بنات للمعلوميه انا ماولدت مبكر
ولدت اخر يوم بالثامن قبل ادخل التاسع بساعات
وعادي اي وقت بتفقس كروشه منكم
الله يهون على الجميع
قبل وبعد حمدلله ع السلامه ي روحي وتقومي بالسلامه ي رقبل وبعد حمدلله ع السلامه ي روحي وتقومي بالسلامه ي ر
ي رب
الصفحة الأخيرة
---
اليوم / الخميس
التوقيت عصراً
جاني مغص دوره محتمل وكنت امارس حياتي بشكل طبيعي
ماتوقعت نهائيا انه ممكن يكون طلق
اذن المغرب ورحت اصلي وانا في الصلاة جتني طلقة شلتني وتلخبطت بصلاتي
وجيت كتبت لكم اللي حصل
المهم اني حاولت اتناسى الوجع واقول بيني وبين نفسي هذا طلق كاذب
ومارحت للمستشفى لاني وقتها مستبعده الولاده نهائيا
وسكت على الوجع لانه كان نوعا ما مايخوف
اليوم الجمعه
صحيت وحسيت حالي احسن من امس وسويت قهوه
وجلست اتقهوى وصرت احس بالالم اللي يضايق ولكن هالمره صار بطني يتحجر ويجلس حوالي دقيقه ويفك
واختكم في الله للحين ساكته ومستبعده الولاده 😁
المهم زوجي قال امشي للمستشفى وانا قلت لا مايحتاج ليش البهذله واخرتها يطلع طلق كاذب واليوم جمعه محد حولي
خلني بس بالبيت وكلها ساعات ويخف الالم
وكنت مواعده بنات عمي نجتمع وفعلا رحت واجتمعت معهم
وكان يجيني الالم وانا اتصبر احسب انه الطلق الكاذب كذا
وزوجي يكلمني يقول هاه كيف الوضع كانه كان حاس
وانا اقول انا طيبه وانا الصراحه عكس ذلك
رجعت البيت ومزاجي مو ذاك الزود حاسه بضيقه فظيعه
دخلت انام وماقدرت الالم يزود قمت الفجر اخذت شاور دافي
قلت يارب يخف هالالم واقدر انام
وفعلا نمت
اليوم السبت
صحيت الصباح على الم لايطاق قلت وقتها خلااااص شكل الموضوع جدي واطلع للمستشفى ويسوون سونار بما انه المويه عندي ناقصه وفعلا الوضع زي ماهو مازادت
وحولوني تخطيط وهناك حصل الاكشن اللي عجزت استوعبه للان
طلق + ضعف قلب البيبي + ارتفاع سكر
كتبت لكم وقتها انه تنويم لانهم قالوا لي تنويم ماقالوا ولاده ابدا
وفجاه تجي الاستشاريه قالت بنولدك وانا 😳
قلت ليش قالت مانقدر نغامر بوضعك البيبي جدا تعبان
والسكر خطر ع الجنين يعيق عمل المشيمه وممكن باي لحظه يصير شيء مانبغاه
وانا انفجر صياح قلت والبيبي اخاف عليه ينولد بها الوقت
قالت بيجلس بالحضانه اسبوعين تقريبا لانه وزنه قليل
وانا دموعي اربع اربع ومادريت الا جابوا لي لبس العمليات
ويجوني النيرسات يشيلون ملابسي وانا لاحول لي ولاقوه
مصدومه ومو مستوعبه اللي جالس يحصل
وقلبي مع جنيني مدري وش راح يصير
وجالسه ادعي بصوت عالي لاشعوريا
المهم لبسوني وطلبوا من زوجي يوقع اوراق العمليه
وكلنا مصدومين
واخذوني لغرفة العمليات وهناك صرت اصيح بصوت عالي
المكان بارد وقلبي يوجعني وتملكني خوف شديد على اللي ببطني
وصاروا يهدون فيني انه الوضع مافيه خوف ويقيسون ضغطي
وانا مستسلمه للصياح خايفه وجتني دكتوره سودانيه قالت يابنتي ليش خايفه خلاص انتي بالاسبوع ٣٦ ان شاء الله البيبي يكون طيب وانتي اخذه ابرة رئه قبل فتره
وطمنتني الله يجزاها خير بكلامها
المهم اخترت نصفي ابغى اشوف وش يصير
وبدت العمليه وانا اقول بصوت عالي يارب استودعتك نفسي وجنيني فاحفظنا بحفظك وانت خير الحافظين
واسمع صوت بنتي تصيح وانا اصيح معها
اخذوها وانا اسال اقول طيبه قالوا ايوه
قلت ابغاها قالوا شوي ونجيبها تشوفينها
المهم وخلصت العمليه وطلعت للافاقه وهناك اسمعها تصيح وانادي النيرس اقول هذي بنتي تقول ايوه
قلت ماتحتاج حضانه قالت لا ويالله ماتتخيلون فرحتي
يارب لايحرمكم هاللحظه
وجلست بالافاقه وقت وبعدين طلعوني غرفتي ومعي بنتي
اللهم لك الحمد والشكر يارب
واشوفها واحمد ربي على نعمته اللي انعم علي فيها
ومجرد مابدا البنج يفك بدت معي الالام ومازالت معي
ادعوا لي ربي يهونها علي لاني خلاص تعبانه على الاخر
مغص زي الطلق وبطني مشدود احسه باي لحظه بينفتح
وبنتي صياحه درجه اولى الله يصلحها
والحمد لله امي مرافقه معي ومخففه عني الشيء الكثير ربي يجزاها الجنه
طبعا مايحتاج اقولكم اني نص اغراضي ماكملتها
وانحست حوسه عشان كذا نصيحه من نص الثامن قفلوا اغراضكم بالتمام
وريحوا راسكم لان الولاده علمها عند الله
انا ماتوقعت اولد بها الوقت ولاواحد بالميه لكن سبحان الله
انت تريد وانا اريد والله يفعل مايريد
ختاما اذكروا الله ولاتنسوني وبنتي من صالح الدعوات والله يهون عليكم جميعا ويبلغكم شوفة ضناكم بصحه وعافيه
ويطمنا على شوق ربي يسهل امرها
----