سحوبه شوفي انا يوم شفته هلكه الاسهال وانتي بكرامه وحراره بصراحه توحشت ورحت به للمستشفى وشافته حرمه قالت ياعمري هذا به تسنين قلت وش يدريك قالت شوفي لثته 
وقالت حطي به مره ومحلب ويوم طلعنا من المستشفى عطيته مره ومحلب وطلع سنه وخف الحمد لله 

احنا عندنا مانستخدم المر للاطفال حسب كلام الحريم الكبار انه يضر ويسبب شمم للاطفال وخصووصا اللي مااسبق شمة

لكن المحلب تمااااااااااااااام افركي لثته وحطي على راسة واسقيه منها

جنان الله يبارك فيك
اميين .الله قومنا بالسلامه ،الوحده منا ماتبي غير الخلاص والراحه

• بنات فيه عند العطار شي اسمه دلوك ينحط علي لثة الطفل وتفررك ممتاز لتسنيين

اللي من القصيم والرياض اكيد يعرفونه

اسعد الله مساكم بكل الخير

من البارح وانا متابعه في صمت .. احاول اكتب

لكن ماعرف ليش يقولي خطاء

طبعا هذي اول مشاركه لي في منتدي ..

وبالنسبه لاني ساكنه منطقه جديد .. ماعرف احد

الي الان

حبيت استشيركم في شغله

انا الشهر الي حملت فيه كنت تعبانه ومزكمه

واخذت مضاد قوي وبعد اخذت علاج لي الصداع النصفي

وخايفه بقوه يصير في الجنين شي

وقلت لي الدكتوره طبعا قالت لي مايبين معنا شي الا في الشهر الرابع


الله يكتب لنا كل الخير يارب

ويتمم لكم حملكم علي خير

كل الي ابيه منكم دعوة في ظهر الغيب ان الله

يحفظ حملي .. لاني نفسيا تعبانه بقوه