مضاوووووي
بخصوص الخلايا الجذعية
أنا من ضمن اللي عملوا هالعملية
ما أبغى أحبطكم
بس أنا وكثيرات صلحنا العملية وما أستفدنا منها
سويتها بالضبط قبل 4 سنوات و 5 شهور
وفي الأردن العملية كانت بطريقتين
أنا صلحتها بالطريقة الأولى
والطريقة الأولى في أسبوع فقط
عكس الطريقة الثانية كانت خلال شهرين تقريبا
سمعت فيها في أوروبا ولازالت في طور التجربة
والأردن لها السبق في العالم العربي في عملية الخلايا الجذعية
فرحت والله لما عرفت إن الأردن يسوون العملية ترجيت زوجي علشان أسويها آخر شي كسرت خاطره ووافق
تكاليف العملية 16000 ألف ريال
تكاليف سفري كاملة للأردن مع العملية
25000 ريال
أستخرت الله قبل لا أروح وأرتحت الحمد لله
طلبوا مني الدكتور نجيب تحاليل أجيبها معاي
جبت التحاليل
اللي سووا لي العملية الدكتور نجيب ليوس و الدكتور أديب زغلول فقط
الدكتور أديب سحب الخلايا الجذعية من منطقة الحوض بواسطة إبرة كبيرة وبنج كامل
لما صحيت من البنج حسيت بآلام بسيطة في الحوض
ماراح أنسى كلمة قالها لي الدكتور أديب بعد ماصحيت من البنج
قال إنتي شجاعة وقوية
والدكتور نجيب زرع الخلايا الجذعية في المبايض
وبرضوا بنج كامل
ولما صحيت من البنج كنت أهذي و ألآم فضيعة لدرجة فقدت التوازن في جسمي
بعد ماخلصت أعطاني الدكتور حبوب علشان أستمر عليها لمدة شهور
رجعت وأستمريت ع الحبوب وكنت متفائلة جداً مر شهر ولا نزلت علي الدورة
شهرين
3 شهور
ماتغير شي
رحت المستشفى سويت تحاليل و سونار
لاتلوموني
غصباً عني
جتني كومة إحباط و صدمة
وضعي مثل ماهو
ماكأني سويت العملية
تعبت نفسياً
كانت ممرضة الدكتور نجيب كل فترة و فترة تتصل تتطمن على وضعي وتشوف النتائج
وفي مرة اتصلت طبعاً بعد ماشفت التحاليل والسونار
قلت لها فلانة ليش تتصلين اللحين
قالت علشان أتطمن عليك
قلت لها بس
قالت وعلشان نشوف نتايج الخلايا الجذعية
قلت لها لا تتعبي نفسك وتتصلين ماأستفدت من عملية الخلايا الجذعية
وكان آخر إتصال لها
الله يآجرنا ولا يضيع لنا تعب
كل ماتذكرت الآلام اللي حسيت فيها بعد زرع الخلايا في مبايضي
أبكي أبكي أبكي
واللحين الدموع في عيني
تمنيت إني أستفدت منها
بس قدر الله وماشاء فعل
بورصا
•
Rooro2
•
شكلها الدوره بتنزل تنزل خيوط بنيه . احس غثيان فضييييييع ونعسس مدري من الدوره او من الجلوكوفاج لاني زودت الجرعه.
بس ليش لما اخذ اي دوا. تتقدم الدوره :(
بس ليش لما اخذ اي دوا. تتقدم الدوره :(
بورصا ي روحي الله يفرجها عليك وعلينا من واسع ابوابه
يعني اللي دورتها تنزل والهرمون مرتفع تتوقعين يحصلون عندي بويضات واسوي عملية اطفال انابيب انا تنزل بس تاخذ بالشهور ماجتني 😭
طمنوني
الله يرزقني واخواتي بالذريه الصالحه
يعني اللي دورتها تنزل والهرمون مرتفع تتوقعين يحصلون عندي بويضات واسوي عملية اطفال انابيب انا تنزل بس تاخذ بالشهور ماجتني 😭
طمنوني
الله يرزقني واخواتي بالذريه الصالحه
Rooro2
•
ياعمري يابورصا الله يعوضك. يارب.
الريم اول ماتجيك الدوره عطول روحي جمدي بويضاتك. واي وقت تتوفر الماديه سوي حقن مجهري. جربي مو خسرانه
انا كل مره تقل عدد البويضات واستغرب من شي. ان طلعت بويضه تطلع من مبيض واحد اللي تجي عليه اكياس
اما المبيض الثاني ماتطلع منه.
بسالكم كم لازم بويضه تطلع !!
الدكتوره تقول بويضه وحده. فقط قلت كيف وفي ناس لها 3 بويضات او 4 قالت مع منشطات ولو كل حركه تطلع لها بالعدد هذا كان كل الناس توائم.
مااقتنعت
الريم اول ماتجيك الدوره عطول روحي جمدي بويضاتك. واي وقت تتوفر الماديه سوي حقن مجهري. جربي مو خسرانه
انا كل مره تقل عدد البويضات واستغرب من شي. ان طلعت بويضه تطلع من مبيض واحد اللي تجي عليه اكياس
اما المبيض الثاني ماتطلع منه.
بسالكم كم لازم بويضه تطلع !!
الدكتوره تقول بويضه وحده. فقط قلت كيف وفي ناس لها 3 بويضات او 4 قالت مع منشطات ولو كل حركه تطلع لها بالعدد هذا كان كل الناس توائم.
مااقتنعت
الصفحة الأخيرة
بي مااتوقع حمل لان لما رحت لها قالت البويضه ماانفجرت تحولت كيس
يمكن من الكيس.