^Ro0oZ^ :

امس كنت في ملكة بنت خال زوجي وكانوا معايا ف الطاوله 4 حوامل ماشاء الله كلهم من اهل زوجي وحده معايا ولادتها حتى ف الاسابيع زي بعض ماشاء الله واثنين ف الشهور الاولى لسى ، المهم انا كنت افكر لو ماتسهلت امور زوجي ورجع لجده انه اتنفس ف بيتي وافرزن الي اقدر افرزنه وخلاص امشي النفاس وبنتي قدها كبرت بس عليا اروشها وحمام للحاجه الثانيه انا اغسلها والاكل اي شيء حتمشي الحال او مع ابوها بس البنات امس مره خوفوني 💔 انه مستحيل تقدري قولتلهم طيب ليش الخواجه يقدروا قالوا مايخيطوهم من جوا ف يقدروا يتحركوا وبعضهم مايتخيطوا خير شر وقالولي غير وجع الظهر ، قالوا لو كنتي بكريه وماوراكي بنت ممكن اسهل الوضع بس مع بنتك والنونو صعب حبطوني لكن برضوا مصره اتنفس ف بيتي وشايله هم الخياطه نفسي تاميني يرجع للمستشفى الي ولدت فيها بنتي لانه الي اعرفهم كلهم ولدوا فيها وقالوا نقدر نتحرك وقت الخياطه مو زي دي المستشفى الي دحين تاميني فيها وحده من البنات ف الطاوله ولدت هناك تقولي ماتقدر تتحرك وتمشي بشويش والحمام عذاب ثاني جاني الهم وصايره افكر ، نفسي اقول للدكتوره لاتشقي ولا تخيطي 💔، بس اخاف حالتي يحتاجوا للشق وكدا .. وبصراحه مافيا ع شيلة العفش لبيت اهلي وملابس النونو واغراضه حتكون ف شنطه والوضع مكركب وبنتي تصير مرررررره مدلعه ماراح اقدر اتحملها ف محتاره 😞 .. وغير كدا ف بيت اهلي الوضع الشغاله هيا الي تطبخ واغلب اكلها مايعجبني وانا حقعد اروش النونو واهتم فيه لانه اهلي كبروا انا اخر العنقود حقهم وخلاص صحة امي مهي زي اول ف لمن ولدت اختي ماسوتلها ولا شيء بس اكل الشغاله مشت الحال فيه وبعدين راحت بيتها بعد ثلاثه اسابيع يعني اريحلي اقعد ف بيتي دامني انا الي بقوم بالنونو بكل شيء وبس الفرق اني حطبخ ع خفيف بس امس حبطوني حسسوني انه الي تولد ماتقدر تسوي اي شيء ف الدنيا من الخياطه 💔 ف بسالكم الي مسوين خياطه داخليه هل الوضع جدا صعب ؟ انه مستحيل اقوم اسويلي سندوتش بيض او شوربه او سلطه ؟؟ ولا البنات يبغالوا ؟؟

امس كنت في ملكة بنت خال زوجي وكانوا معايا ف الطاوله 4 حوامل ماشاء الله كلهم من اهل زوجي وحده...