر بعد سنه وسبعه شهور من زواجنا كانت صدمه كبيره ماتتخيلونها بكيت بكا والحين لنا خمسه شهور من بداية مشوار العلاج طبعا بعد زن مني لان زوجي الله يهديه مومهتم مره ويدخن ويقول خلاص مافي فايده غير عمليه دام اني بسوي العمليه قصده الخزعه او المسح المجهري في البداية اشترينا خلطة العسل استخدمها شهرين وحلل نفس الشيئ صفر وتركناها خفنا نخسر فلوس على الفاضي بعد كذا بالقوه اقعنته لازم يروح لدكتور ذكوره طبعا الدكاتره محدودين هنا بجده يعني حتى اللي سمعته سيئه نضطر نروح له لان مافي غيره رحنا عيادات سمير عباس بالرغم من سمعتهم السيئه في الاستغلال وارتفاع سعرهم بس وش نسوي اقرب شي لنا وافضل السيئين كنا نبغا شريف غازي بس كانت مواعيده زحمه شوي اضطرينا نحجز عند احمد سيف راح عنده وسواله تحاليل هرمونات واشعه قاله هرموناتك كويسه بس عنده دوالي بس حاجه بسيطه ماهي اللي لها اثر ابدا واكتب له ادويه حبوب نولفادكس وابر برجنيل وحبوب افروماكس على انه هذا مقوي جنسي ماادري ليه كتبه بالرغم ان زوجي الانتصاب عنده كويس وقال كورس لمدة ثلاثه شهور اذا ماحصلت استجابه نعمل لك تفتيش والله كان ودي اني احمل بهالاجازه اسوي اطفال انابيب وافرح طلع مشوار العلاج طويل والله اعلم وش النتيجه مالي الا ادعي ربي بشرني بما يسرني وكف عني مايضرني والله ماادري وش هالهموم اللي تجيني من كل جهه لكن عندي امل ان بعد كل هالتعب ربي بيفرجها علي وافرح فرحه مابتسعني الارض انه على كل شي قدير

وبالنسبه للي كتبت انها صارت توسوس ان زوجها يدري من قبل الزواج قسم بالله جتني وساوس شيطانيه نفس الشيء انهم يدرون لان ماعمر امه سالتني ولاقد جابو طاري الحمل ابدا ابدا بس في البدايه مااستغربت من هالشي لانهم احس مايحبون يتدخلون في خصوصيات الناس ومره تذكرت شي من ايام الملكه كنا نسولف وقال طيب لو مثلا لاقدر طلع واحد فينا ماينجب ايش بتسوين قلت اكيد بصبر واكمل العمر معك خلاص دام ربي كتب لي كذا وقلت وانت قال حتى انا نفس الشي طبعا الكلام وقتها كان عن الحب والتضحيه ماادري هي صدفه او احساس او ايش بالضبط ماادري وبنفس الوقت اقول حتى هو انصدم معي نفس الصدمه عند الدكتور ماادري كيف الامور ملخبط عندي لاحول ولاقوة الا باله الله يفرج همي وهمكم يارب