طمنونا عنكم يابنات

السلام عليكم بنات اخباركم , انا عضوه جديده وحابه انضم معاكم:7_5_131:

اقولكم قصتي انا لي سنة متزوجه , وماكتب ربي لي الحمل رحت كشفت طلع عندي ضعف في التبويض
واخذت كلوميد اول شهر وماكبرت البويضات , واخذتها ثاني شهر مع ابر وصار عندي تبويض لكن متاخر .

والشهر هذا طلع عندي بويضه وحده واخذت ابره تفجيريه بعد 36 سساعه صار جماع لكن بعده بساعتين نزل معي دم شوي وبعدها وقف وانا بصراحه خايفه من هالدم فيه احد صار لها مثلي؟؟

أهلين بنات كيفكم بقولكم اخر اخباري
انا خلصت اليوم الدفاستون
وقالت لي الدكتوره انتظري اربع ايام لو ما جاتك الدوره اعملي تحليل

الله يعدي الأيام القادمة على خير
انا محبطة جداً مافي اي اعرررراض تدل على الحمل ربي يعين ويساعد
المهم الله يكتب لنا ما فيه الخير والصلاح

حطي املك بالله اختي. دموع من جد بعد الدفاستون تعيش الوحده بقلق وانتظار

بس رحمه ربي كبيره هالشهر باذن الله حنا حوامل يارب وجميع البنات

السلام عليكم
وحشتوووني يااحلى تجمع
مبرووك للي حملوا قرت عينكم ان شاء الله. والله يرزق اللي ماحملت

بنات انا قلتلكم اني بسافر مع زوجي شغل قبل لا اسافر كانت جايتني الدوره بعد ثاني كورس تنشيط وابرة تفجير. وقلت لكم اني ماراح اخذ مره ثانيه
فلما رحت للدكتوره. قالت لازم ٣ شهور متتاليه ماتقطعين فيها. وانتي لك شهرين باقي لك هالشهر اذا جتك الدوره ارتاحي شهرين
وتوكلت على الله وبديت اخذ كلوميد ولما سافرت للمنطقه الثانيه رحت كشفت عتبويضي واخذت ابرة تفجير غير عن الابره اللي كانت تعطيني اياها دكتورتي
الابره ماحسيت فيها ابدا ابدا بس قبل موعد دورتي ب اسبوع جتني حراره بجسمي يومين تقريبا ونغزات اسفل بطني مع شد والم بجنوبي بموعد دورتي نزل مني افراز بني اامر معي يومين وقلت يمكن حمل الصراحه فرحت كثير وقلت اكيد حامل رغم هذا رفضت اسوي تحليل منزلي او دم قلت مابي اعشم زوجي. اتصلت عدكتورتي وقالت اعملي تحليل يمكن حمل واذا مافي حمل يمكن كيس حبس الدم
قلت لزوجي وقال اكيد كيس مو حمل الصراحه حطمني وقلت ماراح اسوي اي تحليل الا اذا تاخرت زياده اسبوع

وللاسف نزلت علي الدوره بس اول مره يومين دم بني شوي والنغزات كانت غررررريبه
الصراحه لما نزلت الدوره تحطمت وبكيت من قلب ورب بالحمام مو قدام زوجي لاني تعشمت كثير.
ياربي حسيت بكل الاعراض وش خليت للحمل !!!

وقلت اول ماانظف بسوي اشعة الصبغه الصراحه بنات كنت شاده حيلي استغفار وقراءة سورة البقره يوميا وقيام الليل. وميراميه وعسل واناناس
بس الله ما اراد

ااااه يا بنات اليومين اللي تاخرت فيها الدوره تعشمت وتوهمت اني صدق حامل صرت احترص بكل شي واحط يدي عبطني رغم احساسي من داخلي اني مو حامل بس قلت يمكن غلط
شعور الحمل شي راااائع
اكتبلكم هالكلام وانا احس بغصه وحابسه دمعتي لا تنزل. كملت ١١ شهر والصراحه شايله هم ارجع لديرتي بعد شهر مابي احد يسالني

اكتبلكم هالكلام من باب الفضفضه
بس عندي امل بالله والاستغفار ماراح اقطعه ولا البقره ولا القيام لان وعد الله حق. (. استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا )


دعواتكم لي

سوزان طمنينا عنك