لا تخليهم ياخذون من السائل وش راح تستفيدي حتى لو تأكدو ان تشخيصهم صح هذا اللي ربي قدره ولا حول ولا قوه الا بالله وربي يرضيك باللي مكتوب لك ...
وفي احتمال يكون تشخيصهم غلط خاصه انهم ما حصلو كل العلامات ويكون سليم بأذن ... ويحرضون عالولاده المبكره وممكن تخسرينه .. فوضي امرك لله وتوكلي عليه وربي يختار لك الصالح .
انا بقولك على مرت اخوي قالو لها راس الطفل كبير وهي حملت فيه بعد سبع سنين وقالو لها مستحيييييل تولديه طبيعي وخوفوها حسسوها ان الولد فيه شي وما شاء اللله ولدته قيصري ومافيه الا العافيه ..
ونفس الشي سلفتي قالو لها راس الطفل اكبر من عمره وهو اول طفل لها وراحت مستشفيات كثير ومن اشعه في اشعه ما خلت شي والحمدلله ولدته سليم مافيه ولا شي ..
وجارتنا انا اعرفها قالو لها بنتك قامتها قصيره بنتك قزمه وراحت عملت اشعه باغلب المستشفيات لين صرفو لها ابر تساعد على النمو استمرت عليها لين بعد الولاده بفتره ...والحين بنتها طولها انا اشوفها مافيها الا العافيه وتحمد الله انها ما نزلتها وهي آخر عنقودها ودلوعتها ..
فوضي امرك لله وتوكلي عليه ..وخذي بالاسباب روحي اعملي الواجب عليك افحصي باكبر مستشفيات لكن لاتأخذين من السائل وتضرين نفسك ...
اللي يجي من الله كله خير الحمد لله على عطائه
لا تخليهم ياخذون من السائل وش راح تستفيدي حتى لو تأكدو ان تشخيصهم صح هذا اللي ربي قدره ولا حول...
ماعندي علم
الله يفرج همك ويرزقك الطفل السليم المعافى ويرزقك الرضا بالقضاء