سفاانا
•
زوجي عنده قلة عدد وتشوهات وقلة حركه وجربنا السحب فيه احد كذا ولا الافضل بدون سحب
الله يرزقكم جميعا ذرية صالحة طيبة...ويسعدكم بذرياتكم.
ويفرج همومكم وييسر اموركم.
انه على كل شيئ قدير
ويفرج همومكم وييسر اموركم.
انه على كل شيئ قدير
كيف حالكم جميعا الف مبروك للي تم حملها والي ربي ماكتبلها الله يعوضكم خير يارب في المحاولات الجاية انا ليا اسبوع بس معاكم في القروب ومالحقت اقرا كل الكلام بس بكتبلكم عن تجربتي ان شاء الله احد يستفيد قبل ٣ اسابيع رجعت جنين مجمد وهادي ثالث تجربة ليا مع الحقن المجهري في المرتين اللي راحت سحبو ٢١ بويضة وتقريبا كلها اتلقحت في مرة رجعت اثنين من الدرجة الثانية وماصار حمل ..المرة الثانية رجعت ٣ من الدرجة الاولى وبرضو ربي ماكتب الحمل وباقي الاجنة كلها كانو يتلفوها لانه درجتها مو كويسة هادي المرة كان باقي عندي ٦ اجنة مجمدة والدكتورة فتحتهم ويوم الارجاع جات قالتلي كلهم ماكملو انقسامات غير واحد هوا اللي حنرجعه.ماتتخيلو الدنيا قفلت في وجهي ونظراتها ليا كانت نظرات شفقة وحزن عليا هيا ودكتور المختبر وصارت تقلي اتصدقي بنية نجاح العملية ورجعت بعدها البيت مكتئبة اقول في نفسي المرات اللي راحت رجعت ٢ و ٣ اجنة وماصار حمل معقولة يصير حمل دي المرة ومن جنين مجمد .. بس برضو كان عندي امل في ربنا وجلست ادعي واصلي وحاولت انسى وماركزت حتى في الاعراض ولا فكرت اسوي التحليل الا في اليوم ١٤ والحمدالله طلع فيه حمل اللي ابغا اوصله لكم فعلا لاتعتمدو على عدد الاجنة ولا درجتها ولا تزعلو اذا طلع معاكم بويضيتين ولا حتى وحدة ماتدري يمكن ربنا يطرح فيهم البركة الشي اللي كنت بسويه من قبل الارجاع يمكن بشهرين سورة البقرة يوميا .سورة يس وسورة مريم بس ماكنت ملتزمة فيهم يوميا اذا لقيت وقت قريتهم الاستغفار ٣ الاف مرة يوميا .. لاحول ولا قوة الا بالله الف مرة .. الصلاة على النبي الف مرة ربي لاتذرني فردا وانت خير الوارثين تقريبا كنت اقولها ٤٠ مرة في السجود في كل صلاة وصلاة الوتر والصدقة طبعا والدعاء ..ادعي ربك في كل وقت ولاتيأسي نصيحة لاتضيعو وقت الانتظار وتشغلو نفسكم بالاعراض مستحيل اعراض تبان من البداية اعراض الحمل ماتبان الا في الاسبوع السادس او السابع وانا فعلا ماحسيت بشي غير انه في اليوم السابع نزلت افرازات وردية مع نقطة دم يمكن ساعة بس ووقفت شي بسيط مرة يادوب يبان واتروشت يمكن من اليوم الرابع ومالتزمت بأي شي لابأكل معين ولا جلست في السرير غير اول يوم بعدها كنت اتحرك واخرج واروح واجي . كل ماجلستي في البيت كل مازاد التفكير وتعبت نفسيتك . قلت انقلكم تجربتي يمكن احد يستفيد منها والله يبشركم جميعا بالحمل السليم التام المعافى ويفرح قلوبكم ياربكيف حالكم جميعا الف مبروك للي تم حملها والي ربي ماكتبلها الله يعوضكم خير يارب في المحاولات...
حبيبتي الف الف مبروك الله يتمم لك على خيييير ونشكر لك كتابة قصتك اللي فيها امل سبحان الله
الصفحة الأخيرة