ربي يسعدكم على سؤالكم و لا يحرمني من دعواتكم و محبتكم ♥️
قلتلكم قبل انه بدأ ينزل علي الدم من يوم الجمعه و مع الام حاولت امشي و اخذ نفس عشان ارتاح و يفتح الرحم
و توقعت على خلاص فتح الرحم و قرب ينزل
و من بكره راح الالم و الدم كان خفيف و رجعت اتروشت مويه دافيه العصر و بعدها جاني الم فضيع الله المستعان انا طلقي فالظهر الله يرحمنا برحمته و بعدها حسيت نزل شيء كبير و على الحمام الله يكرمكم و كانت قطع كبيره و الدم كأنه بزبوز يصب و بدأ ينخفض الضغط و على طول اخذت ملح و على المستشفى و الدم غرقني مره و كشف الدكتور و الرحم كان مقفل و اعطوني مسكن و محاليل و ارتحت شوي و صار الالم متباعد لكن مازلت انزف بغزاره و عملوا سونار و قالوا الجنين مانزل و لا شيء بس قريب من عنق الرحم و غالبا تحتاجي تنظيف أو نعطيك تحاميل و حبوب عشان تفتح الرحم
وننتظر الين بكره ينزل عاد صرخت فوجهه قلت كيف و الدم اللي ينزل قال مانقدر نوقفه طبعا هذا حكومي
و خرجت من عندهم و رحت للطبي الدولي و بعد 5 ساعات قرروا العمليه لان الرحم مازال مقفل و قاسي ( حسبي الله على التحاميل و الابر المثبته )
وقتها الدم خف شوي و الالم كمان تقريبا هجد
و جاتني دكتوره مصريه يارب تسعدها و توقفها زي البلسم و طمنتيني و قالت ودخلت غرفه العمليات و صحيت و انا طيبه الحمدلله ( و اقولهم الرحم موجوده و لا صار علي شيء 🙃🤭)
قالوا كل شيء تمام و نظفنا الرحم و اعطتني مضاد و خرجت بعد 3 ساعات و اعطتني موعد بعد اسبوع تتطمن على الرحم
و الحمدلله راح الالم و التعب و الله يكتب أجرنا و يجعل ما أصبانا كفاره و يعوضنا خير فأجسامنا و فلوسنا ( كنا مخططين نروح نتمشى فيها بس راحت كلها على المستشفى تقريبا 13000 ) الله المستعان بس الصحه اولى
معليش طولت عليكم و بتعبكم فالقراءه 😃
ربي يسعدكم على سؤالكم و لا يحرمني من دعواتكم و محبتكم ♥️
قلتلكم قبل انه بدأ ينزل علي الدم من...
التعب هذا كله ربي يعوضك عنه كل خير
والتمشيه اكيد مهمه بس الحمدلله فدوه لك ولاحقه على كل شي