gmmmmr411 :

 {الإختراع العظيم} والإسم التاني {إبرة الظهر Epidural } 😊😍😊 -لا يكلف الله نفس الا وسعها،،، مو قادرة تستحملي الألم اطلبي الإبرة ، ما تبغي تتألمي من البداية اطلبي الإبرة(مو لازم تعملي نفسك أفظع وحدة في العالم ولازم تستحملي الألم عشان تاخدي الأجر، لأنك لو عملتي كدا راح تاخدي العلقة حقت الولادة مظبووووووط وبعدين تطلبي الإبرة بعد ما تكوني استووويتي.. كونك حامل وبتولدي خلاص اخدتي الأجر ان شالله) - كالعادة في بداية اي موضوع، تعالوا نتفق على التالي: مو مامتك اللي بتولد، مو زوجك اللي بيتألم، مو حماتك اللي راح تستفيد. معنى كلامي انتي...انتي ...انتي وبس اللي تقرري لنفسك ...مو اللي حولينك. الشي التاني: لا تعتمدي على كلام الآخرين لان كل إنسان ليه تجربته الخاصة واديكي مثال(لو انا وإنتي كل وحدة فينا اشترت سيارة وركبتها، نفترض ان انا اول ما ركبتها عملت حادث وإنتي مشيت أمورك تمام. راح تلاقي التالي:لو احد سألني ..ها تشجعني اشتري سيارة راح اقول لاااااااا. دراجة احسن اللي يشتري سيارة يصدم(تجربتي السيئة) بينما انتي راح تشجعي الكل يشتري(تجربتك ناجحة) ... معنى الكلام لا تسمعي الحكاوي السيئة.  -مين يحطها: أخصائي تخديرمتمرس فيها -كيف الوضعية: زي الصورة(تجلسي على طرف السرير ورجولك محطوطة على كرسي. ضهرك مقوس زي الموزة، دقنك على صدرك) ودكتور التخدير خلفك) - اتشل لو اتحركت: لا تتحركي مو عشان لا تنشلي، عشان لا يفضل الدكتور مو عارف يحطها ويصير يحاول كم مره بدل مرة وحدة) وإنتي تطفشي ً تحسبي في شي -اقدر أتقلب ع السرير بعد ما أخدها: طبعا، تراها مو إبرة هيا بلاستيك مرن، ما يصير شي لو اتقلبتي. -مؤلمة: والله العظيم لا -ايش يصير بعد ما تحطيها: حرارة بسيطة في رجولك، تنميل من البطن  او عدم احساس بالمنطقة من البطن الى القدم، ، ممكن رعشة خفيفه . استفراغ او غثيان بسيط ويروح، احساس بالبرد، هبوط طبيعي في الضغط، ممكن تنمل منطقة او جهة اكتر من الجهة الاخرى في الجسم. - هل في سيدات ممكن يأخذوا الإبرة وبرضوا يحسوا بالألم :نسبة قليلة جدااااااا، وحتى لو حست بالألم يكون خفيف ولا يقارن بالعذاب اللي بدون الإبرة (يعني برضوا رحمة ) والإحساس بالألم مالو دخل بأنك تشربي قهوة ولا بيبسي او تدخين... -يحطولك قسطرة بول عشان ماراح تقدري تروحي الحمام(ماراح تحسي بالقسطرة لأنهم يحطوها بعد ما يحطوا الإبرة ) - تفضل الين متى: الين ما تولدي والى ما يخلصوا خياطة وكل شي وإذا تحبي الين ما البيبي يروح المدرسة 😜 -راح اعرف ادف يا دكتورة: والله ثم والله ثم تالله ايووه راح تعرفي تدفي وراح نعلمك كيف تدفي ولو وجب الامر ندف عنك 😱-تضر البيبي: لا-تضر الام: لااااااااا -تضر الأب: ايوة(عشان هوا اللي راح يدفع فلوسها) 😂 -تزيد نسبة القيصري: والله لا -راح تنشلي زي بنت عم خال جد ابو وحدة ماتعرفيها ًسمعتي عنها انها أخدت الإبرة وأنشلت: والله العظيم اقسم بالله ..والله على ما اقول شهيد ،،،ما تعمل شلل ..يا جماعة تراها بعيد مكانها عن اي شي يعمل شلل -انصح بيها: عشان لاتقولوا ابغى اككسب  مستشفتي: يا ستي حتى لو ما حتولدي عندي ولا في مستشفتي، لو حتولدي في الصين خديها -متى نشيلها: بعد الولاده (خلال الساعة الاولى بعد الولادة( -متى أتحرك وأحس برجلي: خلال 2-4 ساعات - الاثار الجانبية: استحالة تعمل الم ضهر. ممكن تعمل صداع خفيف يستمر من اسبوع الى أسبوعين ويخف بالمسكنات العادية زي البنادول، البروفين، السولبادين.  منقول من دكتور نساء وولاده

 {الإختراع العظيم} والإسم التاني {إبرة الظهر Epidural } 😊😍😊 -لا يكلف الله نفس الا وسعها،،، مو...

gmmmmr411 :

يابنات مااعرف احط الصوره 😢لكم لازم احولها لرابط شغله المهم لقيت هالدكتور كلامه مريح واستفدت منه وان شاءالله كل يوم ابحط موضوع من مواضيعه لتعم الفايده علينا كلنا من بعد اذنكم 😊

يابنات مااعرف احط الصوره 😢لكم لازم احولها لرابط شغله المهم لقيت هالدكتور كلامه مريح واستفدت منه...