اول مارحت افطر اخذت لي سندويشه وجالسه ع الكراسي اكل الا جت حرمه مع زوجها ووقفت عند باب الدكتوره مدري ايش تنتظر هذا الكلام الساعه ثمانيه وربع الصباح قلت لها تبغي تدخلي على الدكتوره قالت ايوا قلت خلاص روحي الاستقبال شوفيه اول الممر وادفعي وخذي الوصل وجيبيه حطيه على مكتب الممرضه قالت اهاا طيب شكرا وراحت جابت الوصل وحطته على المكتب >>>> حزنت عليها اول مره تجي ومو عارفه شي ذكرتني بنفسي اول مره اجي للدكتوره
المهم خلصت فطوري وقعدت اسولف مع زوجي ونطقطق بالجوالات الين شرفت الممرضه الساعه تسعه ونادتني كنت اول اسم وقاست لي الضغط والوزن وسالتها الدكتوره متى جايه قالت دكتوره اليوم فيه اجتماع وفيه عمليتين كنها ضربتني كف لاني عارفه انها ماراح تجي فقلت طيب ممكن تنزل اخر الدوام قالت ممكن تنزل وممكن لا قلت خير ان شاء الله
ورحت جلست وشافتني وحده وجات قالت لي انت اول مره تجي هنا قلت لها لا انا باقي لي زيارتين ويكتبو اسمي من مؤسسي المستشفى ويحطوني في عمادة الاداره 😁😁
قالت انا اول مره اجي وابغى اسالك كيف الدكتوره قلت ممتازه قالت ايوا انا دلوني عليها كثير اجي عندها قلت لها ليه انت حامل؟؟ قالت لا بس انا ابغى احمل وعمري خمسه واربعين وراجعت عند دكتور قال مستحييييل الحمل في هالعمر خطر قلت لها انا نعم على كيف امه ماعليك منه لاتسمعي كلامه قالت ايوا انا ابغى بزوره وهو قفلها بوجهي
عرفت منها انها مطلقه وعندها خمسه من زوجها الاول وتزوجت قريب وجابت بنت وماعاد حملت وتحاول تحمل بس يمكن فيه مشكله فجات لدكتورتي
المهم طول ماهي جالسه تسولف معايه ويمر دكتور او دكتوره او ممرضه او موظفه تسألني عنهم وانا اجاوب اقولها هذه ممرضة الدكتوره الفلانيه وهذه موظفة الاستقبال وهذه في قسم الملفات وهذه السكرتيره وهذا موظف استقبال الاسنان وهي تقولي ماشاء حافظتهم قلت ماعليك من كثر قعدتي في المستشفى حفظتهم وحفظت اساميهم واعرف ايش شغلتهم😅😅
طبعا هي شكلها مافطرت وخايف تدور لها فطور ويروح دورها قالت انا جيعانه وابغى افطر قلت فيه تحت كوفي عنده فطور مره حلو روحي افطري وتعالي قالت اخاف ينادو اسمي قلت طيب تعالي ورحنا للممرضه قلت لها كم فيه قبل هذه المريضه قالت فيه خمسه اشخاص قلت خلاص هيا روحي افطري وتقهوي ولو تبغي تاخذي غفوه كمان خذي راحتك محد مناديك وانا هنا موجوده لو بداو بالاسماء باناديك وحلفت مية يمين الااااا اجيب لك معايه قلت والله فطرت قبلك روحي انت قالت خلاص باجيب لك عصير او قهوه قلت سبقتك بس روحي افطري وراحت طبعا هالكلام الساعه عشره الصباح ورجعت انا جلست مكاني وشافتني وحده ثاني وجات جلست جنبي تسالني عن الدكتوره كم سؤال وانا اجاوبها
وطلعت ماشاء الله محاضره في الجامعه خلصت من الجامعه وجات المستشفى سولفت لي شوي عنها وعن طالباتها واولادها وراحت مااعرف فين حسيتها اختفت وانا اصلا نسيتها😅😅
الا رجعت اللي كانت تفطر وجلست بجنبي وكملنا سواليف الين الساعه ١٢ الظهر قلت لها خلاص الدكتوره شكلها مو نازله انا باروح اكنسل حجزي وارجع لهم العصر عشان بزورتي قالت لاااا لاتروحي >>>> حبتني😂😂 تقول شويه تلاقي الدكتوره جت قلت الدكتوره دوامها يخلص وحده مااعتقد بتنزل خلاص اجيها العصر وسلمت عليها وودعتها ورحت للسكرتيره عشان تعطيني ورقه اكنسل حجزي وشافتني وحده حامل بالسابع كانت جالسه ولحقتني قالت لي يااخت انت ليه بتكنسلي؟؟؟ قلت لها الدكتوره مو جايه فليه انتظر؟؟ قالت بالله عليك طيب محد علمنا قلت انا سالت الممرضه وهي قالت لي وحسيت انه الحرمه مو على بعضها قلت لها ايشبك فيك شي؟؟؟ قالت ايوا دايخه مره واستفرغت لان الضغط نزل عليه لانها من الصباح مثلي تنتظر ياحرام قمت طلعت لها معمول قلت خذي كلي مارضيت تاخذه قلت كليه شكلك مو قادره توقفي قالت لا بس تعالي ساعديني اكنسل حجزي فين اروح مااعرف قلت ابشري تعالي نروح سوا ورحنا غرفة السكرتيره وكنسلت حجزي وكتبت اسمي في مواعيد العصر وكلمتها الحرمه اللي معايا قالت انا كمان ابغى اكنسل قالت خلاص الاخت هذه اخرر اسم كتبته للعصر >> قصدها انا😎😎 الحامل قالت لها لا انا ماابغى العصر ابغى الاسبوع الجاي وكتبت لها موعد واعطتها ورقه وخرجنا على الاستقبال اعطيتهم الوصل قلت رجعو فلوسي وكنسلو حجزي وجات الحرمه تقولي وانا ؟؟ قلت اعطيهم ورقتك وخذي فلوسك واعطوها فلوسها بعدها قالت والورقه اللي اعطتني السكرتيره ايش اسوي فيها قلت جيبيها الاسبوع الجاي معاك لايروح عليك الموعد انتبهي قالت طيب وشكرتني وراحت وانا طيران ع السياره بالحق بزورتي لايجو قبلي والحمدلله جيت قبلهم
اكمل لكم في الرد الجاي.

بنات العص عص. حقي يوجعني.

المهم غديت بزورتي الحمدلله ونظفت مطبخي ونومتهم ورجعت المستشفى كانت الساعه ثلاث العصر وعليها ورحت اخذت ورقة موعد جديد وجلست على كراسي في الممر انتظر العصر ياذن عشان اصلي الا جات المحاضره اللي في الصباح اللي قلت انها اختفت وشافتني وجاتني قالت انتي مارحتي البيت الى الان؟؟؟ قلت لها الا رحت ودوبي جيت انت اللي اختفيتي فجاه في الصباح قالت ايوا رجعت بيتي عشان اولادي وخلصت وجيت دوبي دخلت الاشفتك بعدين قالت عن اذنك باروح اجيب ورقة موعد وراحت لموظفة الاستقبال واخذت ورقة الموعد بس الظاهر موظفة الاستقبال كانت شوي معصبه فتخاصمو الاثنين الموظفه والمحاضره واصواتهم وصلت اخر المستشفى وياقليلة الادب وياقليلة الحيا واحترمي نفسك واحنا كلنا تعبانين مااسمح لك تنفخي عليه ومن هالكلام
المهم دخلت انا صليت العصر في الاستراحه الاجات هذه المحاضره قالت لي شفتي الموظفه كيف قلت ادبها قلت لها ايوا شفتك ايش صار؟؟ قالت رحت اسالها سؤال وجاوبتني بطريقه مافيها ادب وتقولي خلاص خلاص روحي وتأشر بيدها في وجهي وانا ماتحملت قلت يابنت الحلال هدي اعصابك ماعليك فيها قالت والله مااسكت لها وباشتكيها في الاداره اوريها قليلة الادب
الا فيه وحده حرمه كبيره جالسه قالت والله لو انا منك امسح فيها البلاط كيف كذا تتكلم قمت انا التفت على الحرمه الكبيره وقلت لها لا ماعليك مسحت فيها البلاط والجدران لاتشعلليها 😂😂 قالت ايوا هذا الصح كيف انا مريضه وتجي وحده كذا تكلمني قلت كلنا متنرفزين لاننا من الصباح هنا
المهم جات الممرضه الساعه خمسه وقلت لها الدكتوره جايه قالت ايوا الا تاخرت الدكتوره والساعه خمسه ونص جات مساعدتها اول ماشفت المساعده دخلت رحت طيران للممرضه قلت شوفي انت عارفه انا من الصباح هنا قالت ايواااا مدااااام انا يئعرف وانا ماينادي اسم انت الا اذا جات دكتوره قلت تمام عليك شاطره 😎😎
المهم انه اسمي كان اول واحد فما نادتني نادت اللي بعدي ودخلت وانا انتظرت وجات دكتورتي الساعه سته الاربع ورحت وقفت عند الباب انتظرها تناديني الا جو دكتورين دخلو عندها وانا اطالعم جات الممرضه قالت مدام مافيه موسكله هذا دكتور يخرج انت تدخل قلت ايوا كذا
الا شافتني وحده حامل وجت قالت لي يااخت انت جربتي قبل كذا تكون موية الجنين ناقصه قلت لها لا ليه؟؟؟ قالت انا قالو لي موية الجنين ناقصه وخوفوني العياده اللي اراجع فيها وحولوني على هالدكتوره يقولو شاطره قلت لاتخافي ان شاء الله خير الان تدخلي عندها وهي تحولك على الدكتور تبع السونار وهو يعطيك الخبر الاكيد بس تعالي اجلسي قالت مقدر اجلس انا هنا على اعصابي قلت لها يابنت الحلال خير لاتخافي قالت الا قالو لي اذا موية الجنين ناقصه يجي معوق قلت لها الله اكبر مين افتى لك بهالفتوى قالت كثير قلت لاتسمعي لاحد الا سمعتها وحده كانت جالسه وجت قالت ليه خايفه انا ولدت بنتي والمويه كانت ناااشفه وولدتها ووزنها كيلو وسبعميه قالت قولي والله😂😂
قلت لها ها شفتي هيا بطلي خوف قالت طيب بنتك جات معوقه؟؟؟ قالت معوقة مين والله انها طبيعيه وذكيه والان هي في التمهيدي
قلت خلاص انتظري دورك والان يطمنك الدكتور
ونادتني الممرضه ودخلت للدكتوره وخلصت معاها وكل شي وخرجت الا الاقي رجال يتضارب مع موظفة الاستقبال اللي تضاربت معاها المحاضره ويقولها انت مكانك مو هنا انت مكانك في البيت في المطبخ😂😂😂


لاتلوموني لما رجعت البيت مصدعه ودماغي فاصل😂😂


نزلت ابغى انتظر زوجي عشان ارجع البيت الا الاقي المحاضره جايه جهتي قالت لسه مارحتي قلت لها لا خلاص الان امشي قالت انا طلبو مني تحاليل ورايحه اسويها قلت الله ييسر امرك وودعتني وسلمت علي وراحت
وانا خرجت بعد المغرب للبيت
هذا هو اكشني اللي صار امس😁

الحلوه ههههههههه
صايره مرشده للجميع
وطبطبي عليهم

شفتي كيف؟؟😎😎