بيسان انتي اللي طلع معاك سكر صح هاكيف الحين سويت تحليل ثاني

حبيبتي عادي اي شركه انا لسه ماشريت ناويه اشتري وطبعا يغني عن التعقيم بالقدور واسهل واريح اختي من كم شهر شاريته وحيل تمدح فيه اذا حابه اسألها وش اسمه لكن اعتقد ان كلها زي بعض باختلاف اسم الشركه طبعا تغسلين الرضعه بفيري ومويه ثم تركبينها بالجهاز دقيقتين ويقفل وتخلينها تبرد ثم تستخدمينها ...

ساميه ان شاء الله ماتحتاجي حبوب المنظم بس انتبهي شوي لاتخبصي بالاكل
والله انا حاولت اسوي حميه بس ماقدرت بالذات ان اكلنا اغلبه نشويات
انا خايفه لان وزني زاد 10 كيلو من بدايه الحمل وبالبرامج يقول المفروض الزياده 5ونص كيلو 😨يعني انا زايده ضعف اللي مفروض وانا بعد توني ببداية السابع

مساء الخير
جديدي امس وانا جالسه حسيت بشي نزل وبسرعه
رحت دوره المياه الا ولقيت دم بملابسي الداخليه بغيت انجن ماعرفت اتصرف افكر في الجنين خفت تكون ولاده وبسرعه اروح الدكتوره وتسويلي سونار والحمدالله طمنتني ان الرحم مقفل والمشيمه مو نازله
والجنين بخير يارب لك الحمد والشكر
قالت يمكن من ابر السيوله لاني استخدم ابر كلكسان
وانا ببدايه السابع
الله يسهل يارب وندخل التاسع على خير
دعواتكم

السلام عليكم ورحمة الله وبركاته
كيفكم وكيف صحتكم
اتمنى ربي يمدكم بالصحة والعافية وما اسمع عنكم الا الاخبار الطيبة والحلوة
انقطعت فترة كان عندي كم اختبار غثيث ويرفع الضغط وغير البحوث هذي هم ثاني بس الحمد لله اتيسرت وعدت على خير .
بداية شكرا ام اصيل على التجمع ومرة جميلة فكرة تجميع الاشياء المهمة في الصفحات الاولى ، يعطيكي العافية ي عسل ،، طبعا الشكر موصول للعضوات اللي ضافوا المواضيع ❤❤
اممم لي يومين وانا احاول اقرأ كل اللي فاتني في هذا التجمع واللي قبله والحمد لله توي انتهيت .
اممم بصراحة بدون ذكر اسماء عشان لا انسى احد ويزعل ،، شكرا لكل اللي سأل عني الله لا يحرمكم من احبابكم ويوفقكم بحياتكم دنيا واخره 😘😘😘😘
بعلق على الاشياء اللي اذكرها وبدون اسماء
اولا اللي اشتروا وقضوا لا قوة الا بالله مشترواتكم جميلة يتهنى فيها البيبي وتتهنوا فيها
اللي تسال عن الشد في الساق ،، قبل كم شهر كنت اعاني منه بس الدكتورة قالت لي ع طريقة واتبعتها والحمد لله في لحظتها يختفي الالم ،، قبل كم شهر كنت اخاف احرك رجولي خصوصا وانا نايمة عشان لا يجي الالم بس الحين شرت اقول لنفسي طز لو جا امد رجلي واجيب اصابع رجلي على جهة جسمي وانتهى الموضوع ..
اللي تسال عن جهاز التعقيم انا اشتريته من دكتور بروان بس بصفة اني بكرية فما اقدر انصح به لاني لسا ما جربته بس اشتريته بناء عن تقييم الاجانب عليه الاغلب يمدحه 😌
بالنسبة لالم العضلات الافضل تاخذي دش دافي قبل النوم ( من نصايح دكتورتي )
بالنسبة لمشترواتي كل ما اشتري تطلع لي اغراض ولازم اجلس فترة عشان اقرر هيا مفيدة او لا
بالنسبة للمواعيد المستشفى قبل كم اسبوع كان عندي موعد وفي نفس الموعد تحليل سكر ( اشرب جلوكوز 100 مل )
طبعا قبلها انا كنت يوميا اكل حلى خصيصا شوكلاته التويكس 😢 ، واكلتها على راسي اتصلو علي وقالولي السكر مرتفع ولازم ارجع اسوي نوع تاني من التحليل عشان يتاكدوا
امانة جاني احباط مو طبيعي وسرت ما اكل الا خضروات وفواكه وشوربة عدس بالخضار وسلطات وعيش حب ( اكره العيش الحب بس جبرت نفسي عليه )
ورحت التحليل الثاني طبعا اربع ابر دم بمعدل ابرة في كل ساعة المصيبة انها في نفس المكان والحمد لله نتيجة التحليل بعد الحمية الشنيعة اللي عملتها طلع ما في اللهم لك الحمد والشكر .
بالنسبة لاهم نقطة عجبتني في كلام الدكتورة في مراجعتي :
انها بتعملي كلاس عن طريقة التنفس وقت الولادة وتعلمني كيف طريقة الولادة بالموية
وكمان سالتها متى ابدأ امشي ،، قالت المشي مالو علاقة بفتح الرحم ..
المشي بيخليكي تتعبي ويروح مجهودك في المشي وقالت كثير حريم وهما مسدوحين فوق السرير ينفتح الرحم وهما ما مشوا ..
المهم قالت لا تضيعي طاقتك في شيء مو مفيد قلت طيب اجلس كذا استنى الولادة ،، راحت احرجتني بكلمة وقالت عندكم في دينكم شيء اسمو ( انه ربك يقول لشيء كن فيكون ، وربك مو محتاج مساعدة منك بالمشي او غيرة عشان تولدي )
بعدين قالت لما تقرب ولادتك كثري الجلوس بالموية الدافية تخفف الالم وقالت اسساسا في غرفة الطلق موجود باث دافيء
واش كمان
ايوه بالنسبة للي تقول انه زوجها زعلان انها حتجيب بنت ،، طبعا البنات ما قصروا كفو ووفو وانا انسانة ما احب احد يدقني بالكلام فبطريقة غير مباشرة المح ان تحديد الجنس من ربي ومن الرجال عشان ما اسمع حس اجد من اهل زوجي يتكلم في ده الموضوع بالرغم انا ما ادري لسا اش جنسه ولا احد يعرف من اهلي او اهل زوجي اني حامل ..
وبالنسبة للهدايا هو مايقصر بس بجد مني متخيلة اش راح يجيب لي هدية خصوصا ده اول مولود ..
بالنسبة للي يقولو سفر انا بصراحة حابسة نفسي بسبب الدراسة والحمل وابى اولد عشان ارجع اعيش حياتي ناوية اروح دولة معينة بس ما ادري كيف بيكون الوضع مع البيبي وان شاء الله ربنا كريم وميسر الامور


هدا بعض ما في جعبتي 😅