التجمع الـ١٩٤ للمقبلات على الحقن المجهري وأطفال الأنابيب🌺👶🏻

يارب تحمع مليان اخبار حلوة وبشارات 🤍🤍

ما شاءالله تقفل التجمع السابق كنت ابغى ارد ولا قدرت


الله يعوض كل من لم تنجح عمليتها ويعوضها العوض الجميل ياارب


وكل من دعاء لوالدي في التجمع سوا كتبت او ماكتبت الله يجزاكم خير


اما الي تسال تقول تخاف تكون مصابه يقولون ما يبان في المسحة الا بعد مخالطتك للشخص المصاب بعد خمس ايام
وغريبة المستشفى ما يسوي لك مسحة قبل العملية
انا سويت مسحة في نفس المستشفى وجاء موعد عملية السحب بعد ٥ ايام من المسحة وعادوها لي


اما يا هاجر لا تدعين على نفسك بالاصابه تعب اللقاح اخف بكثير من الاصابه بكورونا نفسة
امي وابوي ماشاء الله من يوم جاء هالمرض حريصين بالاحترازات وياخذون خلطات الي تقوي المناعة ولاعندهم امراض مزمنة ولله الحمد وجاتهم وتعبو تعب فضيييع شافو الموت الحمدلله على كل حال لهم اكثر من ١٠ ايام الحرارة ماتنزل ذلحين وقفت الحرارة الحمدلله بس ماعاد فيهم قوة هلكت عضامهم نحفو نحف فضيع ماتقدر امي توقف تطيح ولا تمشي ان شاء الله ربي يرجع لهم العافية

الله يجعله اجمع خير يا رب
صدفة
الف مبروك الحمدلله الحمدلله حتى يبلع الحمد منتهاه الله يحفظ جنينك وتبشرينا بسماع نبضه يا رب
استودعتك الله الذي لا تضيع ودائعه انتبهي على نفسك ولا تتخذين اي قرار الا بعد استشارة الدكتور ربي ستر عليك ❤️❤️

بالنسبة للي سألت عن كورونا
انا سبحان الله كنت بارجع الشهر الماضي وسويت تحفيز بس ما ربي كتب اصبت قبل موعد الارجاع بيومين وتكنسل كل شي
ما تدرين يمكن خيرة من ربي
بالنسبة اللي اسألت عن التحفيز يسمونه تكشيط او تكديش يسوون خدوش في جدار الرحم في اليوم ٢١ من الدورة تقريبا حتى يحفزون الرحم لتجديد نفسه ويحسن من سماكة جدار الرحم وثبات الاجنة باذن الله
وممكن تسويه الدكتورة بدون بنج ما ياخذ ٥ دقايق

ان شاء الله تجمع خير وكله بشارات حلوه
بنات من تعرف دكتوره شاطره بالحقن المجهري في الشرقيه؟!
احد يعرف الدكتورات الي بسمير عباس بالخبر؟؟

يا رب يكون تجمع بشارات خير 🤍🤍