خالتهن// خايف عليك المحروس وع الجنين وسعي خاطرك
وصدق ليش مو ماكله شئ الى الان؟؟هههههه قلي ناقصتك انتي كمان

هههههههههه تغاريد وربي مالي نفس وش اسوي >وتبغى تسمن بعد

انا عارفة الحين بسولف و الكل يتسحب

المهم .. عندي موضوع بسيط عن الخياطة ..
يا ليت اللي تقدر تنقله بعدين للتجمع الجديد

بسم الله ..
طبعا ادري ما شاء الله كلكم مطلعات و عارفين هههه ما يحتاج احد يقول ادري من اول
لكن الكلام موجه للي ما يدري ..

الخياطة العادية بعد شق الولادة :
بعض المستشفيات ما تخيط الا البكرية بس
و بعضهم يتركوا الطفل يشق من حاله و بعدين يخيطون الشقوق ( هذا للي عندها اطفال من قبل )

بالنسبة للشق فخياطتهم كالتالي :
1- خياطة السراجة هههه معليش المسمى من عندي
هذي خياطة الحكومي بس خياطة خارجية و غالبا تكون اي كلام
و الخاص يسوي نفس الخياطة بس يرتبونها كويس و يستخدمون احيان خيوط تذوب و تنفك لحالها او خيوط تضطرين تشيلينها بالعيادة ..

2- الخياطة الداخلية : و ركزوووا عليها رجاء لأن للأسف منتشرة بشكل خاطيء في المنتديات و اسمعوها مني
يخيطون لك الشق من الداخل و أحيان يخيطون بعد من الخارج و لكن الغالب فقط من الداخل عشان
المنطقة من برا ما تتشوه من الخياطة و الخيوط تذوب لحالها
للأسسسف الشديد انها منتشرة بالمنتديات انها العملية التجميلية اللي عادي تحملين بعدها و هذا غلط لانها تجميلية شكل و مظهر من الخارج فقط ما راح تشدك اكثر ..
ممكن لانها مرتبة و ملمومة تساعدك باننطباق المنطقة على بعضها كويس و تحسي المنطقة مضبوطة يعني ابسطها اكثر ممكن تشد بنسبة 10٪
و الأسسسف الأكبر إن المستوصفات يكذبون عليكم يسوون لكم هالخياطة و انتوا طالبين ( عملية الشد اللي ما بعدها حمل ) و تتفأجأ الوحدة إنها ما تغيرت !
حابة أذكر ميزة هالخياطة إنها كويسة بالمظهر و تساعد قليلا على منع المنطقة من الارتخاء و ألمها شوي أشد من الخياطة العادية
لما تروحون للعيادة و تقولكم الدكتورة ايوه هالخياطة عملية تجميلية فهي تسلك لكم لان كثير يروحون العيادات و يقولون لهم نبغاها .. فصار عند الدكاترة انطباع انكم تسمونها كذا فماشيين معكم تسليك .. ركزوا و التكرار يعلم الشطار هي اسمها خياطة داخلية و ليس خياطة تجميلية و اذا قالوا لك المستشفى الا تجميل فهي تسليك او الا يوهمونك عشان تدفعين عليها مبلغ اكثر
مع ان اذا طلبتيها بالخاص تكون مشمولة مع الولادة من غير رسوم اضافية
لانها نوع عادي من انواع الخياطة بس تسرجها تسريج ما تقص و لا تشد

العملية التجميلية :
تشد المنطقة و طبعا ما بعدها ولادة طبيعية .. و هذي العملية معقدة مو بسيطة
اعرفي لو سدحتك الطبيبة عندها بالعيادة و خربطت فيك تراها شقت و خيطت بسسسس
اما العملية التجميلية لاززززم يقصون و ممكن يورونك الزوايد اللي شالوها و غالبا تتطلب
رفع للمثانة لانهم شادين كل شي و المثانة بتصير نازلة ، ،
و الاهم تخديرها كامل اوو نصفي بس حسب علمي انه كامل ..
و اكيد ألمها شديد و يتطلب شهرين على ما تتحسنين
زيها زي أي عملية جراحية ..


يا رب تستفيدون من هالموضوع و أكيد واضح انه من جهدي الخاص و ترددت بطرحه كثير
و بس للي عنده فضول انا سويت الخياطة الداخلية و الخارجية سوا سووها المستشفى تلقائي
ما يسوون الخياطة العادية ..

خالتهن
هو صادق ليش مااكلتي تدرين اول اقولك وزني 45امس بالعياده حصلته43 من الوحم الله يعين
جايه بس قريت سالفة الخياطه خفت ومغصني بطني تذكرت الولاده

جاايه ماقصررتي ع الموضوع
انا يمكن لان ببكري قيصري ف مدري عن الطبيعي كيف وكيف تكون الخياطه،والتوسيع وووو

ومثل ماقلتي يمكن لكذا الحريم اعطو الخياطه الداخليه اسم تجميلي لان مالها اثر ونفسيا تحس حالها مشدوده ومنطقتها راجعه مثل زمان