متوليتة
انا حملت بالمنشطات ويعتبر حمل طبيعي بدون حقن او انابيب
اذا كنتي بالرياض
عندك د فاطمة عبدالفتاح شاهين بمستوصف الخليجي الطبي بالشفا
مررره ممتازة ويجوها من خارج الرياض
الله ييسر لك امورك ويرزقك بالتوأم
الصالحين

بنات حبيت اسألكم انا بالشهر الثاني بنهاية الاسبوع الخامس
هل الربط ضروري والا تكفي المثبتات
ومتى اسويه اذا كان ضروري

مسكنك روحي
حبيبتي الله يجعلهم توأم صالحين
مو شرط تختلف الاعراض بعضهم تحس بحملها كانها بواحد وماتدري انهم توام الا بالشهر الخامس
وبعضهم تبدا الاعراض تبان من بدري
انا حسيت بثقل بجسمي اخر الشهر الاول ويختلف عن حملي بواحد والوحم اشد وبطني بدا يبرز من بداية الثاني
هذا اللي شككني والحمدلله استمريت شهرين وانا ادعي ربي يرزقنى بتوام ذكور والحمدلله بفضله وكرمه اكرمني بحملي هذا

كل وحده ردت علي......................

الله يجعل لها من كل ضيق مخرج..
ويقر عينها بالولادة السهله وبشوفة اجنتها سليمين معافين تامين الخلقه والخلق...

انا حاليا استخدم جينرا..
بس انبسطت مرررة منكم وحمستوني اخوض التجربة....
وخااااطري حيل ببنات..

بس في اشياء مخليتني اتردد اترك المانع وابي رائيكم..

عندي ولدين الكبير 4 سنوات والصغير سنتين..
الصغير فطمته وتعلم الحمام الحمدلله..
بس انا قيصري وخايفه من العمليه وماودي اجيب شغالة لاني قد جبتها ومارتحت..

بشوركم اتوكل على ربي واخوض التجربة والا اصبر ..

يابنات ياللي خايفات من الولادة ..

ترى والله العظيم انها تساهيل من رب العالمين..

امي جابت تؤامها طبيعي الاول نزل برجوله والثاني براسه..
خالتي تحلف انها طلق تؤامها مثل الم الدورة على قولتها تزحلقوا ماحست فيهم ..
وجارتي مامداها تروح المستشفى ولدت وحده بالبيت والثانيه بالمستشفى...

والله العالم اتوقع انه ضغط الاجنه يتعب عنق الرحم فمع الطلق بسرعة ينفتح وعشان كذا يربطون للغالبيه