• الله يفرحك يانيلوفر بحملك عاجلا غير آجلا
• الله يفرحنا انا وبنات التجمع بحملنا عن قريب يارب يارب لاتحوجنا عمليات ولاحقن ارزقنا طبيعي قالو مستحيل وانت
• يارب قادر ان تحيالعظام وهي رميم
• نيلوفر ماشاء الله تبارك الله ربي يتمم لها علا خير ماسألتيها ايش استخدم زوجها ادويه الله يرزقها بتوام صالحين معافين

يا رحمن يا رحيم لا تكتبني وزوجي عقيم

والله ماسالتها اذا زوجها استخدم علاج اولا بس الاكيد انه استخدم
نظام التخصصي يسون الخزعه اذا ماحصلو شي يحللو النسيج اذا فيه خلايا جذعيه
يعطونه كورس علاج ويعيدون له الخزعه
وهي اول مره اظن سووها بالحبيب والمرتين الثانيات بالتخصصي
هم علاجهم زين بسسس المواعيد زززفت ونظام انهم مايسوون الخزعه الا اذا نشطوا لك هذا غلط
والله مقهوره راحو بويضاتي على الفاضي وكمان حصل فرط تنشيط لان سني صغير وكثروا لي الابر اخذت اكثر من 16 ابره
الله يكتب اجرنا ويااجرنا ويخلف علينا

نيلوفر الله يشرح صدرك وخاطرك ويقر عينك
ولا تخافين انا بالضبط نفس سنك وللان مابدينا تلقيح ولا اطفال انابيب الموضوع مطول واخاف مانبدأ الا متاخر لكن كل تاخيره فيها خيره والله بحياتي مافكرت اني بتزوج وربي يصعب علي الحمل وماحمل دايم احط في بطني فراش صغير الفه واوقف قدام المراية اتفرج على شكلي اذا صرت حامل وللان اسويها مدري متى يجي اليوم اللي صدق يكون بطني فيه بيبي من زوجي الغالي يالله بكيت وانا اكتب لكم ما على الله صعب
لكن خواتي خلونا نبدأ بداية جادة بالاتجاه لله ودعوته وببرنامج رقية لنا ولازواجنا والله سبق وقريت وحده كاتبه قصتها ان زوجي فيه انعدام وراحوا كل مكان وعالجوا واطفال انابيب والنتيجة لا شي ويوم راحوا لشيخ يقرا قال لهم انتم مسحورين عن الانجاب سبحان الله كيف ان السحر او العين والنفس تسبب عقم
ولا تنسون تدعون لبعض بظهر الغيب والله اني كانت تكسر خاطري حماتي سقطت ولا حملت بعدها الا بسنة وبس تشكى لي وانا ادعي لها والله كنت ادعي لها وانسى نفسي واوصي بنات خالي يدعون لها ولا علمتها الى يومكم اني ادعي لها وحملت وكبر بطنها ودخلت الخامس ومخبيه علي حملها يالله قد ايش حز بخاطري وبكييييت ححتى قدام زوجي وهو فكر اني حاسدتها قال مسكينة سنتين متزوجة تو تحمل قلت الله العظيم اختي واحبها وفرحت لها بس حز بخاطري بدوا الحريم حركاتهم يخشون عني يخافون من عيني ولما قلت له لا تعلم اهلك اني دريت دام ماعلموني بكره تجهض او يموت البيبي او يصير فيها او بالبيبي شي تقول مني هذي ايمانها ضعيف ونفسها مريضة ااااخ بس جررررح دموعي ماوقفت
كل اللي تزوجوا معي حوامل واللي قدي معهم واحد والثاني بالطريق وانصدمت كلهم حملوا من شهر زواجي مدري صدفة او دنيا تبي توجع وتزيد همي وغم ويبدأ مقارنات لا حول ولا قوة الا بالله

نيلوفر اذا تقدرين عالجي بالخاص افضل اذاا انتي من اهل الرياض ترى جنين وذرية يمدحونهم وبعد مركز طلال مرداد
ويا جعل نيلوفر وانا وبنات التجمع كلهم السنة الجاية نكتب بالتجمع باركوا لنا ولدنا ياررب